ព័ត៌មានអន្ដរជាតិ
ពិភពលោកកំពុងស្ថិតក្នុងគ្រោះថ្នាក់ ដោយសារវីរុសបំប្លែងថ្មី Omicron
យោងតាមការជូនដំណឹងពីអង្គការសុខភាពពិភពលោក បានឱ្យដឹងថា វីរុសបំប្លែងខ្លួនប្រភេទថ្មីដែលត្រូវបានគេស្គាល់ថា B.1.1.529 និងបច្ចុប្បន្នប្តូរឈ្មោះមកជា Omicron គឺជា “វីរុសបំប្លែងខ្លួនគួរឱ្យបារម្ភ” ថ្មីមួយទៀតសម្រាប់ពិភពលោក ព្រោះតែវាមានសមត្ថភាពចម្លងខ្លាំងជាង ដែលតា ទ្វេដង។
មកទល់នឹងពេលនេះ ប្រទេសអូស្ត្រាលី ថៃ សហរដ្ឋអាមេរិក ប្រេស៊ីល កាណាដា និងប្រទេសមួយចំនួនទៀតជុំវិញពិភពលោក បានដាក់កម្រិតលើការធ្វើដំណើរមកពីអាហ្វ្រិកខាងត្បូង ដែលជំងឺនេះត្រូវបានរកឃើញជាលើកដំបូង។
ក្នុងនោះប្រទេសសំខាន់ៗដែលបិទការធ្វើដំណើរចេញចូលជាអន្តរជាតិរួមមាន អាហ្រ្វិកខាងត្បូង បូតស្វាណា អេសវ៉ាធីនីឡេសូតូ ណាមីប៊ី ហ្សំប៊ី ម៉ូសំប៊ិក ម៉ាឡាវី និងហ្ស៊ីមបាវ៉េ។
ត្បិតតែវីរុសបំប្លែងខ្លួន Omicron ទើបតែរកឃើញនៅអាហ្រ្វិកខាងត្បូង អាល្លឺម៉ង់ និងបែលហ្សិក ហុងកុង និងអ៊ីស្រាអែល ក៏ពិតមែន ប៉ុន្តែអ្នកជំនាញអះអាងថា វាទំនងបានរាលដាលច្រើនជាងនេះរួចទៅហើយ។
ទន្ទឹមនឹងក្ដីព្រួយបារម្ភនូវការកើនឡើងនៃវីរុសបំប្លែងខ្លួនថ្មី អ្នកវិទ្យាសាស្ត្រកំពុងញាប់ដៃញាប់ជើងដូចគ្នាដើម្បីរកវិធីទប់ស្កាត់ការរីករាលដាល ជាពិសេសពួកគេកំពុងសិក្សាប្រសិទ្ធភាពនៃវ៉ាក់សាំងទៅលើវីរុសបំប្លែងខ្លួន Omicron និងថាគួរអភិវឌ្ឍវ៉ាក់សាំងថ្មីដែរឬយ៉ាងណា។
WHO បាននិយាយថា វាអាចចំណាយពេលច្រើនសប្តាហ៍ដើម្បីស្វែងយល់អំពីវីរុសបំប្លែងខ្លួន Omicron ខណៈអង្គការនេះព្រមានឱ្យមានការរឹតត្បិតលើការធ្វើដំណើរ ព្រោះខាងវិទ្យាសាស្ត្រមិនទាន់មានអ្វីទប់ទល់នឹងវានៅឡើយ។
ទោះជាយ៉ាងណាក៏ដោយ ក្រុមហ៊ុនផលិតវ៉ាក់សាំងធំៗសង្ឃឹមយ៉ាងមុតមាំថា ពួកគេអាចកែប្រែវ៉ាក់សាំងបច្ចុប្បន្ន ដើម្បីទប់ស្កាត់ជាមួយវីរុសបំប្លែងខ្លួន Omicron បាន។
ក្រុមហ៊ុន BioNTech របស់ប្រទេសអាល្លឺម៉ង់ និងក្រុមហ៊ុនផលិតឱសថអាមេរិក Pfizer លើកឡើងថា ក្នុងរយៈពេលពីរសប្តាហ៍ចុងក្រោយនេះ ពួកគេបានសិក្សាពីសមត្ថភាពរបស់វ៉ាក់សាំង និងកំពុងរង់ចាំលទ្ធផល ដើម្បីបញ្ជាក់ថាគួរកែតម្រូវវ៉ាក់សាំងដែរឬអត់ ខណៈក្រុមហ៊ុន Moderna និយាយថា ខ្លួននឹងបង្កើតការជំរុញជាក់លាក់មួយចំពោះវីរុសបំប្លែងខ្លួនថ្មី៕
ប្រែសម្រួល៖ សន្យា
ប្រភព៖ Bangkok Post
ចុចអាន៖ ក្រុមហ៊ុន Pfizer សុំពេល ១០០ ថ្ងៃផលិតវ៉ាក់សាំងកម្ចាត់វីរុសបំប្លែងខ្លួន Omicron
ចុចអាន៖ ថៃ ហាមប្រាមការចូលពីប្រទេសអាហ្វ្រិកចំនួន ៨ ដោយសារវីរុសបំប្លែងខ្លួន Omicron
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង