អ្នកទោសមីយ៉ាន់ម៉ា រាប់ពាន់នាក់ ដោះលែងថ្ងៃមុន ត្រូវចាប់ទៅវិញជាង ១០០នាក់
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អ្នកទោសមីយ៉ាន់ម៉ា រាប់ពាន់នាក់ ដោះលែងថ្ងៃមុន ត្រូវចាប់ទៅវិញជាង ១០០នាក់

បានផុស

នៅ

បន្ទាប់ពីអ្នកទោសត្រូវបានដោះលែងនៅក្នុងការលើកលែងទោសកាលពីពេលថ្មីៗនេះ រដ្ឋាភិបាលមីយ៉ាន់ម៉ាបានចាប់ខ្លួនអ្នកតវ៉ាប្រឆាំងរដ្ឋប្រហារជាង១០០នាក់ទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាជាតិអាស៊ីអាគ្នេយ៍មួយនេះ បានស្ថិតក្នុងភាពចលាចលចាប់តាំងពីរដ្ឋប្រហារខែកុម្ភៈមក ដោយមានមនុស្សជាង ១,១០០នាក់ ត្រូវបានសម្លាប់ក្នុងការបង្រ្កាបលើអ្នកប្រឆាំង និងជាង ៨,០០០នាក់ ត្រូវបានចាប់ខ្លួន។ នេះបើយោងតាមសមាគមជំនួយសម្រាប់អ្នកទោសនយោបាយ ហៅកាត់ AAPP។

កាលពីថ្ងៃចន្ទ យោធាបានប្រកាសថា ខ្លួនដោះលែងមនុស្សជាង ៥,០០០នាក់ ក្នុងពិធីបុណ្យ Thadingyut រយៈពេល៣ថ្ងៃ ធ្វើឲ្យក្រុមគ្រួសារប្រញាប់ប្រញាល់ធ្វើដំណើរទៅកាន់ពន្ធនាគារ ក្នុងក្តីសង្ឃឹមជួបជុំជាមួយមនុស្សជាទីស្រឡាញ់របស់ពួកគេវិញ។

ទោះបីជាយ៉ាងណាក៏ដោយ ចំនួនពិតប្រាកដនៃអ្នកដែលត្រូវបានដោះលែងទូទាំងប្រទេសគឺពិបាកក្នុងការផ្ទៀងផ្ទាត់ណាស់ ហើយមនុស្សមួយចំនួនត្រូវបានដោះលែង លុះត្រាតែពួកគេចុះហត្ថលេខាលើឯកសារដែលសន្យាថានឹងមិនបង្កបទល្មើសម្តងទៀត។

យោងតាម ​​AAPP បានឲ្យដឹងថា មនុស្សយ៉ាងតិច១១០នាក់ក្នុងចំណោមអ្នកដែលត្រូវបានលើកលែងទោស គឺត្រូវបានចាប់ខ្លួនវិញ តាំងពីពេលនោះមក។

AAPP និយាយនៅក្នុងសេចក្តីថ្លែងការណ៍មួយកាលពីថ្ងៃព្រហស្បតិ៍ទី២១ ខែតុលាថា “អ្នកខ្លះត្រូវបានចាប់ខ្លួនមកវិញភ្លាមៗ​ នៅពេលពួកគេទៅដល់ផ្ទះ”។

គួរបញ្ជាក់ថា អាជ្ញាធរមីយ៉ាន់ម៉ាបានដោះលែងអ្នកតវ៉ាប្រឆាំងរដ្ឋប្រហារជាង ២,០០០ នាក់ពីពន្ធនាគារទូទាំងប្រទេសក្នុងខែមិថុនា។

ការលើកលែងទោសថ្មីបំផុត បានកើតឡើងស្របពេលយោធាស្ថិតនៅក្រោមសម្ពាធកាន់តែខ្លាំង ឲ្យចូលរួមជាមួយគូប្រជែងរបស់ខ្លួន បន្ទាប់ពីការដណ្តើមអំណាចបានជិតប្រាំបួនខែ៕

ប្រែសម្រួល៖ Vann Vann

ប្រភព៖ CNA

ចុចអាន៖ ទីបំផុត មីយ៉ាន់ម៉ា ដោះលែងអ្នកទោសនយោបាយ រាប់ពាន់នាក់ ក្រោយរងសម្ពាធពី អាស៊ាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ចរាចរណ៍១៦ នាទី មុន

រថយន្ត​ដឹក​កៅស៊ូ​ធ្វើ​ផ្លូវ កិន​ស្លាប់​កម្មករ​ដូចគ្នា​ជិត​មន្ទីរពេទ្យ​​បង្អែក​ខេត្ត​សៀមរាប

ព័ត៌មានជាតិ៣១ នាទី មុន

ប្រឡងបាក់ឌុបឆ្នាំនេះ អប្បមាទ​១​ នាក់ ត្រូវ​ត្រួតពិនិត្យមើលបន្ទប់​ប្រឡង ៣ បន្ទប់

ព័ត៌មានជាតិ៣៧ នាទី មុន

លោក ចម ប្រសិទ្ធ៖ UNIDO ត្រូវបានកំណត់គំនិតច្នៃប្រឌិត ការគិតគូជាយុទ្ធសាស្ត្រលើសៃវៀនតំបន់ និងអន្តរជាតិ

ព័ត៌មានជាតិ៤២ នាទី មុន

មេបញ្ជាការអាវុធហត្ថរាជធានី សម្ដែងនូវការអរគុណចំពោះឧត្តមសេនីយ៍ឯក ហ៊ុន ម៉ាណែត ដែលផ្តល់អាហារសម្រន់ដល់កម្លាំងអាវុធហត្ថ

ព័ត៌មានជាតិ៤៧ នាទី មុន

បើកវគ្គបណ្តុះបណ្តាលប្រើប្រាស់អែប ដល់មន្ត្រី៤ខេត្ត ដើម្បីតាមដានការអនុវត្តកម្មវិធីឧបត្ថម្ភសាច់ប្រាក់

Sokha Hotels

ព័ត៌មានពេញនិយម

Helistar Cambodia - Helicopter Charter Services