ស្លាប់កើន​ជាង​១៣០​នាក់​ ខណៈ​ហិង្សា​អ៉ីស្រាអែល​-​ហ្គាហ្សា​ ផ្ទុះ​ខ្លាំង​ដល់​វេសប៊ែង
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ស្លាប់កើន​ជាង​១៣០​នាក់​ ខណៈ​ហិង្សា​អ៉ីស្រាអែល​-​ហ្គាហ្សា​ ផ្ទុះ​ខ្លាំង​ដល់​វេសប៊ែង

បានផុស

នៅ

ការ​ប៉ះ​ទង្គិច​គ្នា​ដោយ​ហិង្សា​រវាង​កម្លាំង​​យោធាអ៉ីស្រាអែល និង​ប៉ាឡេស្ទីន​​បាន​រាល​ដាល​​ជា​ច្រើន​​​លើ​តំបន់វេសប៊ែង​ បន្ទាប់​ពី​ប៉ុនា្មន​ថ្ងៃ​វាយ​ប្រហារ​ខ្លាំង​នៅ​តំបន់​ហ្គាហ្សា​បណ្តាល​ឲ្យ​មនុស្ស​ស្លាប់​ច្រើន​នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាង​ហោច​ណាស់​ជន​ជាតិ​ប៉ាឡេស្ទីន​១០​នាក់​ត្រូវ​បានរាយការណ៍​ថា​បាន​ស្លាប់​នៅ​តំបន់ វេសប៊ែង និង​រាប់​រយ​នាក់​បាន​របួស។

ការ​ផ្ទុះ​គ្រាប់​ពី​ការវាយ​ប្រហារ​របស់​អ៉ីស្រាអែល

កម្លាំង​អ៉ីស្រាអែល​បាន​បង្ក្រាប​ទៅ​លើ​ប្រជា​ជន​ប៉ាឡេស្ទីន​តាម​រយៈ​ឧស្ម័ន​ទឹក​ភ្នែក គ្រាប់​ជ័រ និង​គ្រាប់​ពិត នៅ​ពេល​ជន​ជាតិ​ប៉ាឡេស្ទីនបាន​គប់​គ្រាប់​បែក​សាំងក្នុង​ការ​តវ៉ា។

ការ​ប្រឈម​ដាក់​គ្នា​នៅ​តំបន់ វេសប៊ែង ជា​សញ្ញា​​នៃ​ការ​ផ្ទុះ​អំពើ​ហិង្សា​ដ៏​អាក្រក់​បំផុត​ក្នុង​តំបន់​រយៈ​ពេល​ប៉ុន្មាន​ឆ្នាំ​ចុង​ក្រោយ​នេះ។

ការ​ប៉ះ​ទង្គិច​គ្នា​បាន​ចាប់​ផ្តើម​​កាល​ពី​ថ្ងៃ​ចន្ទ និង​បន្ត​អូស​បន្លាយ​រហូត​ដល់​ចុង​សប្តាហ៍​នេះ​ដោយ​បាន​កើន​ឡើង​កម្តៅ​​​រវាង​អ៉ីស្រាអែល​-ប៉ាឡេស្ទីន​​នៅ​​យេរូសាឡឹម​​ខាង​​កើត​។ ការ​ប្រយុទ្ធ​គ្នា​បាន​កើត​មាន​នៅ​ទី​គោរព​បូជា​មួយកន្លែង​​របស់​មូស្លីម និង​ជ្វីហ្វ។ ​ហាម៉ាស ដែលជា​ក្រុម​សកម្ម​ប្រយុទ្ធ​ឥស្លាម​​បាន​ចាប់​​ផ្តើម​បាញ់​គ្រាប់​រ៉ុក្កែត បន្ទាប់​ពី​បាន​ព្រមាន​អ៉ីស្រាអែល​ឲ្យ​ដក​ទ័ព​ចេញ​ពី​ទីតាំងគោរព​បូជា​ ដែល​ជំរុញ​ឲ្យ​មាន​ការវាយ​ប្រហារ​​សង​សឹក​តាមផ្លូវ​អាកាស។

ផ្ទះ​សម្បែង​ជន​ជាតិ​ប៉ាឡេស្ទីន ត្រូវ​បាន​បំផ្លាញ​ដោយ​រ៉ុក្កែតរបស់​ អ៉ីស្រាអែល

រហូត​ដល់​ពេល​នេះ យ៉ាង​ហោច​ណាស់​​មនុស្ស​១២៦​នាក់​ត្រូវ​បាន​សម្លាប់​នៅ​ហ្គាហ្សា និង​៨​នាក់​បាន​ស្លាប់​នៅ​អ៉ីស្រាអែល​ ចាប់​តាំង​ពី​ការ​ប្រយុទ្ធ​គ្នា​បានចាប់​ផ្តើម​ផ្ទុះ​ឡើង។

នៅ​ទី​ក្រុង និង​ទី​ប្រជុំ​ជន​ជា​ច្រើននៅ​​តំបន់​ វេសប៊ែង​ ដែល​ត្រូវ​បាន​កាន់​កាប់​​បាន​ផ្ទុះ​ការ​តវ៉ា​ដោយ​ហិង្សា​កាល​ពី​ថ្ងៃ​សុក្រ​ម្សិល​មិញ ដែល​ជំរុញ​ឲ្យ​សហគមន៍​អន្តរជាតិ​អំពាវ​នាវ​ឲ្យ​មាន​ការ​អត់​ធ្មត់។

ទន្ទឹម​ជា​មួយ​គ្នា​នេះ​ដែរ​ មាន​ការ​តវ៉ា​នៅ​ព្រំដែន​ហ្ស៊កដានី និង​លីបង់​ជា​មួយ​អ៉ីស្រាអែល​​ក្នុង​​ការ​គាំទ្រ​ដល់​ប្រជា​ជន​ប៉ាឡេស្ទីន​កាល​ពី​ថ្ងៃ​សុក្រ។ បុរស​ម្នាក់​បាន​ស្លាប់ បន្ទាប់​ពី​ត្រូវ​បាន​​ទាហាន​អ៉ីស្រាអែល​​បាញ់​ទៅ​លើ​ក្រុម​តវ៉ា។

អ្នក​តវ៉ា​ជន​ជាតិ​ប៉ាឡេស្ទីន

ទាហានអ៉ីស្រាអែល​បាន​និយាយ​ថា ខ្លួន​​បាន​បើក​ប្រតិបត្តិការ​​​​​មួយ​​យប់​ដើម្បី​បំផ្លាញ​ផ្លូវ​រូង​ក្រោម​ដី​​​របស់​ក្រុមហាម៉ាស ប៉ុន្តែ​​​គ្មាន​កង​ទ័ព​ណាមួយ​ចូល​ទៅ​តំបន់​ហ្គាហ្សាទេ។ ទាហាន​អ៉ីស្រាអែលបន្ថែម​ថា​ នៅ​ល្ងាច​ថ្ងៃ​ព្រហស្បតិ៍ និង​ព្រឹក​ថ្ងៃ​សុក្រ គ្រាប់​មីស៊ីល​២២០​គ្រាប់​ត្រូវ​បាន​បាញ់​ចេញ​ពី​តំបន់ ​ហ្គាហ្សា ស្ទ្រីប។

នៅ​ភាគ​ខាង​ត្បូង​ប្រទេស​អ៉ីស្រាអែល ស្ត្រី​អាយុ​៨៧​ឆ្នាំ​ម្នាក់​បាន​ស្លាប់ បន្ទាប់​ពី​ធ្លាក់​​ពី​ផ្លូវ​ចូល​ទៅ​ក្នុង​រណ្តៅ​គ្រាប់​បែក​មួយ​នៅ​ជិត​ទី​ក្រុង Ashdod។ តំបន់​ផ្សេង​ទៀត​ដូច​ជា​ Ashkelon, Beersheba និង​ Yavne ក៏​សុទ្ធ​តែ​ជា​គោល​ដៅ។

ក្រសួង​សុខាភិបាលហ្គាហ្សា​បាន​និយាយ​ថា កុមារ​​៣១​នាក់ស្ថិត​ក្នុង​ចំណោម​ជន​រង​គ្រោះ​ទាំង​អស់​ដែល​បាន​បាត់​បង់​ជីវិត ចាប់​តាំង​ពី​ការ​ប្រយុទ្ធ​គ្នា​បាន​កើត​ឡើង និង​ជន​ស៊ីវិល​ជា​ច្រើន​បាន​ស្លាប់។ ជន​ជាតិ​ហ្គាហ្សា​៩៥០​នាក់​ក៏​បាន​របួស។ អ៉ីស្រាអែល​និយាយ​ថា មនុស្ស​ជា​ច្រើន​នាក់​ដែល​ត្រូវ​បាន​សម្លាប់​នៅ​ហ្គាហ្សា​គឺ​ជា​សកម្ម​ប្រយុទ្ធ ហើយ​​ការ​​ស្លាប់​មួយ​ចំនួន​ដោយ​សារ​បាញ់​គ្រាប់​រ៉ុក្កែត​​​ខុស​គោល​ដៅ​ចេញ​ពី​ហ្គាហ្សា។

ទាហាន​បង្ក្រាប​លើ​ការ​តវ៉ា​នៅ វេសប៊ែង

កាល​ពី​ថ្ងៃ​សុក្រ ម្សិល​មិញ អង្គការ​សហ​ប្រជា​ជាតិ​បាន​​និយាយ​ថា ជន​ជាតិ​ប៉ាឡេស្ទីន​ហោច​ណាស់​១​ម៉ឺន​នាក់​បាន​រត់​ចេញ​ពី​ផ្ទះ​សម្បែង​របស់​ពួក​គេ​នៅ​ហ្គាហ្សា ចាប់​តាំង​ពី​ថ្ងៃ​ចន្ទមក៕

ការ​បាញ់​គ្រាប់​រ៉ុក្កែត​ពេល​យប់​

ប្រែ​សម្រួល៖ វីរបុត្រ
ប្រភព៖ BBC & theguardian

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៩ នាទី មុន

ស្ដ្រី​ម្នាក់​មកពី​ខេត្ត​ព្រះសីហនុ មកលេង​ផ្ទះ​នៅ​ស្រុក​អន្លង់វែង​ខេត្តឧត្ដរមានជ័យ ផ្ទុកមេរោគ​កូ​វីដ​១៩

ព័ត៌មានជាតិ៥៥ នាទី មុន

សាលាខណ្ឌ​ច្បារអំពៅ​បម្រើការងា​រដ្ឋបាល​ដូច​ធម្មតា​មិន​មាន​ការ​ផ្អាក​ឡើយ​

កូវីដ-១៩៥៨ នាទី មុន

អាជ្ញាធរខេត្ត​ឧ​ត្ត​រ​មានជ័យ ប្រកាស​ព័ត៌មាន​ករណី​ស្លាប់​បុរស​ជនជាតិ​ខ្មែរ​អាយុ៦៣​ឆ្នាំ ដោយសារ​ជំងឺ​កូ​វីដ​-១៩

ព័ត៌មានខ្លីៗ១ ម៉ោង មុន

ពិន័យបុរសវៀតណាម ៣នាក់ ជិត ១,០០០ ដុល្លារ ព្រោះលួចចេញពីផ្ទះពេលធ្វើចត្តាឡីស័ក

ព័ត៌មានជាតិ១ ម៉ោង មុន

​សំណង់​មិន​រៀបរយ​លើ​ផ្ទៃ​ទឹក សង្កាត់​សំរោង​បាន​រុះរើ​និង​ចល័ត​៨១% និង​សង្កាត់​ព្រែក​ព្នៅ​បាន​រុះរើ​និង​ចល័ត​៧៤.៥%

Sokha Hotels

ព័ត៌មានពេញនិយម

Helistar Cambodia - Helicopter Charter Services