Connect with us

ព័ត៌មានអន្ដរជាតិ

បិទ វៀតណាម តែ ចិន បើកច្រកព្រំដែនឲ្យ ថៃ ដឹកផលិតផលចូល

បានផុស

នៅ

អ្នកនាំពាក្យរងរដ្ឋាភិបាលលោកស្រី Rachada Dhnadirek បាននិយាយកាលពីថ្ងៃអាទិត្យថា ប្រទេសចិននឹងអនុញ្ញាតឲ្យដឹកជញ្ជូនផ្លែឈើថៃតាមផ្លូវរថភ្លើងតាមរយៈច្រកព្រំដែន Ping Xiang ក្នុងតំបន់ស្វយ័ត Guangxi Zhuang ចាប់ផ្តើមពីថ្ងៃអង្គារ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីបាននិយាយថា បន្ទាប់ពីប្រទេសចិនសម្រេចបិទច្រកត្រួតពិនិត្យ Donxing ដែលស្ថិតនៅជាប់ព្រំដែនវៀតណាមដើម្បីការពារការរីករាលដាលនៃជំងឺកូវីដ ១៩ ពីផលិតផលកសិកម្មនាំចូលមក រដ្ឋមន្ត្រីកសិកម្ម និងសហករណ៍លោក Chalermchai Sri-on បានស្វែងរកការណែនាំពីឯកអគ្គរដ្ឋទូតចិនប្រចាំប្រទេសថៃលោក Han Zhiqiang អំពីរបៀប​ដើម្បី​ដោះស្រាយ​បញ្ហា​ទាំងនេះ ​។

លោកស្រីបញ្ជាក់ថា ទីបំផុតកិច្ចខិតខំប្រឹងប្រែងនេះបានសម្រេចជាមួយអាជ្ញាធរចិនដែលបញ្ជាក់ថា ច្រកព្រំដែន Ping Xiang នឹងបើកម្តងទៀតសម្រាប់ផ្លែឈើថៃដែលមកដល់តាមរថភ្លើងចាប់ពីថ្ងៃស្អែក ។

ការ​បិទ​ច្រក​ទ្វារ​ Donxing ​បាន​បណ្តាល​ឲ្យ​មាន​ការ​នាំ​ចេញ​ទុរេន និង​ផ្លែមៀនយ៉ាង​ច្រើន​សន្ធឹក​សន្ធាប់​ជាប់​ព្រំដែន ។ លោកស្រី Rachada បាននិយាយថា អាជ្ញាធរចិននឹងរៀបចំឯកសារនាំចូលចាំបាច់ដើម្បីឲ្យផ្លែឈើទាំងនេះអាចចូលមកតាមច្រក Ping Xiang ជំនួសវិញ ។

អ្នកនាំពាក្យរូបនេះបានស្នើសុំឲ្យមានការសហការពីភាគីពាក់ព័ន្ធទាំងអស់ រួមទាំងអ្នកបើកបរផងដែរ ដើម្បីធានាថា ផលិតផលរបស់ពួកគេមិនមានការចម្លងមេរោគកូវីដ ។

លោកស្រីបាននិយាយថា ប្រទេសចិននឹងមិនស្ទាក់ស្ទើរក្នុងការបិទប៉ុស្តិ៍ត្រួតពិនិត្យផ្លែឈើថៃនោះទេ  ប្រសិនបើការដឹកជញ្ជូនត្រូវបានរកឃើញថាមានផ្ទុកមេរោគកូវីដ ។

យោងតាមក្រសួងកសិកម្ម និងសហករណ៍បានឲ្យដឹងថា ផ្លែឈើថៃចំនួន ២ លានតោនដែលមានតម្លៃ ១៤៨ ពាន់លានបាតត្រូវបាននាំចេញទៅកាន់ប្រទេសចិន ក្នុងអំឡុងខែមករាដល់ខែតុលាឆ្នាំមុន ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ វៀតណាម ជំរុញឲ្យចិន បើកព្រំដែនជាបន្ទាន់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម