ព័ត៌មានអន្ដរជាតិ
NYT៖ លោកម៉ាឌូរ៉ូ ដូរកន្លែងដេករាល់យប់ ដោយសារភ័យខ្លាចការវាយប្រហាររបស់អាមេរិក
ប្រធានាធិបតីវ៉េណេស៊ុយអេឡា លោក នីកូឡាស ម៉ាឌូរ៉ូ កំពុងដេកនៅកន្លែងផ្សេងគ្នារៀងរាល់យប់ និងប្តូរទូរសព្ទចល័តជាញឹកញាប់ ក្នុងអំឡុងពេលការភ័យខ្លាចកើនឡើងអំពីប្រតិបត្តិការយោធាសហរដ្ឋអាមេរិកដែលអាចកើតមាន ដើម្បីដកលោកចេញពីអំណាច។ នេះបើយោងតាមការចុះផ្សាយរបស់កាសែត New York Times ដោយដកស្រង់ប្រភពជិតស្និទ្ធនឹងរដ្ឋាភិបាលរបស់លោកម៉ាឌូរ៉ូ។
របាយការណ៍ដែលត្រូវយកចុះផ្សាយបន្តដោយ Independent នាថ្ងៃទី៤ខែធ្នូឆ្នាំ២០២៥ បានបង្ហើបថា មេដឹកនាំវ៉េណេស៊ុយអេឡា វ័យ៦៣ឆ្នាំ បានពង្រីកក្រុមសន្តិសុខរបស់លោក និងបង្កើនចំនួនមន្ត្រីប្រឆាំងការស៊ើបការណ៍សម្ងាត់បរទេសបន្ថែមទៀតក្នុងរយៈពេលប៉ុន្មានខែថ្មីៗនេះ ខណៈដែលទីក្រុងវ៉ាស៊ីនតោនបង្កើនសម្ពាធ។ ការប្រុងប្រយ័ត្ននេះកើតឡើងបន្ទាប់ពីមន្ត្រីក្នុងទីក្រុងការ៉ាកាសបានមើលឃើញថាជាការប្រមូលផ្តុំកម្លាំងកងទ័ពជើងទឹកអាមេរិកដ៏សំខាន់នៅឆ្នេរសមុទ្រវ៉េណេស៊ុយអេឡា។
ភាពតានតឹងសម្រាប់លោកម៉ាឌូរ៉ូ កាន់តែខ្លាំងឡើងៗ បន្ទាប់ពីប្រធានាធិបតីអាមេរិក លោក ដូណាល់ ត្រាំ បានចោទប្រកាន់មេដឹកនាំវ៉េណេស៊ុយអេឡាម្តងហើយម្តងទៀតថាបានបើកផ្លូវឲ្យមានការជួញដូរគ្រឿងញៀនទ្រង់ទ្រាយធំ ហើយលោកបានព្រមានថា ក្រុងវ៉ាស៊ីនតោនត្រៀមខ្លួនប្រើកម្លាំងផ្លូវគោកប្រឆាំងនឹងក្រុមជួញដូរគ្រឿងញៀននៅវ៉េណេស៊ុយអេឡាក្នុងពេលឆាប់ៗខាងមុខ បន្ថែមពីប្រតិបត្តិការនៅលើសមុទ្រ។
លោកត្រាំ បាននិយាយថា «នរណាក៏ដោយដែលធ្វើរឿងនោះ ហើយលក់វាចូលក្នុងប្រទេសរបស់យើង គឺស្ថិតក្រោមការវាយប្រហារ» ដោយបន្ថែមថា កងកម្លាំងអាមេរិក«ដឹងពីគ្រប់ផ្លូវដែលពួកគេធ្វើដំណើរទាំងអស់»។
យោងតាមមន្ត្រីអាមេរិក ទីក្រុងវ៉ាស៊ីនតោនបានដាក់ពង្រាយទាហានប្រហែល១៥០០០នាក់ និងនាវាចម្បាំងច្រើនជាង១២គ្រឿង ទៅកាន់តំបន់ការ៉ាប៊ីន ក្រោម«ប្រតិបត្តិការ Southern Spear»។ ទីក្រុងការ៉ាកាសបានច្រានចោលការចោទប្រកាន់ការជួញដូរគ្រឿងញៀនថាជារឿងនយោបាយ ដោយលោកម៉ាឌូរ៉ូ អះអាងថា ឥរិយាបថយោធានេះត្រូវបានរៀបចំឡើងដើម្បីបង្កអស្ថិរភាព និងចង់ផ្តួលរំលំរដ្ឋាភិបាលរបស់លោក។
លោកម៉ាឌូរ៉ូ ពុំបានបង្ហាញខ្លួនជាសាធារណៈក្នុងរយៈពេលប៉ុន្មានថ្ងៃថ្មីៗនេះទេ ដោយជំរុញឲ្យមានពាក្យចចាមអារ៉ាមកាលពីសប្តាហ៍មុនថា លោកបានភៀសខ្លួនចេញពីប្រទេសហើយ។ យ៉ាងណាមិញ លោកបានលេចមុខមកវិញ ហើយប្រកាសអំពីកិច្ចចរចាជាមួយក្រុមរបស់លោកត្រាំ។ ប៉ុន្តែមន្ត្រីវ៉េណេស៊ុយអេឡាបាននិយាយថា ការពិភាក្សាទាំងនោះមិនទាន់បានកាត់បន្ថយភាពតានតឹងនៅឡើយទេ៕
ប្រែសម្រួល៖ ឈាង
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៧ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ២ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន