ដឹងអ្នកនៅពីក្រោយការចាប់ខ្លួននាយករដ្ឋមន្ត្រី ស៊ូដង់ ក្នុងរដ្ឋប្រហារ

ក្រសួងព័ត៌មានរបស់ប្រទេសស៊ូដង់នៅថ្ងៃចន្ទនេះបានបញ្ជាក់ថា “កងកម្លាំងយោធារួម” គឺជាអ្នកនៅពីក្រោយ និងបានចាប់ខ្លួនឥស្សរជនជាន់ខ្ពស់ និងរដ្ឋមន្ត្រីរបស់រដ្ឋាភិបាលនៅក្នុងការធ្វើរដ្ឋប្រហារ ។

ក្រសួងបាននិយាយនៅក្នុងសេចក្តីថ្លែងការណ៍មួយថា “សមាជិកស៊ីវិលនៃក្រុមប្រឹក្សាអធិបតេយ្យភាពអន្តរកាល និងរដ្ឋមន្ត្រីមួយចំនួនមកពីរដ្ឋាភិបាលអន្តរកាល ត្រូវបានចាប់ខ្លួនដោយកងកម្លាំងយោធារួម” ។

យោងតាមទូរទស្សន៍ Al Hadath បានឲ្យដឹងថា លោកនាយករដ្ឋមន្ត្រី Abdalla Hamdok ត្រូវបានឃុំខ្លួនក្នុងផ្ទះ បន្ទាប់ពីកងកម្លាំងយោធាមិនស្គាល់អត្តសញ្ញាណបានឡោមព័ទ្ធផ្ទះរបស់គាត់នៅព្រឹកថ្ងៃចន្ទនេះ ។

ទន្ទឹមនោះ សេវាអ៊ីនធឺណិតត្រូវបានផ្អាកនៅក្នុងរដ្ឋធានី Khartoum របស់ប្រទេសស៊ូដង់ ហើយអាកាសយានដ្ឋានក្នុងទីក្រុងត្រូវបានបិទ ហើយផ្នែកជាច្រើននៃផ្លូវដែលនាំទៅដល់រដ្ឋធានីក៏ត្រូវបានបិទផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ ប្រទេសស៊ូដង់ កំពុងផ្ទុះរដ្ឋប្រហារ