ទឹកហូរខ្លាំងហើយនៅតែបើករថយន្តឆ្លងកាត់ ទីបំផុតជួបគ្រោះស្លាប់ជាង ២០នាក់នៅ កេនយ៉ា

វីដេអូដ៏រន្ធត់ បានបង្ហាញពីរថយន្តក្រុងដឹកសមាជិកក្រុមចម្រៀង ត្រូវបានទឹកហូរនាំយកទៅ នៅក្នុងប្រទេសកេនយ៉ា ដែលបណ្តាលឲ្យមនុស្សជាង ២០ នាក់ស្លាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រថយន្តក្រុងរបស់សាលារៀន ពណ៌លឿងមួយគ្រឿង ត្រូវបានគេជួលឲ្យដឹកក្រុមចម្រៀងព្រះវិហារទៅកាន់ពិធីមង្គលការមួយកាលពីថ្ងៃសៅរ៍។

ខណៈពេលដែលមានទឹកហូរយ៉ាងខ្លាំង រថយន្តបានបើកយឺតៗឆ្លងពីផ្លូវម្ខាងទៅផ្លូវម្ខាង ស្រាប់តែរថយន្តត្រូវបានទឹកហូរនាំយកទៅតែម្តង។

អ្នកដំណើរចំនួន១០នាក់ ត្រូវបានជួយសង្គ្រោះចេញពីរថយន្តក្រុង ប៉ុន្តែជាង២០នាក់បានបាត់បង់ជីវិត។ ក្រោយ​មក ក្រុម​អ្នក​ជួយ​សង្គ្រោះ​បាន​រក​យក​សាកសព​២៣​នាក់ចេញ​ពី​ទឹក។

ឧប្បត្តិហេតុនេះ បានកើតឡើងនៅតាមបណ្តោយទន្លេ Enziu ចម្ងាយប្រហែល ១២៥ ម៉ាយល៍ភាគខាងកើតនៃរដ្ឋធានី ណៃរ៉ូប៊ី របស់ប្រទេសកេនយ៉ា៕

សូមទស្សនាវីដេអូ៖

ប្រែបម្រួល៖ Vann Vann

ប្រភព៖ Daily Mail

ចុចអាន៖ ទីក្រុង ឡុងដ៍ ត្រូវជន់លិច ដោយជំនន់ទឹកភ្លៀង (មានវីដេអូ)