ទិន្នន័យប្រមូលទូទាំងពិភពលោកបង្ហាញឥទ្ធិពល រវាង អូមីក្រុង និង ដែលតា

ទិន្នន័យដែលប្រមូលបានទូទាំងពិភពលោកស្តីពីវីរុសកូវីដ១៩បំប្លែងខ្លួនប្រភេទ អូមីក្រុង គិតត្រឹមថ្ងៃទី២៣ខែធ្នូបានបង្ហាញថា វីរុសនេះ មិនធ្ងន់ធ្ងរជាងវីរុសបំប្លែងខ្លួន ដែលតា នោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លេខាធិការអចិន្ត្រៃយ៍ផ្នែកសុខភាពសាធារណៈប្រទេសថៃ លោកវេជ្ជបណ្ឌិត Kiattiphum Wongrajit បាននិយាយនៅថ្ងៃព្រហស្បតិ៍ទី២៣ខែធ្នូនេះថា “វីរុសបំប្លែងខ្លួន អូមីក្រុង អាចចម្លងលឿនជាង ដែលតា ប៉ុន្តែអ្នកជំងឺ អូមីក្រុង ដែលវិវត្តទៅជារោគសញ្ញាធ្ងន់ធ្ងរឬបានស្លាប់ មានតិចជាង ដែលតា”។

ជាឧទាហរណ៍ ប្រទេសអង់គ្លេស ដែលបានរាយការណ៍ករណី អូមីក្រុង ច្រើនជាង១០,០០០ករណី គឺមានអ្នកស្លាប់ត្រឹមតែ១២នាក់ ឬស្មើនឹង ០,១២ ភាគរយប៉ុណ្ណោះ។

សាកលវិទ្យាល័យ Imperial College London កាលពីដើមសប្តាហ៍នេះ បានបញ្ចេញការសិក្សាមួយដែលរកឃើញថា អ្នកឆ្លង អូមីក្រុង នៅក្នុងប្រទេសអង់គ្លេស ទំនងជាត្រូវបញ្ជូនទៅកាន់បន្ទប់សង្គ្រោះបន្ទាន់ជាមួយរោគសញ្ញាធ្ងន់ធ្ងរតិចជាង ១៥ទៅ២០% ហើយចូលមន្ទីរពេទ្យតិចជាង ៤០%បើប្រៀបធៀបជាមួយអ្នកឆ្លង ដែលតា៕

ប្រែសម្រួល៖ Vann Vann

ប្រភព៖ Nation

ចុចអាន៖ អ្នកជំនាញថៃ ព្រមានថា អូមីក្រុង នឹងរាលដាលពេញប្រទេស