ចិន ​អាច​បិទព្រំដែន​ទាំងអស់ពេញមួយ​ឆ្នាំ ​២០២២ នេះ

ប្រទេសចិនអាចរក្សាការរឹតបន្តឹងព្រំដែនរបស់ខ្លួនពេញមួយឆ្នាំ ខណៈដែលត្រៀមរៀបចំធ្វើជាម្ចាស់ផ្ទះកីឡាអូឡាំពិករដូវរងា និងព្រឹត្តិការណ៍នយោបាយជាបន្តបន្ទាប់នៅឆ្នាំ ២០២២ នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចិនគឺជាប្រទេសមួយក្នុងចំណោមប្រទេសមួយចំនួននៅលើពិភពលោកដែលនៅតែប្តេជ្ញាចិត្តចំពោះវិធីសាស្រ្តសូន្យកូវីដ ខណៈពេលដែលប្រទេសជាច្រើនផ្សេងទៀតបានផ្លាស់ប្តូរឆ្ពោះទៅរកការរស់នៅជាមួយវីរុស ។

វិធានការតឹងរ៉ឹងដើម្បីទប់ស្កាត់ការផ្ទុះឡើងវីរុស ដូចជាការបិទខ្ទប់ដ៏លំបាកនៅក្នុងទីក្រុង Xi’an នាពេលបច្ចុប្បន្ននេះ បាននាំឲ្យមានការរំខានដល់ផលិតកម្ម និងការធ្វើដំណើរ ដោយបន្ថែមសម្ពាធលើសេដ្ឋកិច្ចដែលបានធ្លាក់ចុះរួចទៅហើយ ។

ចំណែកតម្រូវការធ្វើចត្តាឡីស័កលើអ្នកដំណើរដែលមកដល់ពីបរទេសអាចត្រូវបានដាក់ ដើម្បីចៀសវាងការរំខានដ៏ធំចំពោះកីឡាអូឡាំពិករដូវរងាដែលនឹងចាប់ផ្តើមនៅខែក្រោយ កិច្ចប្រជុំប្រចាំឆ្នាំនៃសភាជាតិនៅខែមីនា និងសមាជបក្សកុម្មុយនិស្តលើកទី ២០ នៅត្រីមាសទី ៤ ។

ទន្ទឹមនោះអ្នកវិភាគបាននិយាយថា ជាមួយនឹងជំងឺកូវីដ ១៩ ទំនងជារីករាលដាលនៅខាងក្រៅប្រទេសចិន ហើយជាមួយនឹងសមាជបក្សខិតជិតមកដល់ក្នុងត្រីមាសចុងក្រោយនេះ យើងសង្ស័យអ្នកបង្កើតគោលនយោបាយនឹងលុបចោលការដាក់ឲ្យធ្វើចត្តាឡីស័កពេលនោះ ហើយការរឹតបន្តឹងព្រំដែនអាចបន្តនៅដដែលរហូតដល់ឆ្នាំ ២០២៣ ក៏ថាបាន ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ បិទ វៀតណាម តែ ចិន បើកច្រកព្រំដែនឲ្យ ថៃ ដឹកផលិតផលចូល