អាមេរិក ប្រកាសធ្វើពហិការការទូត មិនចូលរួម អូឡាំពិករដូវរងានៅ ប៉េកាំង (មានវីដេអូ)

សហរដ្ឋអាមេរិក កាលពីថ្ងៃចន្ទទី៧ខែធ្នូ បានប្រកាសធ្វើពហិការការទូត ចំពោះព្រឹត្តិការណ៍កីឡាអូឡាំពិករដូវរងាឆ្នាំ២០២២ នៅទីក្រុងប៉េកាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីបើអត្តពលិកអាមេរិកនឹងនៅតែចូលរួមក៏ដោយ ប៉ុន្តែរដ្ឋបាលរបស់លោកប្រធានាធិបតី Joe Biden នឹងមិនបញ្ជូនតំណាងផ្លូវការណាមួយទៅព្រឹត្តិការណ៍កីឡានោះទេ ដោយសារតែចោទប្រកាន់អំពីបញ្ហាប្រល័យពូជសាសន៍ និងឧក្រិដ្ឋកម្មប្រឆាំងមនុស្សជាតិដែលកំពុងបន្តរបស់ចិននៅក្នុងតំបន់ ស៊ីនជាំង ព្រមទាំងការរំលោភសិទ្ធិមនុស្សផ្សេងទៀត។ នេះបើតាមការឲ្យដឹងពីអ្នកនាំពាក្យសេតវិមាន លោកស្រី Jen Psaki។

លោកស្រី Psaki បាន​និយាយបែបនេះ ដោយ​សំដៅ​ទៅ​លើសេចក្តី​រាយការណ៍ អំពីទង្វើរបស់ចិន លើ​ជន​មូស្លីម អ៊ុយហ្គ័រ នៅ​ក្នុង​ទឹកដី​ភាគពាយ័ព្យ​នោះ ដែល​ត្រូវ​បាន​ប្រកាស​ថា​ជា​អំពើ​ប្រល័យពូជសាសន៍​ទាំង​ដោយ​លោក Biden និង​រដ្ឋបាល​របស់​អតីត​ប្រធានាធិបតី Donald Trump។

ទោះបីជាយ៉ាងណាក៏ដោយ លោកស្រី Psaki អះអាងថា “ក្រុមអត្តពលិកអាមេរិក មានការគាំទ្រយ៉ាងពេញទំហឹងពីយើង។ យើងនឹងនៅពីក្រោយពួកគេ១០០ភាគរយ នៅពេលយើងលើកទឹកចិត្តពួកគេពីផ្ទះ។ យើងនឹងមិនរួមចំណែកដល់ភាពហ៊ឹកហ៊ាក់នៃព្រឹត្តិការណ៍នេះទេ”។

តំណាងការទូត ឬមន្ត្រីសហរដ្ឋអាមេរិក នឹងចាត់ទុកព្រឹត្តិការណ៍ទាំងនេះ ថាជាអាជីវកម្មដូចធម្មតានៅចំពោះមុខការរំលោភសិទ្ធិមនុស្សរបស់សាធារណៈរដ្ឋប្រជាមានិតចិន និងអំពើឃោរឃៅនៅក្នុងតំបន់ស៊ីនជាំង ហើយយើងមិនអាចធ្វើដូច្នេះបានឡើយ។ យើង​នឹង​បន្ត​ចាត់​វិធាន​ការ​ដើម្បី​លើក​កម្ពស់​សិទ្ធិ​មនុស្ស​នៅ​ក្នុង​ប្រទេស​ចិន ​និង​ក្រៅ​ប្រទេស៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNBC

ចុចអាន៖ ចិន កំពុងក្លាយជា គូប្រជែងមានកម្លាំងស្មើអាមេរិក ហើយផលិតក្បាលគ្រាប់នុយក្លេអ៊ែររាប់ពាន់ ត្រឹមឆ្នាំ២០៣០