ព័ត៌មានអន្ដរជាតិ

ឧបនាយករដ្ឋមន្ត្រីរុស្ស៊ីទៅដល់ប៉េកាំងភ្លាម ស្របពេលជម្លោះនុយក្លេអ៊ែរជាមួយអាមេរិក

បានផុស

៨ ខែ មុន

នៅ

ថ្ងៃសៅរ៍ ១ វិច្ឆិកា ២០២៥

ដោយ

ថ្នាក់ដឹកនាំជាន់ខ្ពស់រុស្ស៊ី បានបំពេញទស្សនកិច្ចទីក្រុងប៉េកាំងភ្លាមៗ បន្ទាប់ពីមានការកើនឡើងជម្លោះវោហាស័ព្ទនុយក្លេអ៊ែរជាមួយសហរដ្ឋអាមេរិកប៉ុន្មានថ្ងៃចុងក្រោយនេះ។ ទោះបីជាយ៉ាងណា ទីក្រុងមូស្គូអះអាងថា ដំណើរទស្សនកិច្ចរបស់ឧបនាយករដ្ឋមន្ត្រីរុស្ស៊ី លោក Denis Manturov គឺធ្វើឡើងក្នុងបំណងរឹតចំណងពាណិជ្ជកម្ម។

លោក Denis Manturov (ស្តាំ) ជួយមន្ត្រីជាន់ខ្ពស់ចិនក្នុងពេលកន្លងមក។ Xinhua

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីរាយការណ៍របស់ទីភ្នាក់ងារព័ត៌មានរុស្ស៊ី TASS លោក Denis Manturov បានទៅដល់ទីក្រុងប៉េកាំងនៅព្រឹកថ្ងៃសៅរ៍នេះ ដោយគ្រោងជួបប្រជុំទ្វេភាគីជាមួយគណៈកម្មការកិច្ចសហប្រតិបត្តិការរុស្ស៊ី-ចិនលើកទី១២។

គោលបំណងនៃទស្សនកិច្ចនេះគឺដើម្បីរឹងចំណងវិនិយោគ និងកិច្ចសហប្រតិបត្តិការឧស្សាហកម្មកាន់តែស៊ីជម្រៅរវាងរុស្ស៊ី និងចិន ក្នុងវិស័យជាច្រើន រួមមាន វិស័យការពារជាតិ រ៉ែកម្រ ថាមពល និង បច្ចេកវិទ្យាកម្រិតខ្អស់។ តាមសេចក្តីរាយការណ៍របស់ទីភ្នាក់ងារព័ត៌មានរុស្ស៊ី TASS អំឡុងពេលទស្សនកិច្ចនេះ មានឯកសារជាច្រើននឹងត្រូវចុះហត្ថលេខាទ្វេភាគី។

ប្រធានាធិបតីចិន លោក ស៊ី ជីនពីង និង ប្រធានាធិបតីសហរដ្ឋអាមេរិក លោក ដូណាល់ ត្រាំ បានជួបពិភាក្សាគ្នាជាលើកដំបូងកាលថ្ងៃទី៣០ខែតុលានៅប្រទេសកូរ៉េខាងត្បូង ហើយភាគីសន្ទនាទាំងពីរត្រូវបានគេមើលឃើញថា បានពិភាក្សាផ្តោតសំខាន់លើការបន្ធូរបន្ថយជម្លោះពាណិជ្ជកម្មរ៉ែកម្រ និងប្រធានបទនៃសង្គ្រាមនៅអ៊ុយក្រែនក៏ភាគីទាំងពីរបានលើកឡើងផងដែរ។

រដ្ឋាភិបាលទីក្រុងមូស្គូ និងរដ្ឋាភិបាលសហរដ្ឋអាមេរិក បានធ្លាក់ចូលទៅក្នុងជម្លោះពាក្យសម្តីជាថ្មីជុំវិញ ការប៉ុនប៉ងសាកល្បងអាវុធនុយក្លេអ៊ែរ ដែលប្រធានាធិបតីសហរដ្ឋអាមេរិក លោក ដូណាល់ ត្រាំ កាលថ្ងៃទី២៩ខែតុលា បានបញ្ជាឲ្យរដ្ឋមន្ត្រីការពារជាតិសហរដ្ឋអាមេរិក លោក Pete Hegseth ចាប់ផ្តើមសាកល្បងតេស្តសមត្ថភាពនុយក្លេអ៊ែរកម្រិតស្មើនិងប្រទេសដែលមាននុយក្លេអ៊ែរបានធ្វើ។

ចាប់តាំងពីរុស្ស៊ីបំផ្ទុះសង្គ្រាមនៅអ៊ុយក្រែនកាលថ្ងៃទី២៤ខែកុម្ភៈ២០២២ ជាញឹកញាប់គេបានដឹងពីការព្រលយពីការប្រើប្រាស់អាវុធនុយក្លេអ៊ែរពីសំណាក់ភាគីរុស្ស៊ី ប្រឆាំងមហាអំណាចបស្ចឹមប្រទេសទាំងឡាយដែលជួយអ៊ុយក្រែន៕

រ៉ាន់់ រើយ