ចិន បាញ់បង្ហោះគ្រាប់រ៉ុកកែតទៅស្ថានីយអវកាសថ្មីរបស់ខ្លួន ដោយជោគជ័យ

ប្រទេសចិន និយាយថា បានបាញ់គ្រាប់រ៉ុកកែត ដែលផ្ទុកម៉ូឌុលមួយផ្នែក នៃស្ថានីយអវកាសថ្មីរបស់ខ្លួន ដោយជោគជ័យ ហើយនឹងត្រូវបញ្ចប់នៅប្រហែលឆ្នាំ ២០២២ ។

ទូរទស្សន៍ CCTV បាននិយាយកាលពីថ្ងៃព្រហស្បតិ៍ថា គ្រាប់រ៉ុកកែតធំមួយនេះ បានហោះចេញពីកន្លែងមួយ នៅលើកោះ Hainan ភាគខាងត្បូងប្រទេសចិន ។

ម៉ូឌុល Tianhe ដែលមានបណ្តោយ ១៦.៦ ម៉ែត្រ និងទទឹង ៤.២ ម៉ែត្រ មានមុខងារគ្រប់គ្រងស្ថានីយ៍អវកាស ដែលចិនគ្រោងនឹងសាងសង់ ។ វាក៏នឹងក្លាយជាកន្លែងសម្រាប់ អវកាសយានិកស្នាក់នៅ និងធ្វើការពិសោធន៍ផងដែរ ។

ចិន កំពុងក្លាយជាប្រទេសឈានមុខគេ ក្នុងការអភិវឌ្ឍស្ថានីយអវកាសនៅឆ្នាំ ២០៣០ ។ កាលពីឆ្នាំមុនប្រទេសនេះ បាននាំយកថ្មពីឋានព្រះចន្ទ ដោយប្រើយានរុករកគ្មានមនុស្សបើក ហើយបានបើកការស៊ើបអង្កេត ដោយមានគោលដៅចុះចត នៅលើភពព្រះអង្គារនៅឆ្នាំនេះ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ព្យុះខ្សាច់ ដ៏ធំសម្បើមមួយកំពុងបោកបក់គ្របដណ្ដប់ខេត្តភាគពាយ័ព្យប្រទេសចិន

ចុចអាន វីដេអូ ព្យុះខ្សាច់ដ៏អាក្រក់បំផុតវាយប្រហារលើទីក្រុងប៉េកាំង