ព័ត៌មានអន្ដរជាតិ

អាមេរិក អូស្ត្រាលី អង់គ្លេស ចុះកិច្ចព្រមព្រៀងលើសម្ព័ន្ធភាពទ័ពជើងទឹកនុយក្លេអ៊ែរ

បានផុស

៥ years មុន

នៅ

ថ្ងៃចន្ទ ២២ វិច្ឆិកា ២០២១

ដោយ

នៅថ្ងៃចន្ទ ទី២២ ខែវិច្ឆិកានេះ ប្រទេសអូស្ត្រាលីបានចាប់ផ្តើមលើកម្មវិធីប្រកួតប្រជែងក្តៅគគុកមួយដើម្បីបំពាក់កងទ័ពជើងទឹករបស់ខ្លួនជាមួយនឹងនាវាចម្បាំងមុជទឹកដើរដោយថាមពលនុយក្លេអ៊ែរនៅក្នុងសម្ព័ន្ធភាពការពារជាតិថ្មីជាមួយចក្រភពអង់គ្លេស និងសហរដ្ឋអាមេរិក។

រដ្ឋមន្ត្រីក្រសួងការពារជាតិអូស្ត្រាលី លោក Peter Dutton ចូលរួមជាមួយទូតសហរដ្ឋអាមេរិក និងអូស្ត្រាលីក្នុងពិធីចុះហត្ថលេខាលើកិច្ចព្រមព្រៀងមួយ បន្ទាប់ពីព័ត៌មានរសើបអំពីនុយក្លេអ៊ែរកងទ័ពជើងទឹករវាងប្រទេសទាំងនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វាជាកិច្ចព្រមព្រៀងលើកដំបូងស្តីពីបច្ចេកវិទ្យាដែលត្រូវបានចុះហត្ថលេខាជាសាធារណៈ ចាប់តាំងពីប្រទេសទាំង៣បានប្រកាសកាលពីខែកញ្ញាអំពីការបង្កើតសម្ព័ន្ធអនុភាពការពារជាតិហៅកាត់ថា AUKUS ដែលបានក្លាយជាភាពតានតឹងយុទ្ធសាស្ត្រនៅតំបន់ប៉ាស៊ីហ្វិកដែលគូប្រជែងចិន-អាមេរិកកំពុងកើនឡើង។

លោកប្រធានាធិបតីអាមេរិក ចូ បៃដិន បាននិយាយក្នុងសេចក្តីថ្លែងការណ៍មួយកាលពីថ្ងៃសុក្រមុនពេលពិធីចុះហត្ថលេខាចាប់ផ្តើមនៅទីក្រុងកង់បេរ៉ាជាមួយធារភារីអាមេរិក Michael Goldman និងស្នងការជាន់ខ្ពស់អង់គ្លេស Victoria Treadell ថា ៖«កិច្ចព្រមព្រៀងនេះនឹងអនុញ្ញាតឲ្យកិច្ចសហប្រតិបត្តិការប្រសើរឡើងនូវឥរិយាបថការពារជាតិរបស់យើងទៅវិញទៅមក»។

កិច្ចព្រមបានធ្វើឲ្យប្រទេសចិនខឹងសម្បារដែលបានចាត់ទុកថាជាការគំរាមកំហែងគ្មានការទទួលខុសត្រូវចំពោះស្ថិរភាពក្នុងតំបន់។

ជាមួយគ្នានេះ វាក៏បានធ្វើឲ្យប្រទេសបារាំងខឹងសម្បារដែរដែលបានរកឃើញនាពេលចុងក្រោយនេះថា កិច្ចព្រមព្រៀងនាវាចម្បាំងមុជទឹករបស់ខ្លួនជាមួយអូស្ត្រាលីដែលមានតម្លៃ៦៥ប៊ីលានដុល្លារត្រូវបានបោះចោល៕

ប្រែសម្រួល៖ វីរបុត្រ
ប្រភព៖ AFP

Related Topics:សហរដ្ឋអាមេរិក