ព័ត៌មានអន្ដរជាតិ
លោក Biden ជ្រើសរើសឧត្តមសេនីយ៍ចូលនិវត្តន៍ម្នាក់ធ្វើជារដ្ឋមន្ត្រីការពារជាតិ
ប្រធានាធិបតីជាប់ឆ្នោតលោក Joe Biden បានជ្រើសរើសឧត្តមសេនីយ៍ចូលនិវត្តន៍ Lloyd Austin ដែលត្រួតត្រាកងទ័ពអាមេរិកនៅមជ្ឈឹមបូព៌ាក្រោមការដឹកនាំរបស់ប្រធានាធិបតី Barack Obama ធ្វើជារដ្ឋមន្រ្តីការពារជាតិរបស់គាត់ ។ នេះបើយោងតាមប្រភពចំនួនពីរដែលដឹងពីការសម្រេចចិត្តនេះកាលពីថ្ងៃចន្ទ ។
លោក Austin ដែលនឹងក្លាយជារដ្ឋមន្ត្រីក្រសួងការពារជាតិអាមេរិកស្បែកខ្មៅដំបូងបង្អស់បានចូលនិវត្តន៍នៅឆ្នាំ ២០១៦ ហើយនឹងត្រូវការការលើកលែងពីសភា ចាប់តាំងពីការចូលនិវត្តន៍របស់លោកតិចជាងរយៈពេលដែលត្រូវការពោលតិចជាង ៧ ឆ្នាំចាប់តាំងពីគាត់បានបម្រើការងារ ។
ទន្ទឹមនោះគាត់នឹងក្លាយជាប្រធានមន្ទីរបញ្ចកោណទី ២ ក្នុងរយៈពេល ៤ ឆ្នាំដែលត្រូវការការលើកលែង បន្ទាប់ពីប្រធានាធិបតី Donald Trump បានជ្រើសរើសលោក James Mattis ដែលជាឧត្តមសេនីយ៍ទ័ពជើងទឹកចូលនិវត្តន៍ធ្វើជារដ្ឋមន្រ្តីការពារជាតិដំបូងរបស់លោក ។
ការតែងតាំងលោក Austin ដែលដឹកនាំមេបញ្ជាការកណ្តាលសហរដ្ឋអាមេរិកក្រោមការដឹកនាំរបស់លោក Obama អាចនឹងទទួលបានផលប្រយោជន៍មួយចំនួនពីការផ្ដល់តួនាទីរបស់លោកក្នុងការចូលនិវត្តន៍នៅក្រុមប្រឹក្សាភិបាលនៃក្រុមហ៊ុនមួយចំនួនរួមទាំងក្រុមហ៊ុនផលិតអាវុធ Raytheon Technologies ជាដើម ។
បន្ថែមពីនេះលោក Joe Biden បាននិយាយថា ការតែងតាំងលោក Austin គឺជាជម្រើសដែលមានសុវត្ថិភាពបំផុតសម្រាប់ការងារបើប្រៀបធៀបទៅនឹងលោក Jeh Johnson ដែលធ្លាប់បម្រើការជាលេខាធិការសន្តិសុខមាតុភូមិពីឆ្នាំ ២០១៣ ដល់ឆ្នាំ ២០១៧ និងលោកស្រី Michele Flournoy ដែលជាទីប្រឹក្សាគោលនយោបាយការពារជាតិដែលជាអ្នកប្រជែងគ្នាសម្រាប់មុខតំណែងនេះ ។
គួរបញ្ជាក់ថា ប្រធានាធិបតីជាប់ឆ្នោតសហរដ្ឋអាមេរិកលោក Joe Biden នឹងឡើងកាន់តំណែងជាប្រធានាធិបតីនៅថ្ងៃទី ២០ ខែមករា ឆ្នាំ ២០២១ ៕
ប្រែសម្រួលដោយ ៖ ជីវ័ន្ត
ប្រភព ៖ REUTERS
ចុចអាន ៖ សហរដ្ឋអាមេរិកព្រមានថា បុណ្យណូអែលគឺជាបញ្ហាប្រឈមដ៏ធំនៃការចម្លងជំងឺកូវីដ ១៩
ចុចអាន ៖ អាមេរិកបង្ហាញយន្តហោះដ្រូនធ្ងន់បំផុតលើលោក បំពាក់ដោយផ្កាយរណបតូចៗ
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១១ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ