ព័ត៌មានអន្ដរជាតិ

ការវាយប្រហាររបស់អាមេរិកនិងអ៊ីស្រាអែល សម្លាប់មនុស្សជាង៣៤០០នាក់ រួមទាំងបុគ្គលិកយោធា ១២២១ នៅអ៊ីរ៉ង់

បានផុស

២ ខែ មុន

នៅ

ថ្ងៃអាទិត្យ ១៩ មេសា ២០២៦

ដោយ

មូលនិធិកិច្ចការទុក្ករបុគ្គល និងអតីតយុទ្ធជន (Foundation of Martyrs and Veterans Affairs) ដែលគ្រប់គ្រងដោយរដ្ឋរបស់អ៊ីរ៉ង់ បាននិយាយនៅថ្ងៃទី១៨ ខែមេសាថា សង្គ្រាមជាមួយសហរដ្ឋអាមេរិក និងអ៊ីស្រាអែលបានសម្លាប់មនុស្សជាង ៣៤០០នាក់ ទូទាំងសាធារណរដ្ឋអ៊ីស្លាមអ៊ីរ៉ង់។

ប្រធានាធិបតីសហរដ្ឋអាមេរិក លោក ដូណាល់ ត្រាំ (ស្តាំ) ពិភាក្សាជាមួយនាយករដ្ឋមន្ត្រីអ៊ីស្រាអែលក្នុងពេលកន្លងមក។ Getty Image/CNN

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសនេះធ្វើឡើងនៅចំពេលនៃបទឈប់បាញ់រយៈពេលពីរសប្តាហ៍ជិតផុតសុពលភាព បន្ទាប់ពីសង្គ្រាមបានផ្ទុះឡើងនៅចុងខែកុម្ភៈ ជាមួយនឹងការវាយប្រហារដ៏ខ្លាំងក្លារបស់សហរដ្ឋអាមេរិក-អ៊ីស្រាអែល លើទីក្រុងតេអេរ៉ង់។

ប្រធានមូលនិធិ លោក Ahmad Mousavi ត្រូវបានដកស្រង់សម្តីដោយទីភ្នាក់ងារសារព័ត៌មាន ISNA ដោយនិយាយថា៖«បុគ្គលដែលរងទុកលំបាករហូតដល់បាត់បង់ជីវិតមានចំនួន ៣៤៦៨នាក់ ក្នុងអំឡុងពេលជម្លោះថ្មីៗនេះ»។

តួលេខមុនពីប្រធានអង្គការវេជ្ជសាស្ត្រច្បាប់អ៊ីរ៉ង់ ដែលចេញផ្សាយនៅថ្ងៃទី១២ ខែមេសា បាននិយាយថា មនុស្សចំនួន ៣៣៧៥នាក់ នៅក្នុងប្រទេសអ៊ីរ៉ង់ ត្រូវបានសម្លាប់នៅក្នុងសង្គ្រាម។

ទីភ្នាក់ងារសារព័ត៌មានសកម្មជនសិទ្ធិមនុស្ស (HRANA) ដែលមានមូលដ្ឋាននៅសហរដ្ឋអាមេរិក បាននិយាយនៅថ្ងៃទី៧ ខែមេសាថា យ៉ាងហោចណាស់មនុស្សចំនួន ៣៦៣៦នាក់ ត្រូវបានសម្លាប់ រួមទាំងជនស៊ីវិលចំនួន ១៧០១នាក់ ក្នុងចំណោមនោះយ៉ាងហោចណាស់កុមារចំនួន ២៥៤នាក់ ក៏ដូចជាបុគ្គលិកយោធាចំនួន ១២២១នាក់ និងមនុស្សចំនួន ៧១៤នាក់ ដែលស្ថានភាពរបស់ពួកគេមិនត្រូវបានចាត់ថ្នាក់។

ទីភ្នាក់ងារសារព័ត៌មានសកម្មជនសិទ្ធិមនុស្ស (Hrana) ដែលមានមូលដ្ឋាននៅសហរដ្ឋអាមេរិកបានរាយការណ៍ពីចំនួនអ្នកស្លាប់ដោយសារជនស៊ីវិលអ៊ីរ៉ង់ចំនួន ១៧០១ នាក់គិតត្រឹមថ្ងៃទី ៧ ខែមេសា ដែលជាថ្ងៃដែលប្រធានាធិបតីអាមេរិក ដូណាល់ ត្រាំ បានប្រកាសបទឈប់បាញ់រយៈពេលពីរសប្តាហ៍ជាមួយអ៊ីរ៉ង់។

យោងការផ្សាយរបស់ BBC កងកម្លាំងការពារជាតិអ៊ីស្រាអែល (IDF) បានចេញសេចក្តីថ្លែងការណ៍កាលថ្ងៃទី១៨ខែមេសា ដោយអះអាងថា ខ្លួនបានបាញ់ប្រហារអ៊ីរ៉ង់ជិត១១០០០លើក ខណៈការបាញ់ប្រហារដោយកាំភ្លើងធំជាង ១៤៩០០ ដង នៅប្រទេសលីបង់។ យោធាអ៊ីស្រាអែល ក៏បានវាយប្រហារតាមអាកាសចំនួន ២៥០០ ដងនៅក្នុងប្រទេសលីបង់ ហើយនិយាយថា ខ្លួនបានបំផ្លាញអគារច្រើនជាន់ប្រហែល ១៦៥ ។

អាជ្ញាធរសុខាភិបាលលីបង់និយាយថា មនុស្ស ២១០០ នាក់ត្រូវបានសម្លាប់ក្នុងរយៈពេលប្រាំមួយសប្តាហ៍នៃជម្លោះនៅក្នុងប្រទេសលីបង់ ហើយមនុស្សជាងមួយលាននាក់ ឬប្រហែលមួយក្នុងចំណោមប្រាំនាក់នៃប្រជាជនត្រូវបានផ្លាស់ទីលំនៅ៕

រ៉ាន់ រើយ

វូបភាពដែលបានចែកចាយលើបណ្តាញសង្គម ក្រោយសង្គ្រាមផ្ទុះនៅអ៊ីរ៉ង់១ថ្ងៃ គឺថ្ងៃទី១មិនា២០២៦។

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា