Han Sohee ថើបមាត់ស្រី ! ផ្អើលពេញបណ្ដាញអ៊ិនធើណែត (មានវីដេអូ)

កាលពីឆ្នាំមុន 2023 កន្លងទៅនេះ តារាសម្ដែងស្រី Han Sohee ត្រូវបានគេរាយការណ៍ថា នាងបានចូលរួមសម្ដែងនៅក្នុងរឿងប្រភេទ GL ស្រីស្រឡាញ់ស្រី ជាលើកដំបូង ដែលមានចំណងជើងថា Heavey Snow ដែលបានធ្វើឲ្យអ្នកគាំទ្រមានការទន្ទឹងរង់ចាំខ្លាំងមែនទែន។

យ៉ាងណាមិញ រឿង GL មួយនេះ ត្រូវបានថតចប់តាំងពីយូរណាស់មកហើយ ប៉ុន្ដែត្រូវបានផ្អាក ពន្យារពេលនៃការចាក់បញ្ចាំងរហូតមក ដល់ថ្នាក់គេបំភ្លេចចោលទៀតផង ប៉ុន្ដែវាត្រូវបានគេចាក់បញ្ចាំងកាលពីខែតុលា ឆ្នាំមុននេះ។

ខណៈដែលអ្នកគាំទ្ររង់ចាំទស្សនាភាពយន្តពេញ ឃ្លីបរបស់ Han So Hee និងតួឯកស្រីដៃគូសម្ដែង Han Haein ត្រូវបានគេចែករំលែកត្រង់វគ្គ ថើបគ្នានៅក្នុងខ្សែភាពយន្ត ដែលបានធ្វើឱ្យកក្រើកពេញបណ្ដាញអ៉ិនធើណែត។

អ្នក​គាំទ្រ​បាន​ចែករំលែក​ឈុត​ឆាក​ថើប​គ្នា​ពីរ​ដង​រវាងតួឯកស្រីទាំង២ ដែល​ជា​រឿង​ដំបូង​ដែល​បង្ហាញ​ថា Han Hae In ត្រូវ​បាន​ Han So Hee លួងលោម បន្ទាប់មកក៏ងើបមុខមកថើប​ថ្នមៗ។ លើសពីនោះ វគ្គថើបលើកទីពីរគឺកាន់តែ ងប់ងល់ និងយូរជាងនេះ ដោយសារតួអង្គទាំងពីរថើបច្រើនដង។

អ្នក​គាំទ្រ​របស់​តារា​ស្រី​រូប​នេះ​បាន​បញ្ចេញ​ប្រតិកម្ម​ចំពោះ​ឈុត​ឆាក​សម្តែង​ថើបគ្នាជាមួយស្រីដូចគ្នា របស់​ តារាស្រី Han So Hee។ ដោយឡែក មហាជនជាច្រើនបានកោតសរសើរចំពោះការសម្ដែងរបស់នាងក្នុងឈុតទាំងនេះផងដែរ ដោយបានធ្វើឲ្យអ្នកទស្សនាមានអារម្មណ៍ក្ដុកក្ដួលតាមរយៈឈុតឆាកទាំងនេះ៕

ប្រភព៖ Koreaboo