Connect with us

ព័ត៌មានអន្ដរជាតិ

កម្តៅ​​មិន​ថយ​ អាមេរិក​​បញ្ជា​​ឲ្យសមាជិក​គ្រួសារ​ទូត​ខ្លួន​ចាកចេញ​ពី​អ៊ុយក្រែន

បានផុស

នៅ

នៅ​ថ្ងៃ​អាទិត្យ ទី​២៣ ខែ​មករា សហរដ្ឋ​អាមេរិក​បាន​និយាយ​ថា ខ្លួន​បាន​កំពុង​បញ្ជា​ឲ្យ​សមាជិក​គ្រួសារដែល​មាន​សិទ្ធិ​​​នៃ​បុគ្គលិក​ពី​ស្ថានទូត​របស់​ខ្លួន​​ចាក​ចេញ​ពី​ប្រទេស​អ៊ុយក្រែន​ និង​ថា ពលរដ្ឋ​ទាំង​អស់​គួរ​ពិចារណា​ចាក​ចេញ​ ដោយ​សារ​ការ​គំរាម​កំហែង​​​​វាយ​ប្រហារ​របស់​រុស្ស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រី​ទូត​កំពូល​សហរដ្ឋ​អាមេរិក និង​រុស្ស៊ី​​ទើប​តែ​បាន​ជួប​ពិភាក្សា​គ្នា​​កាល​ពី​ថ្ងៃ​សុក្រ​កន្លង​ទៅ​នេះ ប៉ុន្តែ​មិន​ទទួល​បាន​លទ្ធផល​ដំណោះ​ស្រាយ​អ្វី​ឡើយ​​ដោយ​គ្រាន់​តែ​យល់​ព្រម​បន្ត​កិច្ច​ពិភាក្សា​ទៀតជុំ​វិញ​ការ​ដាក់​ពង្រាយ​កង​ទ័ព​រាប់​ម៉ឺន​នាក់​របស់​រុស្ស៊ី​នៅ​ព្រំ​ដែន​ជា​មួយ​អ៊ុយក្រែន។

កាល​ពី​ថ្ងៃ​អាទិត្យ ចក្រភព​អង់គ្លេស​បាន​ចោទ​ប្រកាន់​រដ្ឋាភិបាល​វិមាន​ក្រឹម​ឡាំង​កំពុង​​ស្វែងដំឡើង​មេ​ដឹក​នាំ​​ដែល​គាំទ្រ​រុស្ស៊ី​នៅ​ទី​ក្រុង​ Kyiv។

ក្រសួង​ការបរទេស​អាមេរិក​បាន​និយាយ​ថា ខ្លួន​​កំពុង​​អនុញ្ញាត​ឲ្យ​បុគ្គលិក​​ដែល​សហរដ្ឋ​អាមេរិក​ជួល​ស្ម័គ្រ​ចិត្ត​ចាក​ចេញ និង​បញ្ជា​ឲ្យ​សមាជិក​គ្រួសារ​មាន​សិទ្ធិ​ពី​ស្ថានទូត​អាមេរិក​នៅ​ទី​ក្រុង Kyiv ចាក​ចេញ​ពី​ប្រទេស​អ៊ុយក្រែន​ដោយ​សារ​ការ​គំរាម​កំហែង​ផ្នែក​យោធា​របស់​រុស្ស៊ី​នៅ​តែ​បន្ត។

ក្រសួង​បាន​និយាយ​ថា ៖«ពលរដ្ឋ​អាមេរិក​នៅ​អ៊ុយក្រែន​​គួរពិចារណា​ចាក​ចេញ​ឥឡូវ​នេះ​ដោយ​ប្រើ​ជម្រើស​ពាណិជ្ជកម្ម ឬ​ដឹក​ជញ្ជូន​ឯកជន​ផ្សេង​ទៀត​ដែល​អាច​ទៅ​រួច»៕

ប្រែ​សម្រួល៖ វីរបុត្រ
ប្រភព៖ reuters

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម