ព័ត៌មានអន្ដរជាតិ

សាច់ជ្រូកជ្រលក់ថ្នាំបន្លំជាសាច់គោនៅថៃ ទាល់តែពិនិត្យ DNA ទើបដឹងលទ្ធផលពិត

បានផុស

៦ years មុន

នៅ

ថ្ងៃសុក្រ ១៣ វិច្ឆិកា ២០២០

ដោយ

សាច់ជ្រូកជ្រលក់ថ្នាំបន្លំជាសាច់គោ ជាង ១០០គីឡូក្រាម ដែលត្រូវអាជ្ញាធរថៃ ក្នុងខេត្ត Nakhon Pathom កាលពីពាក់កណ្តាលខែតុលាកន្លងទៅ ទើបតែត្រូវគេអះអាងនៅថ្ងៃសុក្រនេះ ជាសាច់គោក្លែងក្លាយ ដោយចំណាយពេលមួយខែ និងពិនិត្យ DNA ទើបដឹងលទ្ធផលពិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយកដ្ឋានបសុសត្វរបស់ថៃ បានយកសាច់ជ្រូកជ្រលក់ថ្នាំនេះ ទៅពិនិត្យដល់មន្ទីរពិសោធន៍ចាប់តាំងពីថ្ងៃរឹបអូសបាន ហើយទើបតែប្រកាសលទ្ធផលជាផ្លូវការ ដោយសាច់នោះនៅតែមានបន្សល់នូវDNA ឈាមជ្រូក បើទោះជាឈ្មួញបានប្រើថ្នាំជ្រក់បែបធម្មជាតិ ដែលមើលទៅដូចសាច់គោ ១០០% ដើម្បីលក់លើទីផ្សារ ស្របពេលសាច់គោ កំពុងតែមានតម្លៃថ្លៃខ្លាំងពិសេសក្នុងទីផ្សារក្រុងបាងកក។

សាច់គោក្លែងក្លាយនេះ ត្រូវអាជ្ញាធររឹបអូសបានពីផ្ទះមួយល្វែងក្នុងសង្កាត់ Nakhon Chaisri កាលពីថ្ងៃ ១២ តុលា កន្លងទៅ។ នេះបើតាមការបញ្ជាក់ពីលោក Sorawit Thanito អគ្គនាយក នៃនាយកដ្ឋានបសុសត្វ។

ផ្ទះមួយនោះ ត្រូវគេដឹងថា ជាកន្លែងផ្គត់ផ្គង់សាច់គោក្លែងក្លាយដ៏ធំមួយសម្រាប់លក់ក្នុងបណ្តាហាងសាច់អាំងជាច្រើននៅបាងកក និងថែមទាំងមានការលក់អនឡាញទៀតផង។

ទោះជាយ៉ាងណា មកទល់នឹងពេលនេះ អាជ្ញាធរនៅមិនទាន់ដឹងថា សាច់ក្លែងក្លាយនេះ គឺផលិតចេញពីប្រភពណាឲ្យប្រាកដនោះទេ ប៉ុន្តែម្ចាស់ផ្ទះខាងលើ ត្រូវចោទប្រកាន់ពីការប្រព្រឹត្តបទល្មើសបសុសត្វ និងប្រឆាំងច្បាប់ទំនិញរបស់ប្រទេសថៃ៕

ប្រែសម្រួល៖ សុភា
ប្រភព៖ Bangkok Post

Related Topics:ប្រទេសថៃ