បវរកញ្ញាវៀតណាម មិនជាប់​ការបោះឆ្នោតទៅវគ្គផ្តាច់ព្រ័ត្រ MGI ខណៈមីយ៉ានម៉ាទទួលសំឡេងច្រើនជាងគេ

បវរកញ្ញាវៀតណាមនាង Que Anh ​មិនមានសំឡេងគាំទ្រនៅក្នុងវគ្គបោះឆ្នោត Miss Popular Vote​ ឡើយ ក្នុងពេលដែលអ្នកឈ្នះ១០នាក់ក្នុងវគ្គនេះនឹងត្រូវឈានទៅវគ្គផ្តាច់ព្រ័ត្រចុង​ក្រោយ​ក្នុង​កម្មវិធី Miss Grand International 2024។

គិតត្រឹមរសៀលថ្ងៃទី ០៨ ខែតុលា Que Anh  តំណាងប្រទេសវៀតណាមក្នុងកម្មវិធី Miss Grand International 2024 បានបន្តអវត្តមានក្នុងបញ្ជីបេក្ខនារីទាំង ១០ ដែលមានសំឡេងឆ្នោតច្រើនជាងគេ។ អ្នក​ដែល​ឈរ​នៅ​លេខ​រៀង​ទី​មួយ ​គឺ​តំណាង​ប្រទេស​មីយ៉ាន់ម៉ា​ ដោយ​មាន​សំឡេង​ឆ្នោត​ច្រើន​ជាង​៦៤%។ នាង​មាន​ប្រៀប​ជាង​គូ​ប្រជែង​ដែល​នៅ​សល់​ក្នុង​បញ្ជី​នេះ​ឆ្ងាយ​ណាស់​ នៅ​ពេល​ដែល​ពួក​គេ​មិន​ទាន់​បាន​ដល់​១០%​នៃ​សន្លឹក​ឆ្នោត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បេក្ខនារីទាំង១០ ដែលមានការបោះឆ្នោតច្រើនជាងគេនៅកម្មវិធី MGI បច្ចុប្បន្នមាន៖ មីយ៉ាន់ម៉ា, សាធារណរដ្ឋដូមីនីកែន, ថៃ, បារាំង, ហ្គាតេម៉ាឡា, ស្វីស, ហ្វីលីពីន, អាល្លឺម៉ង់, ព័រតូរីកូ និងអង់ហ្គោឡា។

ដោយឡែក Que Anh ត្រូវ​បាន​គេ​ចាត់​ទុក​ថា​ជា​ករណី​លើកលែង​ក្នុង​ចំណោម​សម្រស់​របស់​ប្រទេស​វៀតណាម​នៅ​ពេល​ដែល​បាន​ឈ្នះ Miss Grand International ក្នុង​ប៉ុន្មាន​ឆ្នាំ​ចុង​ក្រោយ​នេះ។ នាង​ហាក់​ស្ថិត​ក្នុង​ភាព​ព្រងើយ​កន្តើយ​ជា​សាធារណៈ មិន​ចាប់​អារម្មណ៍​នឹង​ការ​អំពាវនាវ​ឲ្យ​មាន​ការ​បោះឆ្នោតដូចពីមុនឡើយ។

កន្លងមក សម្រស់វៀតណាមជាច្រើនដូចជាបវរកញ្ញា Thien An ឬ Le Hoang Phuong បានប្រកួតប្រជែងដើម្បីលេចមុខក្នុងបេក្ខនារីកំពូលៗដែលមានការបោះឆ្នោតខ្ពស់ក្នុងកម្មវិធី Miss Grand International ។ សូម្បីតែម្ចាស់ជើងឯករង Phuong Nga ក៏ឈ្នះក្នុងប្រភេទនេះដែរ ដោយបានជាប់ក្នុង Top10 ចុងក្រោយនៅ Miss Grand International នារដូវកាល ២០១៨ និង ២០១៩។

ក្រោយមក នៅថ្ងៃទី ០៦ ខែតុលា កញ្ញា Que Anh ស្រាប់តែបង្ហោះសារនៅលើទំព័រហ្វេសបុកផ្ទាល់ខ្លួនដោយសង្ឃឹមថានឹងទទួលបានការគាំទ្រពីទស្សនិកជន។ ក្នុងសារនោះនាងបាននិយាយថា Que Anh សង្ឃឹម​ថា​នឹង​ទទួល​បាន​ការ​គាំទ្រ​ពី​ទស្សនិកជន អ្នក​ដែល​ស្រលាញ់​សម្រស់​វៀតណាម ហើយ​រួម​គ្នា​មាន​មោទនភាព​ចំពោះ​ពាក្យ​វៀតណាម​. ដោយសារតែ Que Anh នៅតែព្យាយាមឲ្យអស់ស់ពីសមត្ថភាពដើម្បីសម្តែងនៅ MGI ។ នៅទីបញ្ចប់ ដោយមិនគិតពីលទ្ធផលនៅឯការប្រកួត អារម្មណ៍ជារបស់ទស្សនិកជន។

យ៉ាងណាមិញ ក៏មិនមែនជារឿងចម្លែកណាស់ណាដែរ សម្រាប់ម្ចាស់មកុដវៀតណាមមិនទទួលបានការគាំទ្រច្រើនពីសំណាក់ក្នុងស្រុកនិងក្រៅស្រុក។ ឆ្លងកាត់សកម្មភាពដំបូងលើទឹកដីកម្ពុជា បវរកញ្ញាវ័យ២៣ឆ្នាំរូបនេះបានបាត់បងពិន្ទុពីមហាជន នៅពេលដែលនាងឆក់មេក្រូពីកញ្ញា ប៊ី សុធារី ភ្លាមៗ ហើយស្រែកច្រៀងយ៉ាងរំភើយដោយមិនខ្វល់ពីភាគីម្ខាងទៀតមានទឹកមុខបែបណាឡើយ។ ជាពិសេសនាងក៏បានជួបប្រទះនឹងបញ្ហាតុរប្យួរខោអាវដែលមិននឹកស្មានដល់ នៅលើការផ្សាយផ្ទាល់មួយ ដែលបណ្តាលឲ្យមានស្ថានភាពឆ្គាំឆ្គងពិបាកមើលនឹងភ្នែក។ 

អត្ថបទ៖ សាង ស្រីល័ក្ខ

ចុចអាន៖នៅចាំឬអត់ កាលគ្រងតំណែង Miss Grand ថៃ ដំបូង ម៉ាលីន ត្រូវគេចោទថាសូកលុយទិញមកុដ