បាងកក រងគ្រោះធ្ងន់ ដោយខ្យល់ពុល

នៅថ្ងៃពុធទី២៤ខែធ្នូឆ្នាំ២០២៥ ទីក្រុងបាងកក ត្រូវរងគ្រោះធ្ងន់ព្រោះតែខ្យល់ពុល ដោយ PM2.5 បានឈានដល់កម្រិតខ្ពស់ ៥៦មីក្រូក្រាមក្នុងមួយម៉ែត្រគូបនៃខ្យល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សាយរបស់ Khaosod, ទិន្នន័យគិតត្រឹមម៉ោង១រសៀល តំបន់ចំនួន១៨ក្នុងទីក្រុងបាងកក ត្រូវគ្របដណ្តប់ដោយខ្យល់ពុលក្នុងកម្រិតគ្រោះថ្នាក់ ដែលប៉ះពាល់ខ្លាំងដល់សុខភាព។

មិនមែនតែបាងកកទេ បើយោងតាមមជ្ឈមណ្ឌលទំនាក់ទំនងគ្រប់គ្រងការបំពុលខ្យល់ នៃនាយកដ្ឋានត្រួតពិនិត្យការបំពុល បានឲ្យដឹងថា នៅរសៀលថ្ងៃពុធ ខេត្តចំនួន៨ទៀត ក៏ត្រូវខ្យល់ពុលក្នុងកម្រិតគ្រោះថ្នាក់វាយលុកផងដែរ។

ខេត្តទាំងនោះមានដូចជា៖ Nonthaburi, Nakhon Pathom, Samut Sakhon, Samut Prakan, Sukhothai, Saraburi, Ang Thong និង Nong Khai។

យ៉ាងណា កាលពីថ្ងៃអង្គារ ខ្យល់ពុលក្នុងកម្រិតគ្រោះថ្នាក់ បានរាលដាលដល់ខេត្តចំនួន២៦ឯណោះ ក្នុងប្រទេសថៃ មិនមែនត្រឹម៨ដូចថ្ងៃពុធទេ។

យោងតាមទិន្នន័យពីទីភ្នាក់ងារអភិវឌ្ឍន៍បច្ចេកវិទ្យាអវកាសនិងភូមិសាស្ត្រព័ត៌មានថៃ (Gistda), គិតត្រឹមម៉ោង៩ព្រឹក ខ្យល់ពុល PM2.5 បានវាយលុកខេត្តចំនួន២៦ ដូចជា៖ Saraburi, Samut Sakhon, Ang Thong, Sing Buri, Ayutthaya, Nakhon Pathom, Lop Buri, Suphan Buri, Nonthaburi, Chai Nat, Pathum Thani, Samut Prakan, Ratchaburi, Nakhon Nayok, Samut Songkhram, Kanchanaburi, Uthai Thani, Phetchaburi, Prachin Buri, Nakhon Ratchasima, Chachoengsao, Nakhon Sawan, Rayong, Phitsanulok, Prachuap Khiri Khan និង Phetchabun។

ខេត្តទាំង២៦ខាងលើបូករួមទាំងទីក្រុងបាងកកផងនោះ គឺមានកម្រិត PM2.5 ចាប់ពី៣៨.២ដល់៦៧.៩មីក្រូក្រាមក្នុងមួយម៉ែត្រគូបនៃខ្យល់ ដែលលើសកម្រិតសុវត្ថិភាពកំណត់ដោយរដ្ឋាភិបាល ត្រឹម៣៧.៥មីក្រូក្រាមក្នុងមួយម៉ែត្រគូបនៃខ្យល់៕

អត្ថបទ៖ សុខ សុវណ្ណ