ជីវិតកម្សាន្ដ
តារាម៉ូដែល ម៉ិកស៊ិក ស្លាប់ក្នុងវ័យ ៣០ ឆ្នាំ ក្រោយត្រូវរថភ្លើងល្បឿនលឿនទាញចូល ពេលកំពុងថតរូប
តារាម៉ូដែលស្រី Venezuelan Cinthya Nayeli Higareda Bermejo អាយុ ៣០ឆ្នាំ បានស្លាប់ភ្លាមៗនៅនឹងកន្លែងកើតហេតុ ខណៈដែលសម្លៀកបំពាក់របស់នាងបានជាប់នៅលើរថភ្លើងល្បឿនលឿន អំឡុងពេលថតរូបនៅជិតផ្លូវដែក ក្នុងប្រទេសម៉ិកស៊ិក។
យោងតាមសារព័ត៌មាន Mirror កាលពីថ្ងៃទី២៨ ខែឧសភា បានបញ្ចាក់ថា ហេតុការណ៍នេះបានកើតឡើងនៅក្នុងទីក្រុង Zacoalco de Torres ភាគខាងលិចទីក្រុងម៉ិកស៊ិក ជាកន្លែងដែល Bermejo បានចូលរួមថតរូបនៅជិតផ្លូវរថភ្លើង។
សាក្សីដែលបានឃើញផ្ទាល់ភ្នែកបានរាយការណ៍ថា តារាម៉ូដែលនេះមានគោលបំណងចាប់យករថភ្លើងដែលកំពុងធ្វើដំណើរយ៉ាងលឿននៅក្នុងផ្ទៃខាងក្រោយនៃរូបថតរបស់នាង។ ទោះជាយ៉ាងណាក៏ដោយ នាងក៏ចៃដន្យឈរកៀកផ្លូវរថភ្លើង ហើយត្រូវបានអូសចូលទៅក្នុងផ្លូវរថភ្លើងដែលជិតមកដល់។ គេជឿថា រថភ្លើងបានទាញឈុតលើខ្លួនរបស់នាងបណ្តាលឲ្យស្លាប់ភ្លាមៗ ។
ក្រោយមក សេវាសង្គ្រោះបន្ទាន់បានទៅដល់កន្លែងកើតហេតុ ប៉ុន្តែប៉ុន្តែគួរឲ្យសោកស្តាយពួកគេមិនអាចជួយសង្គ្រោះនាងបានទេ ទើបបញ្ជាក់ពីការស្លាប់របស់ Bermejo តែប៉ុណ្ណោះ។ ចំណែកសាកសពរបស់នាង ត្រូវបានគេយកទៅធ្វើកោសល្យវិច័យ ដោយគ្រោងនឹងប្រគល់ឲ្យក្រុមគ្រួសារយកទៅបញ្ចុះ។
យ៉ាងណាមិញ អាជ្ញាធរបានសាកសួរសាក្សីដែលបានចូលរួមថតរូប ក្នុងពេលជាមួយគ្នានោះដែរ ព្រះរាជអាជ្ញារដ្ឋ Jalisco លោក Joaquin Mendez Ruiz បាននិយាយថា “ផ្អែកលើព័ត៌មានដែលយើងមានរហូតមកដល់ពេលនេះ ជនរងគ្រោះកំពុងចូលរួមក្នុងការថតរូបជាមួយមនុស្សម្នាក់ ដែលយើងបានសាកសួររួចហើយ និងសាក្សីមួយចំនួនផ្សេងទៀតនៅកន្លែងកើតហេតុ។ អ្វីគ្រប់យ៉ាងបង្ហាញថាវាជាឧបទ្ទវហេតុ នាងស្ថិតនៅជិតរថភ្លើងពេក ពេលវាកំពុងឆ្លងកាត់ ទើបបណ្ដាលឲ្យកម្លាំងទំនងជាបានទាញសម្លៀកបំពាក់របស់នាង ហើយនោះ ជាហេតុធ្វើឲ្យនាងស្លាប់ភ្លាមៗ។ ប៉ុន្តែយ៉ាងណា ការស៊ើបអង្កេតលើការស្លាប់របស់តារាម៉ូដែលវ័យ៣០ឆ្នាំរូបនេះ កំពុងបន្តផងដែរ៕
![](https://www.kampucheathmey.com/wp-content/uploads/2024/05/image-1697-1024x576.png)
អត្ថបទ៖ សាង ស្រីល័ក្ខ
ចុចអាន៖កូនស្រីម្នាក់ទៀតរបស់ Angelina និង Brad Pitt សម្រេចបោះបង់ចោលនាមត្រកូលឪពុក
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ