ព័ត៌មានអន្ដរជាតិ
រូបភាពគួរឲ្យអាសូរ កម្លាំងល្បាតអាមេរិកដេញជនអន្តោប្រវេសន៍
រូបភាពកម្លាំងល្បាតព្រំដែនអាមេរិកនៅរដ្ឋតិចសាសបានជិះសេះវាយដេញជនអន្តោប្រវេសន៍ហៃទីត្រូវបានគេចែករំលែកយ៉ាងច្រើនកាលពីថ្ងៃចន្ទ ហើយទទួលរងការរិះគន់យ៉ាងខ្លាំង។
រដ្ឋមន្ត្រីទទួលបន្ទុកសារព័ត៌មានសេតវិមានលោកស្រី Jen Psaki ត្រូវបានគេសួរថា ការប្រើសេះ ហើយដេញវ៉ៃ រូបភាពដ៏អាក្រក់មើលនៅក្នុងប្រទេសមួយដែលរកឃើញទាសភាពបែបនេះបង្ហាញពីទង្វើសមស្របទេ។
តំណាងសេតវិមានអាមេរិកបានឆ្លើយថា ៖«ខ្ញុំបានឃើញរូបភាពវីដេអូខ្លះ។ ខ្ញុំមិនមានពេញទាំងស្រុងទេ។ ខ្ញុំមិនអាចស្រមៃថាតើបរិបថអ្វីដែលអាចធ្វើឲ្យសមស្របនោះទេ។ ខ្ញុំមិនគិតថា នរណាម្នាក់ដែលបានឃើញរូបភាពនោះអាចគិតថា អាចទទួលយកបាន ឬសមរម្យនោះទេ»។
កាលពីថ្ងៃចន្ទមន្ត្រីអាមេរិកផ្សេងទៀតបាននិយាយនៅពេលពួកគេបានការពារនូវការឆ្លើយតបដ៏ខ្លាំងក្លារបស់ពួកគេថា ប្រជាជនហៃទី និងអន្តោប្រវេសន៍ផ្សេងទៀតជាង៦០០០នាក់ត្រូវបានយកចេញពីជំរំនៅទីប្រជុំជន De Rio ព្រំដែនរដ្ឋតិចសាស។
ហៅស្ថានភាពនោះថាជាបញ្ហាប្រឈម និងប្រេះដូង រដ្ឋមន្ត្រីក្រសួងសន្តិសុខមាតុភូមិលោក Alejandro Mayorkas បានចេញការព្រមានយ៉ាងខ្លាំងមួយថា ៖«ប្រសិនបើអ្នកចូលមកអាមេរិកខុសច្បាប់ អ្នកនឹងត្រូវត្រឡប់ទៅវិញ។ ដំណើររបស់អ្នកនឹងមិនបានសម្រេចទេ ហើយអ្នកនឹងមានគ្រោះថ្នាក់ដល់អាយុជីវិត និងក្រុមគ្រួសាររបស់អ្នក»។
លោក Mayorkas និងប្រធានកម្លាំងល្បាតព្រំដែនលោក Raul Ortiz បាននិយាយថា ពួកគាត់នឹងពិនិត្យមើលសកម្មភាពរបស់ក្រុមយាមល្បាតជិះសេះដេញជនអន្តោប្រវេសន៍ និងជនភៀសខ្លួននៅទន្លេមួយចន្លោះទីក្រុង Ciudad Acuña ប្រទេស ម៉ិកស៊ិក និងទីប្រជុំជន Del Rio ក្នុងរដ្ឋតិចសាស ប៉ុន្តែមន្ត្រីទាំងពីរនេះនិយាយថា គ្មានអ្វីខុសទេដែលផ្អែកលើរូបភាព និងវីដេអូ។
សហរដ្ឋអាមេរិកបានចាប់ប្រតិបត្តិការហោះហើរដឹកជញ្ជូនមនុស្សរាប់ពាន់នាក់ឲ្យត្រឡប់ទៅប្រទេសកំណើតវិញ និងបញ្ឈប់នរណាឆ្លងកាត់ចេញពីប្រទេសម៉ិកស៊ិកជាការចាប់ផ្តើមនូវអ្វីដែលជាការបណ្តេញចេញទ្រង់ទ្រាយធំរបស់អាមេរិកក្នុងរយៈពេលប៉ុន្មានទសវត្សរ៍នេះ។
បុរសឈ្មោះ Paul Ratje ជាអ្នកថតរូបលើក្រុមល្បាតជិះសេះដេញជនអន្តោប្រវេសន៍ដែលកំពុងកាន់កញ្ចប់បាយបាននិយាយថា ៖«ខ្ញុំទៅដល់កន្លែងកើតហេតុ ហើយអ្នករាល់គ្នាកំពុងឆ្លងកាត់ទន្លេ…ភ្លាមៗនោះប៉ូលិសបានមកដល់ ហើយពួកគេចាប់ផ្តើមឲ្យមនុស្សចាកចេញ។បន្ទាប់មកកម្លាំងល្បាតជិះសេះមកដល់ ហើយពួកគេក៏ចាប់ផ្តើមជំរុញមនុស្សឲ្យចាកចេញ»៕
ប្រែសម្រួល៖ វីរបុត្រ
ប្រភព៖ theguardian
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៥ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ