ព័ត៌មានអន្ដរជាតិ
លោក បៃដិន អំពាវនាវឲ្យ លោក ត្រាំ ទទួលខុសត្រូវម្នាក់ឯងលើការវាយប្រហារ៦មករា
ប្រធានាធិបតីសហរដ្ឋអាមេរិក លោក ចូ បៃដិន នឹងប្រាប់ពលរដ្ឋអាមេរិកថា អតីតប្រធានាធិបតី ដូណាល់ ត្រាំ ត្រូវទទួលខុសត្រូវម្នាក់ឯងសម្រាប់ការវាយប្រហារបណ្តាលឲ្យមនុស្សស្លាប់ថ្ងៃទី៦ ខែមករា កាលពីឆ្នាំមុននៅវិមាន Capitol ដែលថ្ងៃព្រហស្បតិ៍នេះជាពេលគំរប់ខួបមួយឆ្នាំ។
លោក ចូ បៃដិន និងអនុប្រធានាធិបតីលោកស្រី Kamala Harris ដែលជាសមាជិកគណបក្សប្រជាធិបតេយ្យនឹងនិយាយនៅថ្ងៃព្រហស្បតិ៍នេះនៅវិមាន Capitol ដែលជាពេលវេលាខួបមួយឆ្នាំ បន្ទាប់ពីក្រុមអ្នកគាំទ្រលោក ត្រាំ បានតវ៉ាវាយប្រហាររហូតទប់ស្កាត់លែងបានជុំវិញជ័យជម្នះក្នុងការបោះឆ្នោតរបស់លោក បៃដិន។
លោក បៃដិន និងជំនួយការកំពូលរបស់លោកស្ទាក់ស្ទើរក្នុងការនិយាយដោយផ្ទាល់អំពីលោក ត្រាំ ចាប់តាំងពីលោកបានចូលកាន់តំណែងកាលពីខែមករា ឆ្នាំមុន បើទោះជាអតីតប្រធានាធិបតីបន្តផ្សព្វផ្សាយរឿងភូតកុហកអំពីការចាញ់ឆ្នោត ហើយគណបក្សប្រជាធិបតេយ្យ អ្នកប្រវត្តិសាស្ត្រ និងសកម្មជនសិទ្ធិស៊ីវិលកើនឡើងនូវការព្រួយបារម្ភអំពីអនាគតលទ្ធិប្រជាធិបតេយ្យដែលមានអាយុកាល២៥០ឆ្នាំហើយ។
សុន្ទរកថានៅថ្ងៃព្រហស្បតិ៍នេះនឹងធ្វើឡើង បន្ទាប់ពីលោក បៃដិន ចំណាយពេលជាច្រើនខែជំរុញពលរដ្ឋអាមេរិកឲ្យរួមដៃគ្នាកម្ចាត់កូវីដ-១៩ និងកសាងជាថ្មី បន្ទាប់ពីគ្រោះមហន្តរាយអាកាសធាតុ។
រដ្ឋមន្ត្រីទទួលបន្ទុកសារព័ត៌មានរបស់សេតវិមាន លោកស្រី Jen Psaki បានឲ្យដឹងថា នៅថ្ងៃព្រហស្បតិ៍ លោក បៃដិន នឹងគូបញ្ជាក់ពីសារៈសំខាន់នៃអ្វីដែលបានកើតឡើងនៅវិមាន Capitol និងការទទួលខុសត្រូវតែមួយគត់របស់លោក ត្រាំ ចំពោះភាពវឹកវរ និងចេះតែបន្តផ្សព្វផ្សាយរឿងកុហករបស់អតីតប្រធានាធិបតីដែលធ្វើឲ្យពលរដ្ឋអាមេរិកយល់ច្រឡំ។
មនុស្ស៤នាក់បានស្លាប់នៅថ្ងៃកូដកម្មនោះ និងមន្ត្រីប៉ូលិស Capitol ម្នាក់បានស្លាប់។ ជាមួយគ្នានោះ ប៉ូលិសជាច្រើននាក់បានរបួសកំឡុងពេលក្រុមអ្នកគាំទ្រលោក ត្រាំ ធ្វើការតវ៉ារហូតក្លាយជាហិង្សាជាច្រើនម៉ោង៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល