ថតជាប់ យន្តហោះចម្បាំងបំបាំងកាយអាមេរិក តម្លៃ១០០លានដុល្លារ ធ្លាក់នៅ សមុទ្រចិនខាងត្បូង

វីដេអូ និងរូបថត ដែលថតនៅលើនាវា USS Carl Vinson បានចាប់ជាប់ពេលវេលា ដែលយន្តហោះចម្បាំងបំបាំងកាយតម្លៃ១០០លានដុល្លារធុន F-35 របស់កងទ័ពជើងទឹកអាមេរិក ធ្លាក់ចូលទៅក្នុងសមុទ្រចិនខាងត្បូងកាលពីថ្ងៃចន្ទសប្តាហ៍មុន បន្ទាប់ពីជួបឧប្បត្តិហេតុពេលចុះចត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូលេចធ្លាយ ដែលត្រូវបានចែករំលែកនៅលើប្រព័ន្ធផ្សព្វផ្សាយសង្គម ហើយត្រូវបានគេបញ្ជាក់ថា ថតនៅលើនាវាដឹកកងទ័ពជើងទឹក បានបង្ហាញពីយន្តហោះដែលកំពុងខិតជិតនាវា ខណៈគេមើលឃើញផ្សែងហុយ និងឮសំឡេងម៉ាស៊ីនខ្លាំងៗ។

អ្នកបើកយន្តហោះ បានរំដោះខ្លួនចេញ ក្នុងអំឡុងពេលធ្លាក់ ហើយត្រូវបានគេរាយការណ៍ថារងរបួស ដូចនាវិកប្រាំមួយនាក់នៅលើនាវា Vinson ដែរ។

បន្ទាប់មក យន្តហោះចម្បាំងបានលិចចូលទៅក្នុងសមុទ្រ ដែលធ្វើឲ្យនេះគឺជាលើកទីពីរហើយ ក្នុងរយៈពេលបីខែដែលយន្តហោះធុន F-35 ជួបគ្រោះថ្នាក់នៅក្នុងសមុទ្រ។

លោកអនុសេនីយ៍ត្រី Nicholas Lingo អ្នកនាំពាក្យកងនាវាចរទី៧ របស់កងទ័ពជើងទឹកអាមេរិក បានប្រាប់ DailyMail.com ថា វីដេអូ និងរូបភាពនៃការធ្លាក់យន្តហោះនេះគឺពិតប្រាកដ ហើយឧប្បត្តិហេតុកំពុងស្ថិតក្រោមការស៊ើបអង្កេតនៅឡើយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ យន្តហោះចម្បាំងអាមេរិក ជួបឧប្បត្តិហេតុក្នុង សមុទ្រចិនខាងត្បូង