ព័ត៌មានអន្ដរជាតិ

WHO ដាក់គោលដៅលុបបំបាត់ជំងឺរលាកស្រោមខួរបាក់តេរីត្រឹមឆ្នាំ២០៣០

បានផុស

៤ years មុន

នៅ

ថ្ងៃពុធ ២៩ កញ្ញា ២០២១

ដោយ

អង្គការសុខភាពពិភពលោក (WHO) បានដាក់គោលដៅលុបបំបាត់ទម្រង់ជំងឺរលាកស្រោមខួរដ៏កាចសាហាវបណ្តាលឲ្យស្លាប់ត្រឹមឆ្នាំ២០៣០ តាមរយៈលើកកម្ពស់ការយល់ដឹង និងលទ្ធភាពទទួលបានការព្យាបាល។ ផែនការសកលនេះត្រូវបានចាប់ដំណើរការដោយភ្នាក់ងាររបស់អង្គការសហប្រជាជាតិ (UN) កាលពីថ្ងៃទី២៨ ខែកញ្ញាដើម្បីប្រយុទ្ធនឹងជំងឺរលាក។

ការរលាកស្រោមខួរគឺជាជំងឺដ៏គ្រោះថ្នាក់មួយនៃភ្នាស់ជុំវិញខួរក្បាល និងខួរឆ្អឹងខ្នង។ ខណៈវាកើតឡើងបណ្តាលមកពីការចម្លងរោគដោយបាក់តេរី និងវីរុស ការលាកស្រោមខួរដោយបាក់តេរីសម្លាប់មនុស្សច្រើនជាងទម្រង់ជំងឺដទៃទៀត។

«ផែនការបង្ហាញផ្លូវជាសកលដើម្បីកម្ចាត់ជំងឺរលាកស្រោមខួរត្រឹមឆ្នាំ២០៣០»ត្រូវបានដំណើរការដោយសសម្ព័ន្ធដៃគូចម្រុះនៅកម្មវិធីមួយក្នុងទីក្រុងហ្សឺណែវដើម្បីផ្តោតលើការទប់ស្កាត់ការចម្លងមេរោគ និងធ្វើឲ្យប្រសើរឡើងនូវវិធីព្យាបាល និងរោគវិនិច្ឆ័យសម្រាប់អ្នកមានជំងឺរលាកស្រោមខួរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គលេខាធិការ WHO លោក Tedros Adhanom Ghebreyesus មានប្រសាសន៍ថា ៖«កន្លែងណាដែលវាកើតមាន ជំងឺរលាកស្រោមខួរអាចបណ្តាលឲ្យស្លាប់ ធ្វើឲ្យចុះខ្សោយ វាយលុកយ៉ាងឆាប់រហ័ស សុខភាពធ្ងន់ធ្ងរ ផលវិបាកសេដ្ឋកិច្ច និងសង្គម ហើយបណ្តាលឲ្យផ្ទុះឡើងយ៉ាងសាហាវ»។

ជំងឺរលាកស្រោមខួរកើតមានទូទៅបំផុតនៅក្នុងប្រទេសជាង២០នៅមហាអនុតំបន់អាហ្វ្រិកសាហារ៉ា។

ប្រសិនបើគ្មានការព្យាបាលទាន់ពេលវេលាទេ ជំងឺរលាកស្រោមខួរបាក់តេរីអាចបណ្តាលឲ្យរាលដាលយ៉ាងឆាប់រហ័ស សម្លាប់ម្នាក់ក្នុងចំណោម១០ដែលមានជំងឺនេះ ខណៈម្នាក់ក្នុងចំណោម៥នាក់អាចបណ្តាលឲ្យកើតមានជំងឺរ៉ាំរ៉ៃ រួមមានការប្រកាច់ ស្តាប់លែងឮ និងងងិតភ្នែក ហើយខូចខាតសរសៃប្រសាទ។

កម្មវិធីដឹកនាំដោយ WHO ក៏មានគោលដៅកាត់បន្ថយការស្លាប់ដោយជំងឺរលាក់ស្រោមខួរបាក់តេរីឲ្យបាន៧០%៕

ប្រែសម្រួល៖ វីរបុត្រ
ប្រភព៖ Reuters