ព័ត៌មានអន្ដរជាតិ

រុស្ស៊ី ព្រមាន អង់គ្លេស បញ្ឈប់ការញុះញង់វោហាសាស្ត្រល្ងង់ខ្លៅទាក់ទង រដ្ឋប្រហារនៅ អ៊ុយក្រែន

បានផុស

៤ years មុន

នៅ

ថ្ងៃចន្ទ ២៤ មករា ២០២២

ដោយ

ស្ថានទូតរុស្ស៊ីនៅទីក្រុងឡុងដ៍បានព្រមានកាលពីថ្ងៃអាទិត្យថា ចក្រភពអង់គ្លេសគួរតែបញ្ឈប់ការញុះញង់វោហាសាស្ត្រ “ល្ងង់ខ្លៅ និងគ្រោះថ្នាក់” របស់ខ្លួនទាក់ទងនឹងវិបត្តិអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីថ្លែងការណ៍របស់ស្ថានទូតបានប្រកាសថា “ឥឡូវនេះអង់គ្លេសកំពុងដើរតួនាទីក្នុងការញុះញង់ឥតឈប់ឈរប្រឆាំងនឹងរុស្ស៊ី ក៏ដូចជាគ្រោះថ្នាក់ទាក់ទងនឹងរដ្ឋប្រហារនៅអ៊ុយក្រែន” ។

សេចក្តីថ្លែងការណ៍នេះធ្វើឡើងដើម្បីឆ្លើយតបនឹងការចោទប្រកាន់របស់ទីក្រុងឡុងដ៍ដែលថា រុស្ស៊ីគ្រោងនឹងដំឡើងរដ្ឋាភិបាលអាយ៉ងនៅក្រុងគៀវ ។

ទន្ទឹមនោះ ចក្រភពអង់គ្លេសថែមទាំងបានតែងតាំងអតីតសមាជិកសភាអ៊ុយក្រែនលោក Yevhen Murayev ជាបេក្ខជនដ៏មានសក្តានុពល ទោះបីជាលោកត្រូវបានដាក់ទណ្ឌកម្មដោយទីក្រុងម៉ូស្គូក្នុងឆ្នាំ ២០១៨ ក៏ដោយ ។

ស្របពេលជាមួយគ្នានេះ អ្នកការទូតរុស្ស៊ីក៏បានស្តីបន្ទោសរដ្ឋមន្ត្រីការបរទេសលោកស្រី Liz Truss ដែលបាននិយាយថា អ៊ុយក្រែនបានប្រយុទ្ធប្រឆាំងនឹងការឈ្លានពានជាច្រើនពីតំបន់ Mongols ដល់ក្រុមភាគតិច Tatars” ។