ស្ងាត់ៗ Bruno Mars ខមិនថា Rose ព្យាយាមថើបលោក

កាលពីពេលថ្មីៗនេះ Rosé បានបង្ហោះរូបភាពមួយសន្លឹកជាមួយតារាចម្រៀងប្រុស ដ៏ល្បីល្បាញ Bruno Mars ដែលបង្កឲ្យមានការភ្ញាក់ផ្អើល ចំពោះអ្នកគាំទ្រ នាំគ្នារងចាំបទថ្មី ដែលជាការសហការរបស់អ្នកទាំងពីរ។ នៅក្នុងនោះ តារាស្រីរូបនេះ បានសរសេរថា យប់ដែលនាងបានបង្រៀន Bruno ពីហ្គេមផឹកស្រារបស់កូរ៉េ។

អ្វីដែលធ្វើឲ្យអ្នកគាំទ្រកាន់តែជ្រួលទៀតនោះគឺ Bruno បានចូលទៅខមិននៅពីក្រោមរូបនោះថា “​ពិតជាសប្បាយណាស់! ចាំពេលដែលអ្នកព្យាយាមថេីបខ្ញុំអត់? វាពិតជាចម្លែក។ តែក្រៅពីហ្នឹង រូបនេះអ៊េមណាស់”។ បន្ទាប់មក Rosé ក៏បានតបខមិនវិញថាឲ្យ Bruno ដកសម្ដីហ្នឹងចេញ ពុំនោះទេ នាងមិនព្រមចេញចម្រៀងជាមួយទេ។

មិនតែប៉ុណ្នោះ បើតាមមើលការតបខមិនទៅមករបស់អ្នកទាំងពីរ ហាក់បីដូចជាមានភាពស្និតស្នាលមែនទែន ហើយអ្នកគាំទ្រពិតជារំភើបនៅពេលឃើញ Rosé និយាយលេងសើចជាមួយតារាប្រុសបែបនេះ។ លើសពីនោះ Bruno ក៏បានបង្ហោះរូបមួយសន្លឹករបស់លោក ហើយនឹងសមាជិក Blackpink រូបនេះផងដែរ។

ដោយបានសរសេរខេបសិនថា “នេះគឺខ្ញុំព្យាយាមរស់យ៉ាងលំបាក ក្រោយពី Rosé ណែនាំខ្ញុំអោយលេងហ្គេមផឹកមួយរបស់កូរ៉េ ហេីយធ្វេីឲ្យខ្ញុំ Saucy (ចូលចិត្តនិយាយផ្តេសផ្តាសតែក្នុងន័យកំប្លែង)។ បន្តិចក្រោយមកនាងបានព្យាយាមថេីបខ្ញុំ ហេីយខ្ញុំក៏សួរថា “វ៉ូ Rosie! តេីនេះជាផ្នែកអ្វីនៃហ្គេម?” ហេីយនាងក៏និយាយថា “ខ្ញុំលែងលេងហ្គេមជាមួយឯងហេីយក្មេងប្រុសតូច! Rosie ធំគឺកំពុងនិយាយពី BIDNESS! (មុខរបរទុច្ចរិត)” ខ្ញុំក៏តបវិញទាំងញ័រខ្លួន “ឈប់ទៅ Rosie ខ្ញុំខ្លាច!” ប៉ុន្តែក្រៅពីហ្នឹង វាគឺជារាត្រីដ៏សុខសាន្តមួយ”៕