ព័ត៌មានអន្ដរជាតិ
អាមេរិក មានអ្នកស្លាប់ទី១ ដោយសារ អូមីក្រុង (មានវីដេអូ)
សហរដ្ឋអាមេរិក បានកត់ត្រាការស្លាប់លើកដំបូងដោយសារវីរុសបំប្លែងខ្លួន អូមីក្រុង ដោយជនរងគ្រោះគឺជាបុរសនៅរដ្ឋតិចសាស់ មានវ័យ៥០ឆ្នាំ ដែលមិនបានចាក់វ៉ាក់សាំង និងធ្លាប់ឆ្លងកូវីដពីមុន។
ព័ត៌មាននេះ ត្រូវបានប្រកាសដោយចៅក្រមតំបន់ Harris លោកស្រី Lina Hidalgo កាលពីយប់ថ្ងៃចន្ទ ចំពេលដែលមជ្ឈមណ្ឌលគ្រប់គ្រងជំងឺ (CDC) បានបញ្ជាក់ថា ឥឡូវនេះ អូមីក្រុង គឺជាវីរុសកូវីដ១៩បំប្លែងខ្លួនដ៏លេចធ្លោ នៅក្នុងសហរដ្ឋអាមេរិក ពោលគឺរួមចំណែក ៧៣ ភាគរយនៃករណីថ្មីទាំងអស់។
ទោះបីជាយ៉ាងណាក៏ដោយ លោកស្រី Hidalgo មិនបានបញ្ចេញឈ្មោះជនរងគ្រោះឡើយ គ្រាន់តែប្រាប់ថា អ្នកស្លាប់មានសុខភាពទ្រុឌទ្រោម និងជាអ្នកដែលត្រូវបានព្យាបាលដោយអង់ទីគ័រ Regeneron ប៉ុន្តែមិនបានជោគជ័យក្នុងការជួយសង្គ្រោះជីវិតរបស់គាត់ទេ។
ទន្ទឹមនោះ នាយកដ្ឋានសុខភាពតំបន់ Harris បាននិយាយថា ការស្លាប់របស់គាត់ បានបង្ហាញពីសារៈសំខាន់នៃការចាក់វ៉ាក់សាំង បើទោះបីជាអ្នកធ្លាប់ឆ្លងកូវីដម្តងរួចហើយក៏ដោយ។
លោកស្រីបានបង្កើនកម្រិតនៃការគំរាមកំហែងកូវីដពី ពណ៌លឿងទៅពណ៌ទឹកក្រូច ដែលនេះមានន័យថា អ្នកមិនបានទទួលថ្នាំបង្ការ ចាំបាច់ត្រូវចៀសវាងការជួបជុំទ្រង់ទ្រាយធំ។ អ្នកចាក់វ៉ាក់សាំងហើយ ក៏ត្រូវបានស្នើឲ្យរក្សាការប្រុងប្រយ័ត្ន និងពាក់ម៉ាសផងដែរ។
វីរុសបំប្លែងខ្លួន ដែលតា ឥឡូវនេះ ជាមធ្យមមានត្រឹមតែ២៦ភាគរយប៉ុណ្ណោះនៃការឆ្លងថ្មី បន្ទាប់ពីបានរីករាលដាលពាសពេញសហរដ្ឋអាមេរិក ពេញមួយរដូវក្តៅ។
គិតត្រឹមយប់ថ្ងៃចន្ទ តួរលេខរបស់សាកលវិទ្យាល័យ Johns Hopkins បានបង្ហាញថា សហរដ្ឋអាមេរិកបានកត់ត្រាការឆ្លងមេរោគកូវីដ១៩ជិត ៥១.១ លាននាក់ និងមានអ្នកស្លាប់ជិត ៨០៨,០០០នាក់៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Mail
ចុចអាន៖ ដោយសារតែ តេស្តម៉ាស៊ីនធំរក អូមីក្រុង មិនឃើញ ទើបថៃ មានអ្នកឆ្លងក្នុងសហគមន៍
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ