ក្រោយធ្លាក់ស្លាប់ស្ដែងៗ តាលីបង់ យល់ព្រមមិនរំខានការជម្លៀសពលរដ្ឋអាហ្វហ្គានីស្ថានចេញពីអាកាសយានដ្ឋានក្រុងកាប៊ុល
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ក្រោយធ្លាក់ស្លាប់ស្ដែងៗ តាលីបង់ យល់ព្រមមិនរំខានការជម្លៀសពលរដ្ឋអាហ្វហ្គានីស្ថានចេញពីអាកាសយានដ្ឋានក្រុងកាប៊ុល

បានផុស

នៅ

ប្រមុខបញ្ជាការកណ្តាលអាមេរិក បានជួបជាមួយមេដឹកនាំតាលីបង់ជាន់ខ្ពស់នៅរដ្ឋធានីដូហា ប្រទេសកាតា និងបានឈានដល់កិច្ចព្រមព្រៀងថា កិច្ចខិតខំប្រឹងប្រែងជម្លៀសប្រជាជនអាហ្វហ្គានីស្ថាន អាចបន្តដោយគ្មានការជ្រៀតជ្រែក និងរំខាន ។ នេះបើយោងតាមរបាយការណ៍ដែលបានចេញផ្សាយកាលពីថ្ងៃចន្ទ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយដកស្រង់សម្ដីមន្ត្រីការពារជាតិម្នាក់ ដែលបាននិយាយជាមួយទីភ្នាក់ងារសារព័ត៌មានក្នុងលក្ខខណ្ឌមិនបញ្ចេញឈ្មោះ កិច្ចប្រជុំរបស់លោកឧត្តមសេនីយ៍ Frank McKenzie ត្រូវបានរាយការណ៍ដោយសារព័ត៌មាន AP និងផ្ដោតសំខាន់លើស្ថានភាពក្នុងប្រទេសអាហ្វហ្គានីស្ថាន ។

ស្ថានការណ៍នៅអាកាសយានដ្ឋានអន្តរជាតិ Hamid Karzai នៅទីក្រុងកាប៊ុលកាន់តែមានភាពចលាចល ខណៈស្ថានទូតនានានៅក្នុងប្រទេសបានបិទទ្វារ ការបញ្ជូនបុគ្គលិកធ្វើដំណើរតាមអាកាសយានដ្ឋាន ដែលចូលរួមដោយជនជាតិអាហ្វហ្គានីស្ថានរាប់ម៉ឺននាក់ កំពុងអស់សង្ឃឹមក្នុងការចាកចេញពីប្រទេស ។

មន្រ្តីអាមេរិកបាននិយាយថា មនុស្ស ៧ នាក់បានស្លាប់ ខណៈអ្នកខ្លះតោងកង់យន្តហោះយោធាអាមេរិក ហើយបានធ្លាក់ស្លាប់ម្ដងមួយៗ នៅពេលយន្តហោះបានហោះឡើយ ។

វីដេអូពីកន្លែងកើតហេតុបានបង្ហាញពីមនុស្សរាប់រយនាក់ កំពុងរត់តាមផ្លូវយន្តហោះ ហើយមនុស្សកំពុងអង្គុយនៅពីលើយន្តហោះដឹកអ្នកដំណើរ ទោះបីជាការធ្វើដំណើរតាមអាកាសស៊ីវិលត្រូវបានផ្អាកក៏ដោយ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ ព្រះអើយ! ពលរដ្ឋអាហ្វហ្គានីស្ថាន សុខចិត្តតោងកង់យន្តហោះអាមេរិក ឲ្យតែបានចេញពីប្រទេស មានអីធ្លាក់ស្លាប់ម្តងមួយៗ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services