កូនស្រីម្នាក់ទៀតរបស់ Angelina និង Brad Pitt សម្រេចបោះបង់ចោលនាមត្រកូលឪពុក

Vivienne គឺជាកូនស្រីបន្ទាប់របស់ Angelina Jolie និង Brad Pitt នាងត្រូវបានគេរកឃើញថា លែងប្រើនាមត្រកូលរបស់ឪពុកទៀតហើយ ផ្ទុយទៅវិញមានតែឈ្មោះម្តាយប៉ុណ្ណោះ។ ស្របពេលដែល Shiloh ក៏បានបោះបង់ចោលកាលពីពេលថ្មីៗនេះដូចៗគ្នា។

កាលពីថ្ងៃទី ២៧ ខែឧសភា​ យោងតាមការរាយការណ៍បានបញ្ចាក់ថា​ Angelina Jolie បានទៅគាំទ្រកូនស្រីក្នុងកំឡុងពេលកកម្មវិធីបង្ហាញស្នាដៃក្នុងផលិតកម្មតន្ត្រី Broadway នៃ The Outsiders​​ ពេលនោះ Vivienne ត្រូវបានគេដាក់ឈ្មោះនៅលើផ្ទាំងរូបភាពនៃការផ្សាយពាណិជ្ជកម្មថា Vivienne Jolie​ ខណៈដែលពីមុន គឺមានឈ្មោះពេញថា Vivienne Jolie-Pitt។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានោះដែរ គេសង្កេតឃើញទៀតថា Angelina សប្បាយចិត្តណាស់​ ដែលបានអនុវត្តគម្រោងផលិតកម្មដំណាក់កាលដំបូងជាមួយកូនស្រី ដែលជានិស្សិតម្នាក់នៅក្នុងឧស្សាហកម្មល្ខោននិង អ្នកគាំទ្រសិល្បៈ ។

ដោយឡែក នៅក្នុងវីដេអូមួយផ្សេងទៀត បានបង្ហាញពីកូនស្រីច្បងម្នាក់ទៀតឈ្មោះ Shiloh កំពុងហាត់រាំ បានក្លាយជាប្រធានបទនៃការចាប់អារម្មណ៍នៅក្នុងប្រព័ន្ធផ្សព្វផ្សាយ​ ជាពិសេសនៅគណនី Instagram នាងត្រូវបានលាតត្រដាង។ គេរកឃើញថា នាងបានណែនាំខ្លួននាងថាជាគ្រួសារ Sholie មិនមែនជាក្រុមគ្រួសារ Jolie-Pitt​ ដូចពីមុនទេ។

ទោះបីជាយ៉ាងណាក៏ដោយ គេនៅមិនទាន់ច្បាស់ថា តើការផ្លាស់ប្តូររបស់កូនៗ​ Angelina គឺជាការបំពានឬទទួលស្គាល់ដោយអាជ្ញាធរមានសមត្ថកិច្ចឬអត់ទេ។ ស្ថានភាពនេះមានភាពចម្រូងចម្រាសនៅក្នុងសហគមន៍អនឡាញ រួមបញ្ចូលជាមួយព័ត៌មានអំពីការជួលអង្គរក្សដែល Angelin បានលើកទឹកចិត្តឲ្យកុមារចៀសវាងពីឪពុករបស់ពួកគេ។

ទន្ទឹមនោះទៀតដែរ អ្នកលេងអ៊ីនធឺណេតបានអត្ថាធិប្បាយថា “ខ្ញុំមិនមែនជាអ្នកគាំទ្រឥរិយាបថនេះទេ។ មនុស្សម្នាក់ៗមានកាលៈទេសៈផ្ទាល់ខ្លួន ប៉ុន្តែខ្ញុំបង្រៀនកូនប្រុសខ្ញុំឲ្យគោរពឪពុករបស់គាត់។ កំហុសរបស់ឪពុក គឺជាកំហុសរបស់គាត់ មិនមែនជាកំហុសរបស់កូនប្រុសខ្ញុំទេ។ ខ្ញុំមិនយល់ទេថា ហេតុអ្វីបានជាក្មេងៗត្រូវទាញចូលក្នុងសង្គ្រាមមួយនេះ។កាលដែលAngelina Jolie ធ្វើបែបនេះច្បាស់ណាស់ថាក្មេងៗរងទុក្ខនៅពេលក្រោយជាក់ជាមិនខានឡើយ”។

សូមបញ្ជាក់ដែរថា Angelina និង Brad Pitt បានចាប់ផ្តើមទាក់ទងគ្នានៅឆ្នាំ ២០០៥ ហើយរៀបការនៅឆ្នាំ ២០១៥ ប៉ុន្តែបានបែកគ្នាវិញ ​។ តាំង​ពី​បែក​គ្នា​មក តារា​ទាំង​ពីរ​ក៏​បាន​ឈ្លោះ​គ្នា​នៅ​តុលាការ​ ជុំវិញ​ហាង​ស្រា​ដែល​ពួក​គេ​ធ្លាប់​ជា​ម្ចាស់​ភាគហ៊ុនជាមួយ​គ្នា ៕

អត្ថបទ៖ សាង ស្រីល័ក្ខ

ចុចអាន៖​តារាប្រុស ៥ រូប គ្រង​តំណែង​ជាបុរស​សង្ហា​បំផុត​លើលោក ​ក្នុង​ឆ្នាំ ២០២៤