ព័ត៌មានអន្ដរជាតិ

ចិនលើកលែងទិដ្ឋាការដល់ប្រជាជនអង់គ្លេសចំពោះដំណើរកម្សាន្តក្រោម៣០ថ្ងៃ

បានផុស

៥ ខែ មុន

នៅ

ថ្ងៃសុក្រ ៣០ មករា ២០២៦

ដោយ

មហាយក្សចិនបានយល់ព្រមបន្ធូរបន្ថយច្បាប់អនុញ្ញាតឱ្យពលរដ្ឋអង់គ្លេសធ្វើដំណើរទៅកាន់ប្រទេសចិនដោយមិនមានទិដ្ឋាការ (Visa) កាលពីថ្ងៃព្រហស្បតិ៍ ក្នុងអំឡុងពេលដំណើរទស្សនកិច្ចរបស់នាយករដ្ឋមន្ត្រីអង់គ្លេស លោក Keir Starmer ទៅកាន់ទីក្រុងប៉េកាំង ដែលជាផ្នែកមួយនៃកិច្ចព្រមព្រៀងភាពជាដៃគូពីទីក្រុងឡុងដ៍នឹងជួយពង្រីកទំនាក់ទំនងរវាងប្រទេសទាំងពីរ។

លោក Keir Starmer និងលោក ស៊ី ជីនពីង។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរ៉យទ័រ លោក Starmer បាននិយាយបន្ទាប់ពីកិច្ចពិភាក្សារបស់ខ្លួនជាមួយប្រធានាធិបតី លោក ស៊ី ជីនពីង [Xi Jinping] ថា៖«ពលរដ្ឋអង់គ្លេសនឹងត្រូវអនុញ្ញាតឱ្យទៅទស្សនាប្រទេសចិនដោយគ្មានទិដ្ឋាការ (Visa) ប្រសិនបើពួកគេធ្វើដំណើរក្រោម៣០ថ្ងៃ។

លោក Starmer បាននិយាយក្នុងសេចក្តីថ្លែងការណ៍មួយថា៖ «ក្រុមហ៊ុននានាកំពុងស្វែងរកវិធីសាស្ត្រ ដើម្បីពង្រីកទំនាក់ទំនងរបស់ពួកគេនៅក្នុងប្រទេសចិន។ ចំណែកការធ្វើដំណើរដោយគ្មានទិដ្ឋាការ នឹងជួយសម្រួលដល់ការពង្រីកទីផ្សារ បង្កើនការងារនៅតាមផ្ទះ»។

គោលការណ៍នេះ ជាផ្នែកមួយដែលចក្រភពអង់គ្លេសហៅថា «ភាពជាដៃគូថ្មី»។ មិនតែប៉ុណ្ណោះ ប្រទេសទាំងពីរក៏បានយល់ព្រមសិក្សាពីលទ្ធភាពដែលអាចត្រួសត្រាយផ្លូវឆ្ពោះទៅរកកិច្ចព្រមព្រៀង ទំនាក់ទំនងសេវាកម្មទ្វេភាគី នឹងជួយបន្ថែមដល់ក្រុមហ៊ុនអង់គ្លេសដែលធ្វើអាជីវកម្មនៅក្នុងប្រទេសចិន។

សេចក្តីថ្លែងការណ៍ បានបន្ថែមទៀតថា សេដ្ឋកិច្ចរបស់ចក្រភពអង់គ្លេសត្រូវបានគាំទ្រដោយវិស័យសេវាកម្មដ៏ធំរបស់ខ្លួនមួយដំណាក់កាលរួចហើយ តែភាពជាដៃគូនឹងមានគោលបំណងពង្រីកទំនាក់ទំនងបន្ថែម ក្នុងវិស័យថែទាំសុខភាព ហិរញ្ញវត្ថុ និងសេវាកម្មវិជ្ជាជីវៈ សេវាច្បាប់ ការអប់រំ និងជំនាញផ្សេងទៀត។

គួរបញ្ជាក់ថា ចក្រភពអង់គ្លេសបាននាំចេញសេវាកម្មនានា មានតម្លៃ ១៣ប៊ីលានផោន( ជាង១៧ប៊ីលានដុល្លារ) ទៅកាន់ប្រទេសចិនជារៀងរាល់ឆ្នាំ ហើយតម្រូវការពីប្រទេសចិនកំពុងកើនឡើង៕

ប្រែសម្រួល៖ ណឺ មិនា