ដើម្បីលើកទឹកចិត្តកងទ័ព! នាយ ពាក់មី ស្នើឱ្យផុសផុលទៅទស្សនា «ប្រាសាទតាមាន់» ខណៈអ្នកក្បែរខាង ទៅទីនោះច្រើនជាងខាងកម្ពុជា

តារាកំប្លែងល្បីឈ្មោះនាយ ពាក់មី បានចេញសារបំផុសក៏ដូចជាការជំរុញទឹកចិត្តរបស់ប្រជាជនខ្មែរ ផុសផុលទៅទស្សនាប្រាសាទតាមាន់ និងចូលរួមសួរសុខទុក្ខវីរកងទ័ពដ៏អង់អាចក្លាហានកម្ពុជា ដែលកំពុងឈរជើងនៅទីនោះ ដើម្បីលេីកទឹកចិត្តដល់ពួកគាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារបំផុសចលនាមហាជននេះ គឺស្របពេលដែលថ្មីៗនេះ នាយ ពាក់មី ទើបតែបានទៅសួរសុខទុក្ខ និងផ្តល់អំណោយដល់វីរកងទ័ពខ្មែរដែលកំពុងឈរជើងការពារទឹកដីនៅទីនោះ។

តារាកំប្លែងនាយ ពាក់មី អំពាវនាវថា “បើបងប្អូនទំនេរឆ្លៀតបាន ទៅលេងទៅ​ ព្រោះខាងគេ​គេទៅលេងច្រេីន​ យេីងត្រូវតែទៅឱ្យបានច្រេីនដែរ​ តែសូមស្តាប់តាមការណែនាំ​របស់កងកម្លាំងយេីងនៅទីនោះ​ ដេីម្បីបង្កាបញ្ហាផ្សេងៗ​ (ខ្មែររួមគ្នា​ ខ្មែរខ្លាំង​)។

នាយ ពាក់មី បញ្ជាក់ទៀតថា “ទាហានថៃ​ បានឱ្យខ្ញុំលុបវីដេអូដែលថតរួចចេញពីទូរស័ព្ទខ្ញុំ​ពេលខ្ញុំថតនៅលេីប្រាសាទតាមាន់​ បងប្អូនចង់ដឹងពីបំរាមនៅទីនោះ​ និងចង់ទស្សនាប្រាសាទផ្ទាល់​ អាចទៅលេងបាន​ផ្លូវស្រួលទេទៅសួរសុខទុក្ខបងប្អូនកងទ័ពយេីងផង​មានអីចង់ផ្ញេីគាត់អាចយកទៅជូនពួកគាត់បានជាកាលេីកទឹកចិត្ត”។

ពាក់ព័ន្ធថៃឲ្យលុបវីដេអូក៏មានអ្នកគាំទ្រម្នាក់បានសួរថា លុបតាមគេឬអត់? ត្រង់ចំណុចនេះ តារាកំប្លែងរូបនេះបានបញ្ជាក់បន្ថែមថា លុបខាងគេថត ក៏យើងឱ្យលុបដែរ ឱ្យតែវីដេអូនិយាយអត្ថាធិបាយពីប្រាសាទ ព្រោះខ្លាចនិយាយទៅ អាចមិនត្រូវ ធ្វើឱ្យអ្នកដែលទៅទាំងសងខាង ស្តាប់ភាសារគ្នាបាន ធ្វើឱ្យប៉ះសម្តីគ្នាបង្ករឱ្យស្ថានការកាន់តែក្តៅ៕ ចាន់រ៉ា