ជីវិតកម្សាន្ដ

ផ្ទុះការចាប់អារម្មណ៍ ក្រោយតារាចម្រៀង ពេជ្រ សូលីកា អង្គុយស្រក់ទឹកភ្នែកយំម្នាក់ឯងមិនដឹងមូលហេតុ

បានផុស

២ years មុន

នៅ

ថ្ងៃសុក្រ ១៣ កញ្ញា ២០២៤

ដោយ

តារាចម្រៀងអ្នកនាង ពេជ្រ សូលីកា កាលពីថ្មីៗនេះបានធ្វើមហាជន និងអ្នកគាំទ្រមានការភ្ញាក់ផ្អើលបន្ទាប់ពីឃើញនាង អង្គុយស្រក់ទឹកភ្នែកយំម្នាក់ឯងដោយមិនដឹងមូលហេតុ។ ខណៈមានអ្នកគាំទ្រមួយ ចំនួនបានសួរនាំគ្រប់គ្នា។

ជាក់ស្តែង បើតាមប្រភពព័ត៌បានឲ្យដឹងថា ពេជ្រ សូលីកា កាលពីរាត្រីថ្ងៃទី៩ ខែកញ្ញា ឆ្នាំ២០២៤ បានអង្គុយ បង្ហូរទឹកភ្នែកម្នាក់ឯងពេលដែលនាងច្រៀងនៅ Pub មួយកន្លែងតាមរយៈច្រៀងបទ «បេះដូងយំ មិនដឹងប៉ុន្មានដង» ដែលបទចម្រៀងនេះហាក់ត្រូវនឹងជីវិតស្នេហារបស់នាង។ ក្នុងនោះក៏មានអ្នកគាំទ្រខ្លះសង្ស័យថានាងអាចយំព្រោះនឹករឿងអតីតស្នេហាចាស់ធ្លាប់សាងឡើងជាមួយអឌិតស្វាមី។

ដោយឡែក ក៏មានខ្លះទៀតយល់ថា អ្នកមេម៉ាយ ពេជ្រ សូលីកា ទំនងរំភើបពេកព្រោះមានអ្នកទៅទស្សនាច្រើន ហើយពួកគេចេះច្រៀងបទនាងជាច្រើននាក់ដែលបង្ហាញថា សុទ្ធតែជា Fan ទើបអ្នកមេម៉ាយកូន ១ ទប់ទឹកភ្នែកមិនបានបែបនេះ តែក្រៅពីចាប់អារម្មណ៍អ្នកនាង ពេជ្រ សូលីកា អង្គុយខ្សឹបខ្សួលហូរទឹកភ្នែកនៅចំពោះអ្នកគាំទ្ររបស់ខ្លួននោះភាគច្រើនពួកគេបានតាមដានទៅលើតារារូបសម្រស់របស់ សូលីកា ថានៅតែរាងស្រស់ស្អាត សាច់ស្អាត ស្រឡូនគួរឲ្យគយគន់ ទោះបីពេលនេះនាងមានកូនប្រុសម្នាក់ហើយក្ដី។

តាមការកត់សម្គាល់ ពេជ្រ សូលីកា កន្លងមកគឺធ្លាប់ច្រៀងយំនេះមិនមែនជាលើកដំបូងឡើយ ព្រោះបទចម្រៀងរបស់នាងចុងក្រោយនេះភាគច្រើនគឺ អ្នកនិពន្ធសរសេរឲ្យនាងច្រៀងត្រូវ និងសាច់រឿងស្នេហារបស់នាងដែលមិនសមប្រកបនោះតែម្ដង ទើបនាងទប់ទឹកភ្នែកមិនជាប់គ្រាន់តែពេលខ្លះនាងស្រងូតស្រងាត់ម្នាក់ឯងមិនឲ្យគេដឹងប៉ុណ្ណោះ។

ឆ្លងកាត់ជីវិតដ៏លំបាក និងការតស៊ូរជាច្រើនកន្លងមកនេះបានបង្រៀងតារាចម្រៀង ពេជ្រ សូលីកា ឲ្យកាន់តែមានភាពរឹងមាំសម្រាប់ជីវិតមួយនេះ។ ម្យ៉ាងទៀតគេក៏កត់សម្គាល់ថា អ្នកនាង ពេជ្រ សូលីកា សព្វថ្ងៃក៏បានបំពេញតួនាទីយ៉ាងល្អក្នុងការមើលថែរក្សាកូន ថ្វីត្បិតនាងក្លាយជាស្រ្តីមេម៉ាយក្នុងពេលប៉ុន្មានឆ្នាំមកនេះ៕

អត្ថបទ៖ ចាន់រ៉ា