ឥណ្ឌា ជួបហានិភ័យថ្មី បន្ទាប់ពីមានមនុស្សស្លាប់លើកដំបូង ដោយសារវីរុសមួយប្រភេទ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ឥណ្ឌា ជួបហានិភ័យថ្មី បន្ទាប់ពីមានមនុស្សស្លាប់លើកដំបូង ដោយសារវីរុសមួយប្រភេទ

បានផុស

នៅ

ក្មេងប្រុសអាយុ១១ឆ្នាំម្នាក់ បានស្លាប់នៅក្នុងប្រទេសឥណ្ឌា ដោយសារវីរុសផ្តាសាយបក្សី H5N1 ដែលនេះជាការស្លាប់ដំបូងបំផុត នៅក្នុងប្រទេសនេះ។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះ បានបង្ហាញពីហានិភ័យថ្មី សម្រាប់ប្រទេសដែលមានប្រជាជនច្រើនបំផុតទី ២ នៅលើពិភពលោក ដែលកំពុងប្រយុទ្ធប្រឆាំងនឹងការរាតត្បាតនៃជំងឺកូវីដ-១៩។

សេចក្តីថ្លែងការណ៍របស់រដ្ឋាភិបាលបាននិយាយថា ក្មេងប្រុសម្នាក់នេះ ត្រូវបានបញ្ជូនទៅកាន់ វិទ្យាស្ថានវេជ្ជសាស្ត្រឥណ្ឌាក្នុងទីក្រុង ញូវដែលី នៅថ្ងៃទី២ខែកក្កដា ហើយបានទទួលមរណភាពកាលពីថ្ងៃអង្គារទី២០ ខែកក្កដា បន្ទាប់ពីសរីរាង្គជាច្រើន ត្រូវខូច។

បុគ្គលិកសុខាភិបាល ដែលព្យាបាលអ្នកជំងឺរូបនេះ និងក្រុមគ្រួសារក្មេងប្រុស ត្រូវបានគេដាក់ឲ្យនៅដាច់ដោយឡែក ហើយអាជ្ញាធរចាប់ផ្តើមធ្វើការតាមដាន អ្នកពាក់ព័ន្ធ។

នៅក្នុងទីក្រុង Haryana ភាគខាងជើងប្រទេសឥណ្ឌា ដែលជាទីកំណើតរបស់ក្មេងប្រុស នាយកដ្ឋានបសុព្យាបាល មិនបានរកឃើញករណីសង្ស័យនៃជំងឺផ្តាសាយបក្សី លើមនុស្សផ្សេងទៀតទេ ហើយកំពុងបង្កើនការឃ្លាំមើល។

ប្រទេសឥណ្ឌា បានជួបប្រទះការផ្ទុះឡើងនូវជំងឺផ្តាសាយបក្សី ក្នុងរយៈពេលពីរទសវត្សរ៍ចុងក្រោយនេះ ហើយករណីទាំងអស់នោះ គឺអាចគ្រប់គ្រងបាន ដោយគ្មានករណីឆ្លងដល់មនុស្សណាមួយត្រូវបានរាយការណ៍នៅក្នុងប្រទេសនេះទេ៕

ប្រែសម្រួល៖ Vann Vann

ប្រភព៖ CNA

ចុចអាន៖ លើកដំបូង! វៀតណាម រកឃើញមេរោគផ្តាសាយបក្សី ដែលអាចចម្លងដល់មនុស្សនិងវិវត្តទៅជាវីរុសបំប្លែងខ្លួន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services