ព័ត៌មានអន្ដរជាតិ
ប្រទេសដែលកំពុងរ៉ាំរ៉ៃដោយសង្គ្រាមស៊ីវិលជាង ១០ ឆ្នាំត្រៀមរៀបចំការបោះឆ្នោត ប្រធានាធិបតី នៅខែក្រោយ
ប្រទេសស៊ីរីនឹងធ្វើការបោះឆ្នោតជ្រើសរើសប្រធានាធិបតីនៅថ្ងៃទី ២៦ ខែឧសភា ខណៈលោកប្រធានាធិបតី បាសា អាល់អាសាដ ត្រូវបានគេរំពឹងថា នឹងឈ្នះអាណត្ដិទី ៤ របស់លោកបន្តទៀត ។
កាលបរិច្ឆេទនេះត្រូវបានប្រកាសកាលពីថ្ងៃអាទិត្យ ដោយប្រធានសភាប្រជាជនរបស់ប្រទេសដែលហែកហួរដោយសង្គ្រាម ។
ទន្ទឹមនោះបេក្ខជនអាចចុះឈ្មោះរហូតដល់ថ្ងៃទី ២៨ ខែមេសា ។ យោងតាមច្បាប់ប្រទេសស៊ីរី បេក្ខជនត្រូវតែស្នាក់នៅក្នុងប្រទេសនេះក្នុងរយៈពេល ១០ ឆ្នាំ ឬយូរជាងនេះ ដើម្បីរារាំងបេក្ខជនរបស់ក្រុមប្រឆាំងដែលរស់នៅក្រៅប្រទេសមិនឲ្យឈរឈ្មោះបោះឆ្នោត ។
ជាមួយនឹងការទទួលបានជោគជ័យមួយចំនួននៃរដ្ឋបាលលោក អាសាដ នៅក្នុងសង្គ្រាមស៊ីវិលរបស់ប្រទេសនេះ ក្រុមអ្នកសង្កេតការណ៍និយាយថា ប្រធានាធិបតីរូបនេះចង់សង្កត់ធ្ងន់លើភាពស្របច្បាប់នៃរដ្ឋបាលរបស់គាត់ដោយឈ្នះការបោះឆ្នោតលើកនេះ ។
ស្របពេលជាមួយគ្នានេះ ជនភៀសខ្លួនស៊ីរីដែលរស់នៅក្នុងប្រទេសលីបង់ ដែលជាប្រទេសជិតខាងបាននិយាយថា ពួកគេនឹងមិនបោះឆ្នោតដូចការរំពឹងទុករបស់លោក អាសាដ ដែលអះអាងថាលោកនឹងឈ្នះការបោះឆ្នោតលើកនេះនោះទេ ខណៈប្រជាជនស៊ីរីនៅបរទេសនឹងបោះឆ្នោត ៦ ថ្ងៃមុនពោលគឺនៅថ្ងៃទី ២០ ខែឧសភា ។
មួយទសវត្សរ៍បានកន្លងផុតទៅ ចាប់តាំងពីប្រទេសស៊ីរីបានឃើញការរីករាលដាលនៃបាតុកម្មគាំទ្រលទ្ធិប្រជាធិបតេយ្យ ប្រឆាំងនឹងរដ្ឋបាលរបស់លោក អាសាដ ។
សង្រ្គាមស៊ីវិលដែលកំពុងបន្តកើតមាននៅតែកើតឡើង ហើយការជជែកពិភាក្សាចុងក្រោយរវាងរដ្ឋបាលលោក អាសាដ និងក្រុមប្រឆាំងដែលសម្របសម្រួលដោយអង្គការសហប្រជាជាតិបានបញ្ចប់ដោយការខ្វែងគំនិតគ្នា ។
គួររំឭកថា សង្គ្រាមស៊ីវិលដ៏បង្ហូរឈាមនៅស៊ីរី បានកើតឡើងកាលពីថ្ងៃទី ១៥ ខែមីនា ឆ្នាំ ២០១១ ហើយរហូតមកដល់ពេលនេះមានរយៈពេល ១០ ឆ្នាំ ១ ខែ មកហើយ និងបានឆក់យកជីវិតរបស់មនុស្សចន្លោះពី ៤០ ម៉ឺនដល់ ៥០ ម៉ឺននាក់ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ រន្ធត់! ស្លាប់និងរបួសមនុស្សជាង ១០០ នាក់ ក្នុងហេតុការណ៍រថភ្លើងធ្លាក់ផ្លូវនៅ អេហ្ស៊ីប
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ