ព័ត៌មានអន្ដរជាតិ
ប្រទេស អាស៊ាន ចំនួន ៥ រួមទាំង កម្ពុជា ប្រើផ្លូវដែក ឡាវ-ចិន ដឹកជញ្ជូនទំនិញទាំងទៅ និងមកពី ចិន
កាសែត Vientiane Times បានរាយការណ៍ថា អាជីវកម្មនៅក្នុងប្រទេសថៃ ឡាវ វៀតណាម កម្ពុជា និងមីយ៉ាន់ម៉ា ឥឡូវនេះកំពុងប្រើប្រាស់ផ្លូវដែក ឡាវ-ចិន ដើម្បីដឹកជញ្ជូនទំនិញទាំងទៅ និងមកពីប្រទេសចិន ។
អនុប្រធានសភាឧស្សាហកម្ម និងពាណិជ្ជកម្មជាតិឡាវលោក លោក Daovone Phachanthavong បានប្រាប់ប្រព័ន្ធផ្សព្វផ្សាយថា ទំនិញកំពុងត្រូវបានដឹកជញ្ជូនរវាងប្រជាជាតិអាស៊ាន និងប្រទេសចិន ។
លោក Daovone បាននិយាយថា “អាជីវកម្មក្នុងប្រទេសឡាវ វៀតណាម ថៃ កម្ពុជា និងមីយ៉ាន់ម៉ាកំពុងធ្វើពាណិជ្ជកម្មជាមួយប្រទេសចិនដោយប្រើផ្លូវដែកកាន់តែខ្លាំងឡើងៗ” ។
ចំណែកលោក Xu Jiefeng តំណាងក្រុមហ៊ុនផ្លូវដែកបាននិយាយថា “ប្រភេទទំនិញកាន់តែច្រើនឡើងកំពុងត្រូវបានដឹកជញ្ជូនតាមផ្លូវរថភ្លើង ចាប់ពីផលិតផលចំណីអាហារ និងជី រហូតដល់ឧបករណ៍ទំនាក់ទំនង បន្ទះស្រូបពន្លឺព្រះអាទិត្យ ក៏ដូចជាប្រព័ន្ធយានយន្ត គ្រឿងបន្លាស់ និងវាយនភណ្ឌជាដើម ខណៈបរិមាណដ៏ច្រើននៃផ្លែឈើ អង្ករ ស្រាបៀរ និងអាហារផ្សេងទៀតក៏កំពុងត្រូវបានចែកចាយតាមរថភ្លើងផងដែរ” ។
ទន្ទឹមនោះសារព័ត៌មានឡាវ KPL ក៏បានរាយការណ៍ដែរថា ចាប់តាំងពីការបើកដំណើរការជាផ្លូវការកាលពីខែធ្នូ ឆ្នាំ ២០២១ មក ផ្លូវដែកឡាវ-ចិនបានដឹកជញ្ជូនទំនិញចំនួន ៥០០,០០០ តោន និងអ្នកដំណើរជាង ១ លាននាក់ ។
បើយោងតាមក្រុមហ៊ុន China Railway Kunming Group បានឲ្យដឹងថា បច្ចុប្បន្នទំនិញឆ្លងកាត់ព្រំដែនជាង ១០០,០០០ តោនត្រូវបានដឹកជញ្ជូនរវាងឡាវ និងថៃ ។
គួរបញ្ជាក់ថា ផ្លូវដែកឡាវ-ចិន គឺជាផ្លូវរថភ្លើងដំបូងគេដែលសាងសង់ និងដំណើរការរួមគ្នាដោយឡាវ និងចិន ដោយតភ្ជាប់ទីក្រុងគុនមីង ក្នុងខេត្តយូណាន ជាមួយរដ្ឋធានីវៀងច័ន្ទរបស់ឡាវ ៕
ប្រែសម្រួលដោយ ៖ ជីវ័ន្ត
ប្រភព ៖ Laotian Times
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ