ជីវិតកម្សាន្ដ

កំពូលតារាចម្រៀង ព្រាប សុវត្ថិ រំលែកទុក្ខនិងចូលរួមបុណ្យសពភរិយាលោក ហួរ ឡាវី ,៥០០ដុល្លារ

បានផុស

៥ years មុន

នៅ

ថ្ងៃអាទិត្យ ២១ មីនា ២០២១

ដោយ

កំពូលតារាចម្រៀងលោកព្រាប សុវត្ថិ និងក្រុមគ្រួសារបានសម្តែងការរំលែកទុក្ខដ៏ក្រៀមក្រំ និងសោកសៅបន្ទាប់ពីទទួលដំណឹងមរណភាពភរិយាតារាចម្រៀងជើងចាស់លោកគ្រួ ហួរ ឡាវី និងត្រូវជាម្តាយកញ្ញា វី ឌីណែត។

ជាមួយគ្នានៃការសម្តែងចូលរួមរំលែកទុក្ខដ៏ក្រៀមក្រំនេះដែរ លោក ព្រាប សុវត្ថិ និងក្រុមគ្រួសារក៏បានចូលបច្ច័យបុណ្យសពភរិយាលោកគ្រួ ហួរ ឡាវី ចំនួន៥០០ដុល្លារផងដែរ។ នេះបើតាមការបញ្ជាក់ ឲ្យដឹងពីលោក ហេង ឡុង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពបាននិយាយថា សូមគោរពថ្លែងអំណរគុណតារាចម្រៀងលោក ព្រាប សុវត្ថិ និងក្រុមគ្រួសារដែលបានចូលរួមរំលែកទុក្ខនិងចូលបុណ្យសពភរិយា លោក ហួរ ឡាវី ដែលបានមករណភាពដោយសារជំងឺកូវីដ-១៩នូវថវិកាចំនួន៥០០ដុល្លារ។

សូមបញ្ជាក់ថា លោក ស្រីងឿន សុថានី ជនជាតិខ្មែរអាយុ៦២ឆ្នាំដែលត្រូវជាភរិយារបស់តារាចម្រៀងជើងចាស់លោក ហួរ ឡាវី និងជាម្តាយតារាចម្រៀងប្រចាំផលិតកម្មហង្សមាស កញ្ញា វី ឌីណែត បានស្លាប់ដោយសារជំងឺកូវីដ-១៩នៅវេលាម៉ោង១១និង៥០នាទីថ្ងៃទី១៩ ខែមីនាឆ្នាំ២០២១។

ធាតុភរិយាលោកគ្រូ ហួរ ឡាវី ត្រូវបានបញ្ចូលទៅដល់ផ្ទះហើយកាលពីរសៀលថ្ងៃទី២០ ខែមីនាឆ្នាំ២០២១។ អំឡុងពេលទទួលធាតុភរិយាលោកគ្រូ ហួរ ឡាវី គេបានឮសម្រែកទ្រហោយំពេញមុខផ្ទះតែម្ដង។ តាមរយៈទិដ្ឋភាពនេះពិតជាគួរឲ្យសង្វេគនិងរន្ធត់ ចិត្តខ្លាំងណាស់សម្រាប់មហាជននិងអ្នកប្រើប្រាស់បណ្តាញសង្គមហ្វេសប៊ុក៕

អត្ថបទ ៖ ចាន់រ៉ា