ព័ត៌មានអន្ដរជាតិ
ហ្វីលីពីន ផ្អាកការលុបចោលកិច្ចព្រមព្រៀងយោធាជាមួយ អាមេរិក រយៈពេល ៦ ខែទៀត ជាលើកទី ៣
ប្រទេសហ្វីលីពីនបាននិយាយកាលពីថ្ងៃចន្ទថា ខ្លួនកំពុងពន្យារពេលការលុបចោល កិច្ចព្រមព្រៀងកងកម្លាំងទស្សនកិច្ច (VFA) ជាមួយសហរដ្ឋអាមេរិក រយៈពេល ៦ ខែទៀត ។
រដ្ឋមន្រ្តីក្រសួងការបរទេសហ្វីលីពីន លោក Teodoro Locsin បានប្រកាសនៅក្នុងសារជាវីដេអូ អំពីការសម្រេចចិត្តរបស់ប្រធានាធិបតីលោក Rodrigo Duterte ថា “លោកប្រធានាធិបតីបានប្រាប់យើង នូវការសម្រេចចិត្តរបស់គាត់ ក្នុងការពន្យារពេលការលុបចោលកិច្ចព្រមព្រៀងយោធា VFA ជាមួយអាមេរិក រយៈពេល ៦ ខែទៀត ហើយភាគីទាំងពីរត្រូវតែដោះស្រាយ ការព្រួយបារម្ភទាក់ទងនឹងទិដ្ឋភាពជាក់លាក់ នៃកិច្ចព្រមព្រៀងនេះ” ។
នេះជាលើកទី ៣ ហើយដែលហ្វីលីពីន ផ្អាកកិច្ចព្រមព្រៀងនេះ ខណៈការផ្អាកលើកទី ២ ត្រូវបានគេសន្មត់ថា នឹងផុតកំណត់នៅខែសីហាឆ្នាំនេះ ។
កន្លងមកលោក Duterte បានគំរាមបញ្ចប់កិច្ចព្រមព្រៀងយោធា VFA នៅខែមករា ឆ្នាំ ២០២០ បន្ទាប់ពីសហរដ្ឋអាមេរិក បានលុបចោលទិដ្ឋាការចូលប្រទេស នៃសមាជិកព្រឹទ្ធសភាលោក Ronald dela Rosa ជុំវិញតួនាទីរបស់លោក Dela Rosa ក្នុងសង្គ្រាមប្រឆាំងគ្រឿងញៀន អំឡុងពេលដែលគាត់ កាន់តំណែងជាអគ្គស្នងការនគរបាលជាតិហ្វីលីពីន ។
គួររំឭកថា ទីក្រុងម៉ានីល និងទីក្រុងវ៉ាស៊ីនតោន បានចុះហត្ថលេខាលើកិច្ចព្រមព្រៀង VFA ក្នុងឆ្នាំ ១៩៩៨ ដែលបានផ្ដល់ភាពស្របច្បាប់ ដល់ការដាក់ពង្រាយ និងឈរជើងរបស់កងទ័ពអាមេរិក រាប់ពាន់នាក់នៅក្នុងប្រទេសហ្វីលីពីន ក្រោមក្របខណ្ឌប្ដូរវេន សម្រាប់ការធ្វើសមយុទ្ធយោធា និងប្រតិបត្តិការមនុស្សធម៌នានា ជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ CGTN
ចុចអាន ៖ WHO ប្រកាសបញ្ចប់ជំងឺដ៏កាចសាហាវមួយនេះនៅប្រទេស ហ្វីលីពីន

-
ព័ត៌មានជាតិ៤ ថ្ងៃ ago
កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
សន្តិសុខសង្គម១ សប្តាហ៍ ago
នគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
ព័ត៌មានជាតិ៧ ថ្ងៃ ago
សពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
នយោបាយ២ ថ្ងៃ ago
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ២ ថ្ងៃ ago
នាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
សន្តិសុខសង្គម១ សប្តាហ៍ ago
តុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
ព័ត៌មានជាតិ៤ ថ្ងៃ ago
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ៥ ថ្ងៃ ago
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ