ជីវិតកម្សាន្ដ

ខ្ញីចាស់កាន់តែហិរ! សុខ ពិសី អ្នកគាំទ្រសរសើរពូកែថែរក្សារាង និងសម្រស់ស្អាតមិនចាញ់អាយុ ១៨ឆ្នាំ

បានផុស

១១ ខែ មុន

នៅ

ថ្ងៃចន្ទ ២៧ ឧសភា ២០២៤

ដោយ

តារាចម្រៀងកញ្ញា សុខ ពិសី បច្ចុប្បន្នត្រូវគេកត់សម្គាល់ថា ថ្វីត្បិតនាងមានភាពមមាញឹកការងារច្រើនបន្តិចក្តីតែបើនិយាយពីរូបសម្រស់ស្រស់កាន់តែស្អាតផូរផង់ជាងមុនស្របពេលដែលជីវិតរបស់នាងក៏កាន់តែមានភាពហ៊ឺហា ឡូយឆាយបើធៀប នឹងមិត្តភក្តិរួមអាជីពសិល្បៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់តារាចម្រៀងស្រីជួរមុខរបស់ផលិតកម្ម «សាន់ដេ» កញ្ញា សុខ ពិសី រហូតមកទល់ពេលនេះ គឺនាងជាតារាស្រីដែលរក្សាបានការគាំទ្រ និងមានប្រជាប្រិយភាពមិនចេះថមថយ។ ម្យ៉ាងទៀត សុខ ពិសី ក៏ត្រូវបានគេនិយាយថា នាងជារាជនីយសម្រស់ផងដែរ ខណៈចូលដល់ឆ្នាំ២០២៤ ស្រីស្អាតរូបនេះកាន់តែត្រូវប៉ាន់លើទីផ្សារចម្រៀងតាមបណ្តាខេត្តផ្សេងៗជាច្រើន។

កាន់តែចាប់អារម្មណ៍ថែមទៀង សុខ ពិសី មុននេះត្រូវបានអ្នកគាំទ្រនាងបានលើកសរសើរថា“សូមសរសើរហើយតារាចម្រៀងកញ្ញា សុខ ពិសី មានរូបរាងស្រស់ស្អាត និងមុខខ្ជូតគួរឱ្យស្រឡាញ់ខ្លាំងណាស់សំណព្វចិត្ត សំណព្វបេះដូងរបស់ហ្វេនៗទាំងអស់គ្នា”។

ដោយឡែកនិយាយពាក់ព័ន្ធនឹងរឿងរ៉ាវជីវិតស្នេហា របស់តារាចម្រៀង សុខ ពិសី កន្លងមកមានទស្សនិកជន និងអ្នកគាំទ្រមួយចំនួនធំតែងតែចង់ដឹងគ្រប់គ្នា ថាតើដល់ពេលណាទើបនាងសម្រេចចិត្តដឹកដៃបុរសក្នុងក្តីស្រម៉ៃចូលរោងការដូចតារាប្រុស-ស្រីឯទៀត?។ ទោះបីជាយ៉ាងណាគេកត់សម្គាល់ថា ជារឿយៗកញ្ញា សុខ ពិសី តែងឆ្លើយបដិសេធន៍ និងមិនដែលបង្ហើបពីរឿងនេះម្តងណាឡើយ។

ប៉ុន្តែគេចាំបានកាលពីកន្លងទៅជាការស្រាយមន្ទិល និងចម្ងល់ ឬសំនួរជាច្រើនរបស់អ្នកគាំទ្រកញ្ញា សុខ ពិសី បានប្រាប់តាមរយៈបណ្តាញសង្គមដោយខ្លីថា កុំភ័យរឿងគូស្រករដល់ពេលណា យកពេលហ្នឹងទៅ បើអត់ទេក៏អត់ទៅ។ ត្រូវខ្វល់រឿងខំរកលុយឱ្យបានច្រើនៗទុកពេលចាស់ទៅដើរលេងឱ្យសប្បាយតែម្តង៕

អត្ថបទ៖ ចាន់រ៉ា