ខ្លាចបាក់មុខប៉ាតាយ៉ា អ្នកស្រុកប្ដឹងជនបរទេសមួយគូ បង្ហាញសកម្មភាពរួមភេទគ្មានកេរ្តី៍ខ្មាស

តាមការចុះផ្សាយពីសារព័ត៌មាន news.ch7 នាថ្ងៃទី១៥ ខែតុលា អ្នកស្រុកបានដាក់ពាក្យបណ្ដឹងដោយរាយការណ៍នូវវីដេអូឃ្លិបដែលបង្ហាញពីអ្នកទេសចរមិនស្គាល់អត្តសញ្ញាណប្រព្រឹត្តទង្វើមិនសមរម្យ ខណៈពួកគេរួមភេទនៅលើយ៉រនៃខុនដូប្រណីតមួយកន្លែងនៅផ្លូវប៉ាតាយ៉ា ហាក់មិនខ្វល់អារម្មណ៍អ្នកដែលឃើញសកម្មភាពពួកគេឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណា ក្រោយ​ពី​ទទួល​បាន​ពាក្យ​បណ្ដឹងភ្លាម អ្នក​យក​ព័ត៌មាន​បាន​ចុះ​ទៅ​ពិនិត្យ​មើល​ខុន​ដូ​ដែល​ស្ថិត​នៅ​ក្នុង​តំបន់ដ៏​មមាញឹកនោះ។ តំបន់នៅក្នុងវីដេអូគឺជាខុនដូដ៏ល្បីមួយនៅផ្លូវទីពីរនៃផ្លូវប៉ាតាយ៉ា ដែលមានអ្នកទេសចរថៃ និងបរទេសជាច្រើនតែងតែមកលេងកម្សាន្តនិងស្នាក់អាស្រ័យតំបន់នេះជាញឹកញាប់។

ផ្អែកតាមសាក្សីម្នាក់ដែលជាអ្នករត់ម៉ូតូឌុបវ័យ៣១ឆ្នាំ នៅក្បែរកន្លែងកើតហេតុបាននិយាយថា ខណៈកំពុងរង់ចាំអតិថិជនឆ្លងផ្លូវពីខុនដូ គាត់បានឃើញគូស្នេហ៍មួយគូកំពុងធ្វើសកម្មភាពរួមភេទនៅលើយ៉រ ធ្វើឲ្យអ្នកធ្វើដំណើរដែលឆ្លងកាត់តាមមើលសកម្មភាពរបស់ពួកគេ។ អ្នកផ្សេងទៀត ក៏បានទាញទូរស័ព្ធថតជាវីដេអូ ស្របពេលដែលគូសស្នេហ៍អ្នកទេសចរមួយគូនោះ ហាក់មិនខ្វល់ខ្វាយចំពោះអ្នកសម្លឹងមើលទៅកាន់ពួកគេឡើយ។

អ្នករត់ម៉ូតូឌុបដដែលបានបន្ថែមថា ក្នុងនាមលោកជាពលរដ្ធមួយរូបនិងតំណាងឲ្យអ្នកស្រុកទាំងអស់ សូមសំណូមពរដល់មន្ត្រីពាក់ព័ន្ធ មេត្តាស៊ើបអង្កេតនិងផ្តល់ការព្រមាន ដើម្បីការពារកុំឲ្យមានករណីស្រដៀងគ្នានេះកើតឡើងម្តងទៀត។ នេះអាចធ្វើឲ្យខូចមុខមាត់របស់ក្រុងប៉ាតាយ៉ាដែលជាគោលដៅទេសចរណ៍អន្តរជាតិ ហើយអ្នកទេសចរខ្លះអាចយល់ច្រលំថា ប៉ាតាយ៉ា ជាកន្លែងដែលអ្នកណាក៏អាចធ្វើបានតាមចិត្ត។

សូមជម្រាបជូនថា ប្រទេសថៃគឺជាបណ្ដុំនៃអំពើពេស្យាចារលេខមួយដែលបានចាត់ទុកជាអាជីពធម្មតា ជាពិសេសទីក្រុងប៉ាតាយ៉ាផ្ទាល់តែម្ដង វាជា​កន្លែង​មានស្រ្តី​រកស៊ី​ផ្លូវ​ភេទ​ច្រើន​ជាង​គេ​ ហើយជារឿយៗទីនោះតែងតែស្វាគមន៍ភ្ញៀវទេសចរប្រុសៗមកពីជុំវិញពិភពលោកទៅកម្សាន្តជានិច្ច៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ថៃឈ្លោះថៃគ្នាឯង នាយករដ្ឋមន្ត្រី Anutin ប្ដឹងលោក Nawat ថាជា «មនុស្សមាត់គ្មានគម្រប»