កូរ៉េខាងជើងប៉ុនប៉ងហេកចូលក្នុងទិន្នន័យក្រុមហ៊ុនផលិតវ៉ាក់សាំងកូវីដ ១៩ – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានអន្ដរជាតិ

កូរ៉េខាងជើងប៉ុនប៉ងហេកចូលក្នុងទិន្នន័យក្រុមហ៊ុនផលិតវ៉ាក់សាំងកូវីដ ១៩

Published

on

បើយោងតាមក្រុមហ៊ុនសន្តិសុខអ៊ីនធឺណិតរបស់សហរដ្ឋអាមេរិកបានឲ្យដឹងថា ក្រុមចារកម្មតាមអ៊ីនធឺណិតរបស់កូរ៉េខាងជើងបានប៉ុនប៉ងលួច (Hack) ចូលទៅក្នុងអង្គការអន្តរជាតិជាច្រើនរួមទាំងក្រុមហ៊ុនដែលធ្វើការលើវ៉ាក់សាំងកូវីដ ១៩ ជាមួយទម្រង់ថ្មីនៃមេរោគ ។

នៅក្នុងសេចក្តីជូនដំណឹងស្តីពីការគំរាមកំហែងមួយដែលត្រូវបានចេញផ្សាយកាលពីថ្ងៃចន្ទសប្តាហ៍មុនបានឲ្យដឹងថា ក្រុមហ៊ុន Cybereason ដែលមានមូលដ្ឋាននៅទីក្រុង Boston បានកំណត់អត្តសញ្ញាណកម្មវិធី Hack មួយដែលត្រូវបានប្រើដោយក្រុម ” Kimsuky” ជាក្រុម Hack ដែលគ្រប់គ្រងដោយរដ្ឋនៅក្នុងប្រទេសកូរ៉េខាងជើងចាប់តាំងពីឆ្នាំ ២០១២ ដើម្បីអនុវត្តប្រតិបត្តិការប្រមូលព័ត៌មានសម្ងាត់ពិភពលោក ។

យោងតាម Cybereason បានឲ្យដឹងថា ក្រុមចារកម្មរបស់របបនេះត្រូវបានគេមើលឃើញថាកំពុងផ្តោតលើអង្គភាពរដ្ឋាភិបាល និងក្រុមហ៊ុនឯកជនជាច្រើនមិនត្រឹមតែនៅក្នុងប្រទេសកូរ៉េខាងត្បូងប៉ុណ្ណោះទេថែមទាំងនៅសហរដ្ឋអាមេរិក អឺរ៉ុប រុស្ស៊ីនិងជប៉ុនទៀតផង ។ វាក័រួមបញ្ចូលទាំងក្រុមហ៊ុនឱសថដែលធ្វើការលើការស្រាវជ្រាវ និងការអភិវឌ្ឍវ៉ាក់សាំងជំងឺកូវីដ ១៩ ផងដែរ ។

របាយការណ៍បាននិយាយថា គោលដៅផ្សេងទៀតរបស់ក្រុមនេះរួមមានក្រសួងបង្រួបបង្រួម ក្រុមប្រឹក្សាសន្តិសុខអង្គការសហប្រជាជាតិ និងអ្នកកាសែតដែលនិយាយពីទំនាក់ទំនងអន្តរកូរ៉េ ៕

ប្រែសម្រួលដោយ ៖ ជីវ័ន្ត

ប្រភព ៖ The Korea Times

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services