Connect with us

ជីវិតកម្សាន្ដ

គូស្នេហ៍តារាចិន Lu Han និង Guan Xiaotong សង្ស័យថាបែកគ្នា​មែនទែន​ហើយ​

បានផុស

នៅ

ក្នុងរយៈពេល៧ឆ្នាំមកនេះ ឲ្យតែដល់ថ្ងៃទី២០ខែមេសា ដែលជាថ្ងៃខួបកំណើតរបស់តារាសម្ដែង​-ចម្រៀង Lu Han ជារឿយៗនៅលើបណ្ដាញសង្គម តារាស្រី Guan Xiaotong តែងតែបង្ហោះសារអបអរសាទរដល់មិត្តប្រុស។ ប៉ុន្តែ​ឆ្នាំនេះ​​ នាងហាក់ស្ងៀមស្ងាត់ និងមិនមានសកម្មភាពអ្វីនៅលើបណ្តាញសង្គមផ្ទាល់ខ្លួនឡើយ។ នេះ​បានធ្វើ​ឲ្យអ្នក​លេង​អ៊ីនធឺណិត​​ជឿជាក់​កាន់​តែ​ខ្លាំង​ថា គូស្នេហ៍នេះប្រហែលជាប្រេះឆា​នឹង​គ្នាហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងរ៉ាវស្នេហា​រវាង​តារា​ទាំង​ពីរដួង ​តែងតែទទួល​បាន​ការ​ចាប់​អារម្មណ៍​ខ្លាំង​ពី​សំណាក់​មហាជន ចាប់តាំងពីអ្នកទាំងពីរផ្ដើមស្រលាញ់គ្នាដំបូងមកម៉្លេះ។ ដូច្នេះហើយ នៅក្នុងថ្ងៃដ៏ពិសេសរបស់តារាប្រុសវ័យ៣៥ឆ្នាំ បានធ្វើឲ្យអ្នកគាំទ្ររាប់លាននាក់ចូលទៅឆែកមើលទំព័រ Weibo របស់មិត្តស្រីគឺនាង​ Guan Xiaotong ថា តើនាងជូនពរមិត្តប្រុសក្នុងថ្ងៃខួបកំណើតឬអត់។

​ទោះ​ជា​បែប​​ណា ដោយសារតែស្ទុះនៃការចង់ដឹងពីមហាជននៃពាក្យគន្លឹះទាក់ទងនឹង លោក​ Lu Han និង​នាង​ Guan Xiao Tong បាន​ជាប់​ចំណាត់ថ្នាក់ជាពាក្យគន្លឹះមានមនុស្សស្វែងរកច្រើនបំផុត ជាពិសេស​នោះ​ មានការអានដល់ទៅ ៧០​លាននាក់ និងមានអ្នកចូលប្រើច្រើនក្នុងពេលតែមួយ ដែលធ្វើឲ្យបណ្ដាញសង្គម Weibo គាំងយ៉ាងយូរ។ ទាំងនេះ​គឺ​ជា​ចំនួនដ៏ច្រើនដែលកម្រឃើញតារាចិនរូបណា ទទួលបានការចាប់អារម្មណ៍ខ្លាំងបែបនេះណាស់។

រម្លឹកឡើងវិញថា តារាចម្រៀង Lu Han និងតារាសម្ដែង Guan Xiao Tong បានប្រកាសពីទំនាក់ទំនងរបស់ពួកគេជាសាធារណៈនៅក្នុងខែតុលាឆ្នាំ២០១៧​។ អ្នក​ទាំងពីរបានចាប់ផ្ដើមចាប់អារម្មណ៍ចំពោះគ្នាទៅវិញទៅមក បន្ទាប់ពីបានធ្វើការជាមួយគ្នា នៅក្នុងខ្សែភាពយន្តចិន ក្រោមចំណងជើងថា «Sweet Combat»។

តារា​ទាំងពីរ​បាន​ក្លាយ​ជាគូស្នេហ៍កំពូលនៅក្នុងឧស្សាហកម្មកម្សាន្ត ដោយសារតែ Lu Han គឺជាតារាមួយដួងក្នុងចំណោម​តារាដ៏អស្ចារ្យទាំងបួនរបសចិន ចំណែកឯ Guan Xiaotong គឺជាតារាស្រីចាបអាជីពតាំងពីកុមារភាពដ៏ល្បីមួយរូប និងទទួលបានងារជាតារាស្រីជួរមុខក្នុងប្រទេសថែមទៀត។

ដូច្នេះ នៅពេលបង្កើតទំនាក់ទំនងជាសាធារណៈ សកម្មភាពរបស់តារាប្រុស បានធ្វើឲ្យប្រព័ន្ធផ្សព្វផ្សាយសង្គមផ្ទុះការចាប់អារម្មណ៍ ជាពីសេសនៅលើបណ្ដាញសង្គម Weibo ជារឿយៗតែងតែគាំងស្ងៀម ដោយសារតែមនុស្សសម្រុកចូលឆែកច្រើនពេកក្នុងពេលតែមួយ៕

អត្ថបទ៖ សាង ស្រីល័ក្ខ

ចុចអាន៖ភ្នែករបស់តួអង្គ យ៉ាងគួរ ជំនាន់ឆ្នាំ៩៥ វិះនឹងពិការ បើព្យាបាលមិនទាន់ពេល

Helistar Cambodia - Helicopter Charter Services
Sokimex Investment Group
ព័ត៌មានជាតិ១៣ ម៉ោង មុន

នៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?

ព័ត៌មានជាតិ១៧ ម៉ោង មុន

ច្រកទ្វារអូរស្មាច់ ច្រកទ្វារជាំ និងច្រកទ្វារជប់គគីរខេត្តឧត្តរមានជ័យ ត្រូវថៃបិទជាឯកតោភាគី

នយោបាយ២០ ម៉ោង មុន

បណ្ឌិត ឥន សុផល៖នាយករដ្ឋមន្ត្រីថៃនៅក្មេងខ្ចីផ្នែកនយោបាយពេក ត្រូវក្រុមអាមាត្យ និងយោធា ក្រឡុកឡើងវង្វេងប្រវត្តិសាស្ត្រហើយ!

ព័ត៌មានជាតិ១៥ ម៉ោង មុន

មេរៀននៅតំបន់មុំ៣៖ បញ្ញវន្តខ្មែរផ្តាំទៅកងទ័ពនៅព្រំដែន​ ត្រូវប្រុងប្រយ័ត្នខ្ពស់ មុនធ្វើចិត្តធម៌ ធ្វើចិត្តល្អជាមួយកងទ័ពថៃ

ព័ត៌មានជាតិ១៦ ម៉ោង មុន

ក្រសួងអប់រំ៖ ការជ្រើសរើសគ្រូបង្រៀនផ្អែកលើកិច្ចព្រមព្រៀងការងារផ្តល់ឱកាសការងារថ្មីដល់យុវជនជាង ១ម៉ឺនកន្លែង

Sokha Hotels

ព័ត៌មានពេញនិយម