Connect with us

ព័ត៌មានអន្ដរជាតិ

នាយករដ្ឋមន្រ្តីថ្មីរបស់ជប៉ុន ប្តេជ្ញារឹតបន្តឹងសម្ព័ន្ធភាពរឹងមាំជាមួយ អាមេរិក

បានផុស

នៅ

នាយករដ្ឋមន្រ្តីថ្មីរបស់ជប៉ុន លោក Fumio Kishida បាននិយាយនៅថ្ងៃអង្គារទី៦ខែតុលានេះថា លោកបានទទួលសារដ៏រឹងមាំពីលោកប្រធានាធិបតី Joe Biden អំពីការប្តេជ្ញាចិត្តរបស់សហរដ្ឋអាមេរិក ក្នុងការការពារប្រជុំកោះសមុទ្រចិនខាងកើតមានជម្លោះ ដែលគេស្គាល់ថា ប្រជុំកោះ Senkaku នៅក្នុងប្រទេសជប៉ុន។

ក្នុងការសន្ទនាតាមទូរស័ព្ទរយៈពេលប្រហែល ២០ នាទីនៅព្រឹកថ្ងៃអង្គារនេះ សម្ព័ន្ធមិត្តទាំង២ក៏បានបញ្ជាក់ផងដែរពីកិច្ចសហប្រតិបត្តិការរបស់ពួកគេ ដើម្បីសម្រេចបាននូវតំបន់ឥណ្ឌូ-ប៉ាស៊ីហ្វិកដោយសេរីនិងបើកចំហ។

នាយករដ្ឋមន្រ្តីថ្មីរបស់ជប៉ុន លោក Fumio Kishida

លោក Kishida និយាយថា “យើងសូមបញ្ជាក់ថា យើងនឹងធ្វើការរួមគ្នាដើម្បីពង្រឹងសម្ព័ន្ធភាពជប៉ុន-អាមេរិក និងឥណ្ឌូ-ប៉ាស៊ីហ្វិកសេរីនិងបើកចំហ។ យើងក៏សូមបញ្ជាក់ផងដែរថា យើងនឹងធ្វើការយ៉ាងជិតស្និទ្ធលើបញ្ហាទាក់ទងនឹងប្រទេសចិននិងកូរ៉េខាងជើង”។

ដោយសំដៅទៅកាតព្វកិច្ចការពារជាតិរបស់អាមេរិកចំពោះប្រទេសជប៉ុន ដែលគ្របដណ្តប់លើកោះគ្មានមនុស្សរស់នៅ លោក Kishida បានលើកឡើងថា “ជាពិសេស លោកប្រធានាធិបតី បានធ្វើអត្ថាធិប្បាយយ៉ាងម៉ឺងម៉ាត់ ចំពោះការប្តេជ្ញាចិត្តរបស់អាមេរិក ក្នុងការការពារប្រទេសជប៉ុន រួមទាំងមាត្រា ៥ នៃសន្ធិសញ្ញាសន្តិសុខអាមេរិក-ជប៉ុនផងដែរ”។

ប្រធានាធិបតីអាមេរិកលោក Joe Biden

ការសន្ទនាតាមទូរស័ព្ទនេះ បានកើតឡើងមួយថ្ងៃ បន្ទាប់ពីលោក Kishida អំពាវនាវឲ្យរៀបចំការបោះឆ្នោតសភានៅថ្ងៃទី ៣១ ខែតុលា ហើយបានប្តេជ្ញាថា នឹងពង្រឹងការឆ្លើយតបរបស់ប្រទេសនេះចំពោះជំងឺរាតត្បាត។

គួរបញ្ជាក់ថា លោកត្រូវបានសមាជិកសភាបោះឆ្នោតកាលពីថ្ងៃចន្ទ ឲ្យកាន់តំណែងជានាយករដ្ឋមន្ត្រីថ្មីរបស់ប្រទេសជប៉ុន៕

ប្រែសម្រួល៖ Vann Vann

ប្រភព៖ Tuoi Tre

ចុចអាន៖ ដល់ថ្ងៃរដ្ឋាភិបាល ជប៉ុន លាលែងពីតំណែង អតីតរដ្ឋមន្ត្រីការបរទេសចូលកាន់ជានាយករដ្ឋមន្ត្រីថ្មី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៤ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៤ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៥ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៦ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម