ឥណ្ឌា ធ្វើតេស្តដ្រូន ដើម្បីដឹកថ្នាំពេទ្យនិងវ៉ាក់សាំងកូវីដ ទៅតំបន់ដាច់ស្រយាល
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ឥណ្ឌា ធ្វើតេស្តដ្រូន ដើម្បីដឹកថ្នាំពេទ្យនិងវ៉ាក់សាំងកូវីដ ទៅតំបន់ដាច់ស្រយាល

បានផុស

នៅ

ក្រុមហ៊ុនអាកាសចរណ៍មួយ បានចាប់ផ្តើម ការធ្វើតេស្តដំបូងនៅក្នុងប្រទេសឥណ្ឌាទៅលើដ្រូនដឹកជញ្ជូនរយៈចម្ងាយឆ្ងាយ ខណៈមានក្តីសង្ឃឹមកាន់តែខ្លាំងថា ដ្រូនទាំងនេះ អាចដឹកថ្នាំពេទ្យនិងវ៉ាក់សាំងការពារជំងឺកូវីដ-១៩ ទៅកាន់តំបន់ដាច់ស្រយាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកជំនាញនិយាយថា ការប្រើប្រាស់ដ្រូនច្រើន អាចជាវិធីសាស្រ្តដ៏ល្អ សម្រាប់សេវាវេជ្ជសាស្រ្តនៅតាមតំបន់ជនបទដែលពិបាកទៅដល់របស់ប្រទេសអាស៊ីខាងត្បូងមួយនេះ ខណៈតំបន់ទាំងនោះ មានកំណត់ត្រាសុខភាពនៅមានកម្រិត ហើយផ្លូវថ្នល់មិនសូវល្អ។

ក្រុមហ៊ុន Throttle Aerospace Systems ស្ថិតក្នុងចំណោមអង្គភាពចំនួន២០ ដែលទទួលបានការអនុញ្ញាតពីរដ្ឋាភិបាលចាប់តាំងពីខែឧសភាមក ដើម្បីធ្វើការហោះហើរសាកល្បងហួសពីដែនកំណត់បច្ចុប្បន្ន ៤៥០ម៉ែត្រ។

ដ្រូនពីរគ្រឿង ដែលមួយគ្រឿងអាចផ្ទុកទម្ងន់បាន ១គីឡូក្រាម ហោះចម្ងាយ២០គីឡូម៉ែត្រឬជិតមួយម៉ោង និងមួយគ្រឿងទៀតអាចផ្ទុកទម្ងន់បាន ២គីឡូក្រាម ហោះចម្ងាយ១៥គីឡូម៉ែត្រ ត្រូវបានធ្វើតេស្តកាលពីថ្ងៃចន្ទទី២១ខែមិថុនា នៅក្នុងរដ្ឋ Karnataka ភាគខាងត្បូង។

សហស្ថាបនិកក្រុមហ៊ុន Throttle លោក Sebastian Anto បានប្រាប់ AFP នៅកន្លែងធ្វើតេស្តថា “ថ្នាំពេទ្យគឺជាបន្ទុកនៅទីនេះ ចម្ងាយ២.៥គីឡូម៉ែត្រត្រូវបានគ្របដណ្តប់ក្នុងរយៈពេល៧ នាទីហើយ ដ្រូនបានបញ្ជូនថ្នាំនៅចំណុចដែលបានកំណត់ រួចដ្រូនវិលត្រឡប់មកវិញ”។

ប្រធានផ្នែករោគរាតត្បាតនៃក្រុមប្រឹក្សាស្រាវជ្រាវវេជ្ជសាស្ត្រឥណ្ឌា លោក Samiran Panda បានប្រាប់កាសែត Hindu Daily ថា “បច្ចេកវិទ្យានេះ អាចជួយដល់ការចាក់វ៉ាក់សាំងដល់ក្រុមអាទិភាពនៅតាមកន្លែងដែលពិបាកទៅដល់”។

ក្រសួងសុខាភិបាលឥណ្ឌា ក៏បាននិយាយកាលពីថ្ងៃចន្ទដែរថា ប្រជាជនជាង ៨ លាននាក់បានទទួលការចាក់វ៉ាក់សាំងប្រឆាំងនឹងជំងឺកូវីដ ១៩ នៅក្នុងប្រទេស នៅថ្ងៃដំបូងនៃយុទ្ធនាការចាក់ដោយឥតគិតថ្លៃ សម្រាប់ប្រជាជនវ័យចំណាស់៕

ប្រែសម្រួល៖ Vann Vann

ប្រភព៖ CNA

ចុចអាន៖ ជាកំណត់ត្រា! យុទ្ធនាការចាក់វ៉ាក់សាំងឥតគិតថ្លៃនៅ ឥណ្ឌា ម្សិលមិញ អ្នកចូលរួមចាក់មិនធ្លាប់មានពីមុនមក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ នាទី មុន

សំណង់អត់ច្បាប់​ធ្វើលើចំណីដីផ្លូវសាធារណៈ​ក្នុងស្រុកស្ទោង​មន្ទីរសូរិយោដីខេត្ត​សម្រេចផ្អាកបណ្តោះអាសន្ន

ព័ត៌មានជាតិ៩ នាទី មុន

វឌ្ឍនៈ គ្រុប និង ក្រុមហ៊ុន PHASE SCIENTIFIC បានឧបត្ថម្ភ​ឧបករណ៍​តេស្ត​រហ័ស​១០​ម៉ឺន​ឈុត ស្មើនឹង ១​លាន​ដុល្លារ​អាមេរិក ជូន​ដល់​រាជរដ្ឋាភិបាល​កម្ពុជា​

ព័ត៌មានខ្លីៗ១៦ នាទី មុន

សម្តេច​តេជោ​ហ៊ុនសែន៖ នៅ​អង់គ្លេស អាមេរិក អ្នក​ចាក់​វ៉ាក់សាំង​ពីរ​ដង ​នៅ​តែ​មាន​អ្នក​ឆ្លង​ អ្នក​ស្លាប់

ចរាចរណ៍១៨ នាទី មុន

គេចម៉ូតូកំពុងដេញចោរឆក់ជ្រុលបុករថយន្តរុញផ្ទប់ផ្ទះពលរដ្ឋ​

ព័ត៌មានខ្លីៗ៣៨ នាទី មុន

កម្ពុជានឹងបញ្ចប់យុទ្ធនាការ​ចាក់វ៉ាក់សាំង ១០ លាននាក់ ​ត្រឹមខែតុលា

Sokha Hotels

ព័ត៌មានពេញនិយម

Helistar Cambodia - Helicopter Charter Services