ព័ត៌មានអន្ដរជាតិ

ថៃ ចេញគោលការណ៍ឲ្យអ្នកជំងឺកូវីដក្រុមបៃតងព្យាបាលខ្លួនឯង ទោះគ្មានអ្នកស្នាក់នៅជាមួយក៏ដោយ

បានផុស

៥ years មុន

នៅ

ថ្ងៃព្រហស្បតិ៍ ១២ សីហា ២០២១

ដោយ

ខណៈថៃកំពុងឆ្លងរាលដាលសាហាវ ទាំងកូវីដនិងវីរុសបំប្លែងខ្លួនគ្រប់ប្រភេទ មជ្ឈមណ្ឌលទិន្នន័យកូវីដ ១៩ ក្នុងប្រទេសបានបង្ហាញពីនីតិវិធីថា អ្នកជំងឺដែលប្រើតេស្ត Antigen test kits (អង់ទីហ្សែន) ដោយខ្លួនឯង ហើយរកឃើញថាឆ្លងវីរុស ត្រូវធ្វើបែបណាឬចាត់ទុកជាអ្នកជំងឺពណ៌ប្រភេទណា ដែលអាចព្យាបាលនៅផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រសិនបើអ្នកណាមានរោគសញ្ញាតិចតួចឬគ្មានរោគសញ្ញាសោះ នោះអ្នកឈឺមិនអាចទាមទារគ្រែសម្រាប់សម្រាកនៅមន្ទីរពេទ្យបានឡើយ។

ប៉ុន្តែអ្នកឈឺស្រាលៗទាំងនោះ អាចមើលថែទាំជំងឺនេះបានដោយខ្លួនឯង បើទោះបីជាគេនៅម្នាក់ឯង ឬមានសមាជិករស់នៅជុំគ្នាក៏ដោយ។

សម្រាប់យុទ្ធសាស្ត្រនោះ ថៃបានដាក់ចេញនូវគោលការណ៏ ៤ ជំហាន ដើម្បីកំណត់ពីស្ថានភាពអ្នកជំងឺស្រាល៖

១ ត្រូវប្រើឧបករណ៍ធ្វើតេស្ត antigen test kits ដែលបានអនុម័តដោយក្រសួងសុខាភិបាលថៃ ដោយខ្លួនឯងផ្ទាល់ ឬពិនិត្យយ៉ាងសកម្មពីអង្គភាពត្រួតពិនិត្យកូវីដ ១៩ ។ ព័ត៌មានអំពីឧបករណ៍តេស្តអង់ទីហ្សែន នឹងត្រូវបានត្រួតពិនិត្យដោយប៉ុស្តិ៍ត្រួតពិនិត្យគ្រប់ពេលវេលា។

២ ប្រសិនបើលទ្ធផលតេស្តមានភាពវិជ្ជមាន (ឆ្លង) បែបស្រាលៗ ហើយអ្នកជំងឺចង់ឃុំខ្លួននៅផ្ទះ ពួកគេអាចទាក់ទងទៅលេខ ១៣៣០ ឬបំពេញព័ត៌មានដើម្បីចុះឈ្មោះសម្រាប់ប្រព័ន្ធនេះដោយខ្លួនឯងទាំងអស់។

៣ បន្ទាប់ពីបានចុះឈ្មោះរួចរាល់ហើយ សូមរង់ចាំឲ្យបុគ្គលិកទាក់ទងមកវិញ។ បន្ទាប់ពីផ្គូផ្គងអ្នកជំងឺជាមួយគ្លីនិក មណ្ឌលថែទាំសុខភាពឬមន្ទីរពេទ្យ នឹងមើលថែអ្នកជំងឺក្នុងពេលឃុំខ្លួននៅផ្ទះតាមដែលអាចធ្វើទៅបានដែរ។

៤ ក្នុងប្រការនេះ ក្រុមវេជ្ជបណ្ឌិតអាចពិចារណាអ្នកជំងឺឡើងវិញ។ ប្រសិនបើមិនមានរោគសញ្ញាឬរោគសញ្ញាតូចតាចទេ (រាប់ថាជាអ្នកជំងឺបៃតង) អាចចូលទៅក្នុងបន្ទប់ដាក់ដោយឡែកម្នាក់ឯង ឬស្នាក់នៅផ្ទះតាមដែលអាចធ្វើទៅបាន។ ប៉ុន្តែក្រុមនេះ គឺមិនមានគ្រែសម្រាប់ឲ្យព្យាបាលឡើយ។

ក្នុងខណៈពេលដែលក្រុមអ្នកជំងឺកូវីដមានពណ៌បៃតង សម្រាកព្យាបាលនៅផ្ទះ ក្រុមគ្រូពេទ្យនឹងបែងចែកឱសថនិងឧបករណ៍ចាំបាច់សម្រាប់ពួកគេ។ ទោះយ៉ាងណាក៏ដោយ សម្រាប់ស្ថានភាពនេះ ប្រសិនបើមានអាសន្ន អ្នកជំងឺកូវីដស្រាលៗអាចទិញថ្នាំធម្មតា តាមការណែនាំរបស់ក្រសួងសុខាភិបាលថៃ យកមកព្យាបាលដោយខ្លួនឯងសិនក៏បាន៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖បច្ចុប្បន្ន តើប្រទេសថៃកំពុងប្រើប្រាស់ឧបករណ៍អ្វីខ្លះ ដើម្បីតេស្តរកកូវីដបានរហ័ស ?

ចុចអាន៖កាន់តែខ្លាំងទៅៗហើយ វីរុសបំប្លែងខ្លួន ៤ ប្រភេទ ល្បីឆ្លងលឿននិងសាហាវ កំពុងអុកឡុកប្រទេសថៃ