ព័ត៌មានអន្ដរជាតិ
ទីក្រុងប៉េកាំង ប្រាប់ NATO ឲ្យបញ្ឈប់ការបំផ្លើសរឿងគំរាមកំហែងរបស់ ចិន
ប្រទេសចិនបានចោទអង្គការ NATO ពីការបង្ខូចបង្កាច់ការអភិវឌ្ឍសន្តិភាពរបស់ខ្លួន បន្ទាប់ពីមេដឹកនាំសម្ព័ន្ធភាពមួយនេះបានព្រមានអំពីបញ្ហាប្រឈមជាប្រព័ន្ធកើតមានពីរដ្ឋាភិបាលទីក្រុងប៉េកាំង។
ប្រមុខដឹកនាំ NATO បាននិយាយថា សកម្មភាពរបស់ចិនរាប់ទាំងការពង្រីកអាវុធនុយក្លេអ៊ែរ ការគំរាមកំហែងគោលការណ៍អន្តរជាតិដែលយកច្បាប់ជាមូលដ្ឋាន។ វាជាលើកដំបូងហើយដែលសម្ព័ន្ធមិត្តនេះបានដាក់ប្រទេសចិនក្នុងរបៀបវារៈសំខាន់របស់ខ្លួន។
ជាការឆ្លើយតប ចិនបាននិយាយថា គោលនយោបាយការពាររបស់ខ្លួនគឺជាការការពារក្នុងលក្ខណៈធម្មជាតិ និងបានជំរុញឲ្យសម្ព័ន្ធភាព NATO លះបង់ថាមពលរបស់ខ្លួនបន្ថែមទៀតដើម្បីជំរុញការសន្ទនាទៅ។
បេសកកម្មរបស់ចិនប្រចាំសហភាពអឺរ៉ុបបាននិយាយក្នុងសេចក្តីថ្លែងការណ៍ថា ៖«ការខិតខំប្រឹងប្រែងធ្វើទំនើបកម្មការពារជាតិ និងយោធារបស់យើងគឺសុចរឹត សមហេតុផល បើកចំហរ និងតម្លាភាព»។
សេចក្តីថ្លែងការណ៍បន្ថែមថា Nato គួរចាត់ទុកការអភិវឌ្ឍរបស់ចិនក្នុងលក្ខណៈសមហេតុផល និងឈប់យកផលប្រយោជន៍ និងសិទ្ធិស្របច្បាប់របស់ចិនជាលេសដើម្បីធ្វើនយោបាយប្លុករបស់ខ្លួន បង្កើតបញ្ហាប្រឈម និងបញ្ឆេះការប្រកួតប្រជែងភូមិសាស្ត្រនយោបាយ។
សេចក្តីថ្លែងការណ៍របស់ Nato បានធ្វើឡើងនៅចុងបញ្ចប់កិច្ចប្រជុំកំពូលរបស់ខ្លួនរយៈពេល១ថ្ងៃនៅទីក្រុងប្រូចសែលកាលពីថ្ងៃចន្ទ។ កិច្ចប្រជុំនេះជាលើកដំបូងសម្រាប់លោក ចូ បៃដិន ក្នុងនាមជាប្រធានាធិបតីអាមេរិក។
NATO ដែលជាសម្ព័ន្ធមិត្តនយោបាយ និងយោធាដ៏មានឥទ្ធិពលរវាងប្រទេស៣០នៅអឺរ៉ុប និងអាមេរិកខាងជើងក៏បានមើលឃើញប្រទេសរុស្ស៊ីជាការគំរាមកំហែងសំខាន់មួយដែរ។
លោក បៃដិន គ្រោងនឹងជួបលោកប្រធានាធិបតីរុស្ស៊ី វ្លាឌីមៀរ ពូទីន នៅថ្ងៃពុធស្អែកនេះនៅទីក្រុងហ្សឺណែវ៕
អានបន្ថែម៖ NATO ព្រមានពីបញ្ហាប្រឈមផ្នែកយោធាបង្កឡើងដោយចិន
ប្រែសម្រួល៖ វីរបុត្រ
ប្រភព៖ BBC
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១០ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ