អ៊ុយក្រែន បាញ់ទម្លាក់យន្តហោះ រុស្ស៊ី នៅទីក្រុងគៀវ ឆេះលើអគារ ផ្ទះល្វែង

កងកម្លាំងអ៊ុយក្រែនបានបាញ់ទម្លាក់យន្តហោះរុស្ស៊ីពីលើទីក្រុងគៀវនៅព្រឹកព្រលឹមថ្ងៃសុក្រនេះ ដែលបណ្តាលឲ្យកម្ទេចកម្ទីយន្តហោះធ្លាក់មកលើអគារផ្ទះល្វែង និងឆាបឆេះ ។ នេះបើយោងតាមទីប្រឹក្សារដ្ឋមន្ត្រីក្រសួងមហាផ្ទៃរបស់ប្រទេសអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូដែលបានចែករំលែកតាមអ៊ីនធឺណិតបង្ហាញថា យន្តហោះកំពុងធ្លាក់ ខណៈដែលកម្ទេចកម្ទីបានធ្លាក់មកលើអគារផ្ទះល្វែងនៅលើច្រាំងទន្លេនៃរដ្ឋធានី ។

យោងតាមអភិបាលក្រុង Kyiv លោក Vitali Klitschko បានឲ្យដឹងថា យ៉ាងហោចណាស់មនុស្ស ៣ នាក់នៅក្នុងអគារបានរងរបួស ។

បើយោងតាមសារព័ត៌មាន Herashchenko បានឲ្យដឹងថា ការវាយប្រហារតបតនេះបានកើតឡើង បន្ទាប់ពីមានការផ្ទុះខ្លាំងក្លាជាច្រើនត្រូវបានគេឮនៅក្រុងគៀវនៅម៉ោងប្រហែល ៤ ទៀបភ្លឺ ខណៈការបាញ់នេះកើតចេញពីប្រព័ន្ធការពារដែនអាកាសរបស់អ៊ុយក្រែនទៅលើយន្តហោះរុស្ស៊ី ។

គួរបញ្ជាក់ថា ឧបទ្ទវហេតុនេះបានកើតឡើងប្រហែល ២៤ ម៉ោងប៉ុណ្ណោះ បន្ទាប់ពីប្រទេសរុស្ស៊ីបានបើកការវាយលុកប្រទេសនេះតាមផ្លូវអាកាស ផ្លូវគោក និងសមុទ្រ ខណៈមន្ត្រីអ៊ុយក្រែនបាននិយាយថា មនុស្ស ១៣៧ នាក់ត្រូវបានសម្លាប់ដោយកងកម្លាំងរុស្ស៊ីនៅថ្ងៃដំបូងនៃសង្រ្គាម ដែលជាជម្លោះដ៏ធំបំផុតនៅអឺរ៉ុប ចាប់តាំងពីសង្គ្រាមលោកលើកទី២ ៕

ប្រែសម្រួលដោយ ៖ ជីវ័ន្ត

ប្រភព ៖ New York Post

ចុចអាន ៖ បងប្អូនអតីតអ្នកប្រដាល់ត្រកូល Klitschko ព្រមានកាន់អាវុធប្រយុទ្ធជាមួយ រុស្ស៊ី