Connect with us

ព័ត៌មានអន្ដរជាតិ

គណបក្សរបស់លោកស្រី ស៊ូជី នឹងត្រូវរំលាយចោល

បានផុស

នៅ

ដោយដកស្រង់សម្តីស្នងការម្នាក់ គេហទំព័រ Myanmar Now បានចុះផ្សាយនៅថ្ងៃសុក្រនេះថា គណៈកម្មការបោះឆ្នោតដែលតែងតាំងដោយយោធាមីយ៉ាន់ម៉ា នឹងរំលាយគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) របស់លោកស្រី អ៊ុងសាន ស៊ូជី ដោយសារតែអ្វីដែលខ្លួននិយាយថា គឺជាការក្លែងបន្លំនៅក្នុងការបោះឆ្នោតកាលពីខែវិច្ឆិកា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេហទំព័រ Myanmar Now បាននិយាយថា ការសម្រេចចិត្តនេះ ត្រូវបានធ្វើឡើងក្នុងអំឡុងកិច្ចប្រជុំមួយ ជាមួយគណបក្សនយោបាយនានា។

ប្រធានគណៈកម្មការរៀបចំការបោះឆ្នោតសហភាព ដែលគាំទ្រដោយយោធា លោក Thein Soe ត្រូវបានដកស្រង់សម្តីនៅក្នុងរបាយការណ៍នេះដែលនិយាយថា “ការជាប់ឆ្នោតរបស់គណបក្ស NLD គឺខុសច្បាប់ ដូច្នេះយើងនឹងរំលាយការចុះឈ្មោះរបស់គណបក្សនេះ”។ លោកបន្ថែមថា “អ្នកដែលធ្វើដូច្នោះនឹងត្រូវចាត់ទុកថាជាជនក្បត់ ហើយយើងនឹងចាត់វិធានការ”។

យ៉ាងណាក្តី អ្នកនាំពាក្យយោធានិងរដ្ឋាភិបាលបង្រួបបង្រួមជាតិគាំទ្រលទ្ធិប្រជាធិបតេយ្យ មិនបានឆ្លើយតបភ្លាមៗទៅនឹងសំណើសុំការអត្ថាធិប្បាយទេ។

គួររម្លឹកឡើងវិញថា កងទ័ពមីយ៉ាន់ម៉ាបានឡើងកាន់អំណាចនៅថ្ងៃទី១ខែកុម្ភៈ ដោយចោទប្រកាន់ពីការក្លែងបន្លំនៅក្នុងការបោះឆ្នោតខែវិច្ឆិកា ដែលគណបក្សរបស់លោកស្រីស៊ូជីទទួលបានជ័យជម្នះ។

ចាប់តាំងពីរដ្ឋប្រហារមក កងកម្លាំងសន្តិសុខបានសម្លាប់មនុស្សជាង៨០០នាក់ នៅក្នុងការតវ៉ា ។ ការប្រយុទ្ធគ្នាក៏បានផ្ទុះឡើងផងដែរ រវាងកងកម្លាំងសន្តិសុខនិងក្រុមឧទ្ទាមជនជាតិភាគតិច។

ចាប់តាំងពីពេលលោកស្រីស៊ូជីត្រូវបានចាប់ខ្លួន ប៉ុន្មានម៉ោងមុនរដ្ឋប្រហារថ្ងៃទី១ខែកុម្ភៈ លោកស្រីត្រូវបានឃុំឃាំង និងប្រឈមការចោទប្រកាន់ជាច្រើននៅក្នុងតុលាការ៕

ប្រែសម្រួល៖ Vann Vann

ប្រភព៖ CNN

ចុចអាន៖ យោធា​មីយ៉ាន់ម៉ា​សម្លាប់​មនុស្ស​ជាង​៨០០​នាក់​ហើយ​ចាប់​តាំង​ពី​រដ្ឋប្រហារ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

សម្ដេចតេជោ៖ បើមិនជឿព្រះអង្គច័ន្ទមុនី កុំប្រមាថ ទុកសេរីភាពខាងជំនឿ ជូនអ្នកដែលជឿ

ព័ត៌មានអន្ដរជាតិ២ ម៉ោង មុន

ថៃ ព្រមានយុវវ័យពីការរួមភេទ ក្រោយរកឃើញអ្នកឆ្លងមេរោគអេដស៍កាន់តែច្រើនឡើង

ព័ត៌មានអន្ដរជាតិ២ ម៉ោង មុន

ចិនអំពាវនាវឱ្យមីយ៉ាន់ម៉ាសហការគ្នាក្នុងការរក្សាស្ថិរភាពតាមបណ្តោយព្រំដែន

ព័ត៌មានអន្ដរជាតិ៣ ម៉ោង មុន

ទាហានអ៊ីស្រាអែល ៣០នាក់ស្លាប់ ក្នុងការវាយប្រហារជាមួយក្រុមហាម៉ាស់

សេចក្ដីជូនដំណឹង៣ ម៉ោង មុន

ឯកឧត្តម ឃួ​ង ស្រេង ផ្ញើ​សារ​ចូលរួម​អបអរសាទរ​ជូន លោកជំទាវ​បណ្ឌិត ពេ​ជ ចន្ទ​មុន្នី ក្នុងឱកាស​ទទួលបាន​ពាន​កិត្តិយស​ថ្នាក់​មាស​របស់​មិត្ត​កាយឫទ្ធិ​នារី​តំបន់​អា​ស៊ីប៉ា​ស៊ីហ្វិ​ក និង​ប្រកាសនីយបត្រ​ថ្នាក់​សកល​របស់ OB-PS

Sokha Hotels

ព័ត៌មានពេញនិយម