ព័ត៌មានអន្ដរជាតិ
ផលិតករថា វ៉ាក់សាំង Moderna មានប្រសិទ្ធភាពខ្លាំងសម្រាប់ក្មេងអាយុ១២ឆ្នាំឡើង
ក្រុមហ៊ុនផលិតវ៉ាក់សាំង Moderna និយាយនៅថ្ងៃអង្គារ៍ថា វ៉ាក់សាំងការពារកូវីដ-១៩របស់ខ្លួនមានប្រសិទ្ធភាពខ្លាំងក្នុងការការពារក្មេងអាយុ១២ឆ្នាំឡើង ដែលអាចក្លាយជាជម្រើសទី២សម្រាប់ការចាក់ដល់ក្រុមមនុស្សវ័យក្មេងនៅសហរដ្ឋអាមេរិក។
នៅពេលការផ្គត់ផ្គង់វ៉ាក់សាំងជាសកលនៅតែមានភាពតឹងតែង ពិភពលោកភាគច្រើនកំពុងតស៊ូចាក់វ៉ាក់សាំងដល់មនុស្សពេញវ័យដើម្បីទប់ស្កាត់ការរាលដាលកូវីដ-១៩។ ប៉ុន្តែនៅដើមខែនេះ សហរដ្ឋអាមេរិក និងកាណាដាបានអនុញ្ញាតឲ្យប្រើវ៉ាក់សាំង Pfizer និង BioNTech សម្រាប់មនុស្សអាយុ១២ឆ្នាំ។
Moderna មានគោលដៅធ្វើជាជួរ ដោយនិយាយថា ខ្លួននឹងដាក់ទិន្នន័យពីការសាកល្បងសម្រាប់ក្រុមវ័យក្មេងទៅ រដ្ឋបាលចំណីអាហារ និងឱសថសហរដ្ឋអាមេរិក ព្រមទាំងនិយតករពិភពលោកផ្សេងទៀតនៅដើមខែក្រោយនេះ។
ក្រុមហ៊ុនបានសិក្សាលើក្មេងអាយុ១២ឆ្នាំ ដល់ជំទង់អាយុ១៧ឆ្នាំ ជាង៣៧០០នាក់។ ការរកឃើញបឋមបង្ហាញថា វ៉ាក់សាំងនេះមានសញ្ញានៃភាពស៊ាំការពារមនុស្សវ័យក្មេងដូចវ៉ាក់សាំងមនុស្សធំពេញវ័យដែរ។ ចំណែកផលរំខានបណ្តោះអាសន្នក៏ដូចគ្នាគឺឈឺចាប់ដៃកន្លែងចាក់ ឈឺក្បាល និងអស់កម្លាំង។
យ៉ាងណា មិនមានធ្វើរោគសញ្ញាកូវីដ-១៩ដែលវ៉ាក់សាំង Moderna ពីរដូសទេ។ ក្នុងសេចក្តីប្រកាសព័ត៌មាន ក្រុមហ៊ុនបាននិយាយថា វ៉ាក់សាំងទំនងជាមានប្រសិទ្ធភាព៩៣%រយៈពេល២សប្តាហ៍ បន្ទាប់ពីចាក់ដូសទី១។
យោងតាមបណ្ឌិតសភាកុមារអាមេរិកបានបង្ហាញថា ខណៈពេលមនុស្សវ័យក្មេងទំនងជាមិនសូវមានអាការធ្ងន់ធ្ងរពីកូវីដ-១៩ ក៏ពួកគេមានប្រមាណ១៤%នៃករណីឆ្លងកូវីដទាំងអស់របស់អាមេរិក។ យ៉ាងហោចណាស់ ក្មេងចំនួន៣១៦នាក់បានស្លាប់ដោយជំងឺឆ្លងនេះនៅអាមេរិក។
ដោយមានការផ្គត់ផ្គង់វ៉ាក់សាំងជាច្រើននៅអាមេរិក មនុស្សវ័យក្មេងជាច្រើននាំគ្នាចាក់វ៉ាក់សាំង Pfizer ប៉ុន្មានថ្ងៃ បន្ទាប់ពី FDA បានអនុញ្ញាតឲ្យចាក់ ដែលជាផ្នែកមួយដ៏សំខាន់ក្នុងការជំរុញចាក់ដល់ក្មេងមុនពេលសាលារៀនគ្រោងបើកដំណើរការនៅឆ្នាំក្រោយ។
ទាំងវ៉ាក់សាំង Pfizer និង Moderna ក៏បានកំពុងចាប់សាកល្បងគ្លីនិកលើវ៉ាក់សាំងសម្រាប់ទារកអាយុ៦ខែដល់ក្មេងអាយុ១១ឆ្នាំ៕
ប្រែសម្រួល៖ វីរបុត្រ
ប្រភព៖ AP
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៤ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ