ព័ត៌មានអន្ដរជាតិ
ព្យុះកំបុតត្បូងជាង៣០ កំពុងវាយប្រហារសម្លាប់មនុស្ស និងបង្កមហន្តរាយធំធេងនៅ អាមេរិក (មានវីដេអូ)
ខ្យល់ព្យុះកំបុតត្បូងកំពុងបំផ្លិចបំផ្លាញ ទូទាំងភាគកណ្តាល និងខាងត្បូងសហរដ្ឋអាមេរិក ដោយបានកម្ទេចអគារ និងឆក់យកជីវិតមនុស្ស ខណៈក្រុមមន្ត្រីបារម្ភថា ចំនួនអ្នកស្លាប់អាចកើនលើស៨០នាក់។
គ្រាន់តែនៅក្នុងរដ្ឋ Kentucky តែមួយ អភិបាលរដ្ឋបាននិយាយថា មនុស្សជាង៧០នាក់ អាចស្លាប់បន្ទាប់ពីយប់ដ៏មហន្តរាយបំផុតមួយនៅក្នុងប្រវត្តិសាស្ត្ររដ្ឋ Kentucky។
ក្នុងចំណោមការខូចខាតធំៗបំផុត ខ្យល់ព្យុះកំបុតត្បូង បានកម្ទេចរោងចក្រទៀននៅរដ្ឋ Kentucky, ឃ្លាំង Amazon នៅរដ្ឋ Illinois និងមណ្ឌលថែទាំនៅរដ្ឋ Arkansas ដោយបានសម្លាប់មនុស្សនៅក្នុងសហគមន៍នីមួយៗ។
ព្យុះកំបុតត្បូងជាង៣០ ត្រូវបានរាយការណ៍នៅក្នុងរដ្ឋយ៉ាងហោចណាស់ប្រាំមួយ រួមទាំង Missouri, Tennessee និង Mississippi ផងដែរ។
លោក Andy Beshear អភិបាលរដ្ឋ Kentucky បាននិយាយកាលពីល្ងាចថ្ងៃសៅរ៍ថា “ខ្ញុំប្រាកដណាស់ថាចំនួនអ្នកស្លាប់នៅរដ្ឋ Kentucky គឺជិត១០០នាក់។ កម្រិតនៃការបំផ្លិចបំផ្លាញគឺមិនដូចអ្វីដែលខ្ញុំធ្លាប់ឃើញនោះទេ”។
កន្លែងមួយដែលរងការបំផ្លិចបំផ្លាញបំផុតគឺទីក្រុង Mayfield ភាគនិរតីរដ្ឋ Kentucky ជាកន្លែងដែលខ្យល់ព្យុះកំបុតត្បូងបានវាយប្រហាររោងចក្រផលិតទៀន Mayfield Consumer Products កាលពីយប់ថ្ងៃសុក្រ ខណៈពេលដែលមនុស្សកំពុងធ្វើការ។ លោក Beshear និយាយថាមនុស្សប្រហែល១១០នាក់ជាប់នៅខាងក្នុង ហើយរាប់សិបនាក់ត្រូវបានគេភ័យខ្លាចថា ស្លាប់នៅទីនោះ។
ទោះបីជាយ៉ាងណាក៏ដោយ ចំនួនអ្នកស្លាប់ជាផ្លូវការនៅរដ្ឋ Kentucky មិនត្រូវបានបញ្ចេញទេ។ ទន្ទឹមនោះ ការស្លាប់ត្រូវបានរាយការណ៍នៅក្នុងរដ្ឋ Arkansas ២នាក់, Tennessee ៤នាក់, Illinois ៦នាក់និង Missouri ២នាក់៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ CNN
ចុចអាន៖ អាមេរិកជួបព្យុះកំបុតត្បូងដ៏មហន្តរាយ ស្លាប់យ៉ាងតិចក៏ ១០០នាក់ដែរ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង